أعمال الرُّسُل 19:9 - كِتاب العَهد الجَّديد مِن الكِتاب المُقَدَّس

⁹ و بَعض مِنَّهُم، روسينُم بِقو قَوّيين و أبو يآمِنو، و شَتَمو الطَّرِيق قِدّام النّاس. عَلَشان كِدا، بُولُس خَلّاهُم و أخَد التَّلاميذ مَعاهو. و كان بِتكَلَّم مَعاهُم كُلّو يوم في مَدرَسَة تِيرَانُّوس.

أعمال الرُّسُل 19:9 Referans Kwoze

أعمال الرُّسُل 19:23

و حَصَل في الوَكِت داك، دَوشَه كَبيرَه عَن الطَّريق.

أعمال الرُّسُل 9:2

و طَلَب مِنّو جَوابات لِبِيوت الرَّب بِتاعَت اليَهود في دِمَشق، عَشان إذا لِقى ناس الطَّريق، رُجال و نِسوان، بِسوقُم مَربوطين لِأُورُشَلِيم.

٢ بُطْرُس 2:12

لَكِن النّاس ديل يَجَدِّفو عَلى حاجات ما يَفهَموها. هُم زي الحَيوانات الما عِندَهُم عَقل، اليَمشو بِالطَّبيعَه، مَولودين عَشان يَمسِكوهُم و يَكتُلوهُم، و زي الحَيوانات، كَمان بِيَخرَبوهُم في الخَراب بِتاعُم.

أعمال الرُّسُل 14:4

و ناس المَدينَه إنقَسَمو. و بَعضُم كانو مَعَ اليَهود و بَعضُم مَعَ الرَّسولين.

يَهُوذَا 1:10

لَكِن ديل يَجَدِّفو عَلى الما يَفهَمو. و هُم يَسَوّو زي الحَيوانات الما عِندَهُم عَقل اليَمشو بِطَبيعَتُم. و بِالطَّرِيقَه دي يَخرِبو نُفوسُم.

٢ بُطْرُس 2:2

و كَتيرين ماشين يَتبَعو طُرُقُم البِخَرِّبو. و بِالسَّبَب دا النّاس يَجَدِّفو عَلى طَريق الحَق.

عِبرانيين 3:13

لَكِن حَزِّرو بَعضَكُم بَعض كُلّو يوم ما دام يَسَمّو الوَكِت النَّهار دا، عَلَشان راس واحِد مِنَّكُم ما بِكون قَوّي مِن غِش الخَطيَّه.

١ تِيمُوثَاوُس 6:5

و يَجيب الشَّكلات المُستَمِرَّه بين رُجال عَقلُم خَربان، الاَخَدو مِنَّهُم الحَق. و هُم يَفتَكِرو خوف الله طَريق عَشان يَبقى غَني.

رُومِيَه 11:7

و بَعَد دا شِنو؟ الطَّلَبو إِسْرَائِيل، ما أخَدوهو، لَكِن المُختارين أخَدوهو. و التّانيين روسينُم بِقو قَوّيَّه.

رُومِيَه 9:18

عَلَشان كِدا، الله يَرحَم الزّول الهو بِدور يَرحَمو، و يَقَوّي راس الزّول الهو بِدور يَقَوّيهو.

أعمال الرُّسُل 22:4

و طَرَدتَ الطَّريق دا حَتّى الموت، و قَبَضتَ عَلى رُجال و نِسوان، و رَميتُم في السِّجِن.

أعمال الرُّسُل 7:51

يا ناس رؤسكُم قَوّيين و قُلوبكُم بَطّالين و إضنينكُم ما بِسمَعو كَلام الحَق! إنتو بِتقاوِمو الرّوح القُدُس دايماً. زي ما أبَهاتكُم كانو بيَعمِلو، إنتو كَمان بِتَعمِلو.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

٢ تِيمُوثَاوُس 3:5

عِندَهُم صورَة خوف الله لَكِن هُم بِنكُرو قُوَّتو. كون بَعيد مِن ديل.

٢ تِيمُوثَاوُس 1:15

إنتَ بِتَعرِف دا إنّو كُل النّاس الفي آسيا رَجَّعو عَنّي. و مِنَّهُم فيجَلُّس و هَرْمُوجَانِس.

أعمال الرُّسُل 28:22

لَكِن نِحنا عاوزين نَسمَع فِكرَك، فِشان بِنَعرِف النّاس في كُلّو مَحَل بِقاوِمو الحِزب دا.“

أعمال الرُّسُل 24:21

إلّا الكِلمَه الوَحيدَه دي، الكورَكتَ بيها و أنا واقِف بِينُم: ’فِشان القيامَه مِن بين المَيِّتين يَحكُمو عَلي اليوم.“

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

أعمال الرُّسُل 19:30

و لَمّا بُولُس كان عاوِز يَدخُل بين النّاس، الأخوان ما خَلّوهو يَدخُل.

أعمال الرُّسُل 17:4

و بَعَض مِنَّهُم قِبِلو الكِلمَه، و جَمَعو لِبُولُس و سِيلَا. و كَمان ناس كُتار عَمَلو زي دا مِن ناس إغريقيين البِخافو، و العَدَد ما كان صَغَيِر مِن النِّسوان كَمان.

أعمال الرُّسُل 11:26

و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

يُوحَنَّا 12:40

”و هو قَفَل عُيونُم و خَلّى قُلوبُم زي حَجَر، عَشان ما بِشوفو بِعُيونُم ولّا بِفهَمو بِقُلوبُم، و يَرجَعو و أشفيهُم.“

مَتَّى 26:55

في السّاعَه ديك، يَسُوع قال لِلجُّموع: ”جيتو بِسُيوف و عَصايات عَشان تَقبُضو عَلي زي ما أنا حَرامي؟ كُلّو يوم كُنتَ قاعِد في الهيكَل بَعِلِّم النّاس، و إنتو ما مَسَكتوني.

مَتَّى 16:4

ناس زَمَن بَطّال و البيَعمِلو الزِّنا بِطلُبو عَلامَه. و لَكِن ما بِدّوهُم عَلامَه إلّا عَلامَة يونان.“ و هو سابُم و مَشى.

مَتَّى 15:14

خَلّوهُم. هُم ناس عَميانين بِسوقو عَميانين. و إذا عَميان بِسوق عَميان، هُم الإتنين يَقَعو في حُفرَه.“

١ كُورِنْثُوس 16:9

عَشان إنفَتَح لَي باب عَظيم لِلعَمَل النّاجِح. و في عُدوان كَتيرين.