أعمال الرُّسُل 2:22 - كِتاب العَهد الجَّديد مِن الكِتاب المُقَدَّس

²² يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

أعمال الرُّسُل 2:22 Referans Kwoze

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

أعمال الرُّسُل 4:10

خَلّي دا يَكون مَعروف لِكُلُّكُم و كُلّو ناس إِسْرَائِيل. بِإسم يَسُوع المَسيح النّاصِري، الإنتو صَلَبتوهو، لَكِن الله قَوَّمو مِن بين المَيِّتين، بيهو الرّاجِل دا واقِف قِدّامكُم بِعافيَه تَمام.

لُوقَا 11:20

و لَكِن إذا أنا بِإيد الله أطَلِّع الشّياطين، عَلى كِدا مَلَكوت الله جا ليكُم.

مَتَّى 12:28

و لَكِن إذا أنا بِروح الله بَطَلِّع الشّياطين، دا يَعني مَلَكوت الله جا ليكُم.

مَتَّى 9:8

و لَمّا النّاس شافو دا، إستَغرَبو و مَجَّدو الله الأدّا لِلنّاس سُلطَه زي دي.

عِبرانيين 2:4

و الله كَمان شِهِد بيهو مَعاهُم بِالعَلامات و العَجايِب و القُوّات المُختَلِفَه و هَدايات الرّوح القُدُس، الهو قَسَّمُم حَسَب إرَادَتو.

٢ كُورِنْثُوس 12:12

بِالحَق أنا عَمَلتَ في وَسِطكُم عَلامات الرَّسول بِكُلّو صَبر، العَلامات، و العَجايِب، و القُوّات.

أعمال الرُّسُل 26:26

و المَلِك بِيَعرِف بِالحاجات دي، و أنا بَقدَر أتكَلَّم قِدّامو بِالحُرّيَّه. و ما بَصَدِّق أي حاجَه مِن داك مَدسوسَه مِنّو، عَلَشان دا ما حَصَل في رُكن.

أعمال الرُّسُل 26:9

و أنا كَمان كُنتَ بَفتَكِر في نَفسي لازِم أسَوّي حاجات كَتيرَه ضِد إسِم يَسُوع النّاصِري.

أعمال الرُّسُل 24:5

عَشان لِقينا الرّاجِل دا كان بِخرَب و بِحَرِّك دَوشَه بين كُل اليَهود الفي الدُّنيا، و هو رَئيس جَماعَة النّاصِريين.

أعمال الرُّسُل 22:8

و رَدّيت عَليهو: إنتَ مِنو، يا سَيِّدي؟ و قال لَي: أنا يَسُوع النّاصِري، الأنتَ بِتَطرُدو.

أعمال الرُّسُل 21:28

و كورَكو: ”يا رُجال إِسْرَائِيل، ساعِدونا! دا هو الرّاجِل البِعَلِّم كُل النّاس في كُلّو مَكان ضِد الشَّعب و القانون و المَحَل دا. و هو كَمان جاب ناس إغريقيين لِلهيكَل، و نَجَّس المَحَل المُقَدَّس دا.“

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 13:16

و بُولُس قام و عَمَل عَلامَه بِإيدو و قال: ”يا رُجال إِسْرَائِيل و البِخافو الله مِن الأُمَم، أسمَعو!

أعمال الرُّسُل 6:14

عَشان سِمِعناهو يَقول يَسُوع النّاصِري دا بِخَرِّب المَحَل دا و بِغَيِّر العادات السَّلَّما لينا مُوسَى.“

أعمال الرُّسُل 5:35

في الوَكِت دا قال ليهُم: ”يا رُجال إِسْرَائِيل، خَلّو بالكُم بِالإنتو دايرين تَعمِلو بِالرُّجال ديل.

