أعمال الرُّسُل 2:17 - كِتاب العَهد الجَّديد مِن الكِتاب المُقَدَّس

¹⁷ الله بِقول، في الأيام الأخيرَه، أنا بَكُب روحي عَلى كُل النّاس. و أولادكُم و بَناتكُم بِتنَبّو، و شَبابكُم بِشوفو رؤيا، و شُيوخكُم بِيَحلَمو.

أعمال الرُّسُل 2:17 Referans Kwoze

أعمال الرُّسُل 10:45

و كُل المؤمِنين المُطَهَّرين الجّو مَعَ بُطْرُس، إستَغرَبو عَشان الله أدّا لِلنّاس الما كانو يَهود هَديَّة الرّوح القُدُس كَمان.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

عِبرانيين 1:2

كَلَّمنا في الأيام الأخيرَه دي في الإبن. و هو عَمَلو وارِث لِكُلّو حاجَه، و بيهو كَمان هو عَمَل الخَليقَه كُلَّها.

١ كُورِنْثُوس 12:28

و الله خَتَّ في الكَنيسَه، الأوَّل رُسُل، التّاني أنبياء، التّالِت مُعَلِّمين، بَعدين عامِلين عَجايِب، بَعَد دا هَدايا الشِّفا، مُساعَدات، تَرتيبات، و أنواع اللُّغات.

لُوقَا 3:6

و كُلّو إنسان بِشوف خَلاص الله.“

أعمال الرُّسُل 21:9

و كان عِندو أربَعَه بَنات عَذارى الإتنَبّو.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.

١ كُورِنْثُوس 12:10

و لِتاني، عَجايِب، و لِتاني، نُبوَّه، و لِتاني، قُدرَه عَشان يَفهَم الفارِق بين الأرواح، و لِتاني، قُدرَه عَشان يتكَلَّم بِأنواع اللُّغات، و لِتاني، تَرجَمَة لُغات.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يَعْقُوب 5:3

دَهَبكُم و فِضَّتكُم صَدّو، و صَداهُم بِشهَد عَليكُم و بياكُل لَحَمكُم زي نار. حَفَظتو كَنز في الأيام الأخيرَه.

أعمال الرُّسُل 11:28

و قام واحِد مِنَّهُم إسمو أغابوس، و إتنَبّأ بِالرّوح عَن جوع شَديد البِكون في كُل الدُّنيا. و داك حَصَل في أيام كُلُودِيُوس.

أعمال الرُّسُل 2:16

لَكِن دا هو القالو النَّبي يوئيل:

أعمال الرُّسُل 2:18

و في الأيام ديلاك أنا بَكُب روحي عَلى خَدّاميني، رُجال و نِسوان، و هُم بِتنَبّو.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أعمال الرُّسُل 11:27

و في الأيام ديلاك، أنبياء نَزَلو مِن أُورُشَلِيم لِأَنْطَاكِيَه.