أعمال الرُّسُل 3:12

و لَمّا بُطْرُس شاف دا، قال لِلنّاس: ”يا رُجال إِسْرَائِيل، مالكُم تِستَغرَبو مِن دا؟ و لِشِنو تَعاينو لينا زي نِحنا عَمَلنا الرّاجِل دا يَمشي بِقُوَّتنا ولّا عَشان نِحنا قِدِّيسين؟

يُوحَنَّا 19:19

و بِيلاطُس كَتَب كِتابَه و خَتَّ عَلى الصَّليب. و كان مَكتوب: ”يَسُوع النّاصِري، مَلِك اليَهود.“

يُوحَنَّا 15:24

أنا عَمَلتَ بِينُم أعمال زول تاني ما عَمَلا. عَلَشان كِدا عِندَهُم خَطيَّه. لَكِن هَسَّع هُم شافو و كِرهوني أنا و أبوي.

يُوحَنَّا 12:17

و النّاس الكانو مَعاهو لَمّا يَسُوع نادى لَعَازَر مِن القَبر، و قَوَّمو مِن بين المَيِّتين، النّاس ديل كانو يَشهَدو عَن دا.

يُوحَنَّا 11:47

عَشان كِدا، القُسُس الكُبار و الفَرّيسيّين جَمَعو المَجِلس و قالو: ”بِنَعمِل شِنو؟ عَلَشان الرّاجِل دا قاعِد يَعمِل عَلامات كَتيرَه.

يُوحَنَّا 10:37

إذا أنا ما بَعمِل أعمال أبوي، ما تَآمِنو بي.

يُوحَنَّا 9:33

إذا الرّاجِل دا ما كان مِن الله، ما كان قِدِر يَعمِل شي.“

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

يُوحَنَّا 6:14

و لَمّا النّاس شافو العَلامَه العَمَلا يَسُوع، هُم قالو: ”صَحيح، دا هو النَّبي الجّاي لِلدُّنيا.“

يُوحَنَّا 5:36

لَكِن أنا عِندي شَهادَه أكبَر مِن شَهادَة يُوحَنَّا. عَشان الأعمال الأبو أدّاها لَي عَشان أتِمّا، الأعمال دي زاتا الأنا بَعمِل، هي تَوَرّي إنّو الأبو رَسَّلني.

يُوحَنَّا 4:48

و يَسُوع قال ليهو: ”إنتو ما بِتآمِنو أبَداً إذا ما تَشوفو عَلامات و عَجايِب.“

يُوحَنَّا 1:45

و فِيلُبُّس لِقى نَثَنَائِيل و قال ليهو: ”لِقينا الكَتَب عَنّو مُوسَى في القانون و الأنبياء، يَسُوع إبن يُوسِف المِن النَّاصِرَه.“

لُوقَا 24:18

و واحِد مِنَّهُم إسمو كَلْيُوبَاس رَدَّ عَليهو و قال: ”إنتَ ضيف بَراك في أُورُشَلِيم و ما بِتَعرِف الحاجات الحَصَلَت فيها في الأيام دي؟“

مَتَّى 2:23

و جا و قَعَد في المَدينَه الإسِما النَّاصِرَه، عَشان يَتِم القالو الأنبياء: ”بِسَمّوهو ناصِري.“

أعمال الرُّسُل 2:19

و أنا بَوَرّي عَجايِب في السَّما فوق و عَلامات عَلى الأرض تِحِت، دَم و نار و دُخان.

أعمال الرُّسُل 2:43

و الخوف وَقَع عَلى كُلّو نَفس، و الرُّسُل عَمَلو عَجايِب و عَلامات كَتيرَه.

أعمال الرُّسُل 3:6

و بُطْرُس قال: ”ما عِندي فِضَّه ولّا دَهَب، لَكِن العِندي بَدّيهو ليك. بِإسم يَسُوع النّاصِري، قوم و أمشي.“

لُوقَا 18:37

و قالو ليهو: ”يَسُوع النّاصِري بِفوت.“