أعمال الرُّسُل 19:34 - كِتاب العَهد الجَّديد مِن الكِتاب المُقَدَّس

³⁴ و لَمّا عِرفو هو يَهودي، كُلُّهُم كورَكو بِصوت واحِد ساعتين تَقريباً: ”عَظيمَه هي أَرْطَامِيس بِتاعَت أفَسُس!“

أعمال الرُّسُل 19:34 Referans Kwoze

أعمال الرُّسُل 19:28

و لَمّا سِمِعو دا، بِقو مَليانين بِالزَّعل، و إبتَدو يَكورِكو و يَقولو: ”عَظيمَه هي أَرْطَامِيس بِتاعَت أفَسُس.“

رؤيا 13:4

و النّاس عَبَدو التّنين، عَلَشانو أدّا الوَحَش سُلطتو. و هُم عَبَدو الوَحَش و قالو: ”مِنو يَشبَه الوَحَش؟ و مِنو يَقدَر يَحارِبو؟“

أعمال الرُّسُل 16:20

و جابوهُم لِلقُضاة و قالو: ”الرّاجلين ديل مِن ناس اليَهود. و هُم يَلَخبِتو بَلَدنا.

مَتَّى 6:7

و في صَلَواتكُم، ما تِتكَلَّمو كَلام كَتير ساكِت زي ما يَعمِلو ناس الدُّنيا، عَلَشان يَفتَكِرو الله يَسمَعُم بِكَلامُم الكَتير.

رُومِيَه 2:22

إنتَ البِتقول واحِد ما لازِم يَعمِل زِنا، إنتَ تَعمِل زِنا؟ إنتَ البِتَكرَه الأصنام، تَسرِق مِن الهياكِل؟

أعمال الرُّسُل 19:26

و إنتو تَشوفو و تَسمَعو في أفَسُس و كُلّو آسيا تَقريباً، بُولُس دا عَلَّم ناس كُتار حَتّى ضَلّو. و يَقول المَعمولَه بِالإيدين ما آلِهَه أبَداً.

أعمال الرُّسُل 19:24

عَشان كان في راجِل إسمو دِيمِتْرِيُوس، صايِغ البِسَوّي بُيوت صُغار مِن فِضَّه لِأَرْطَامِيس، و جاب شُغل كَتير لِلصّانعين.

أعمال الرُّسُل 19:33

و بَعض مِن النّاس أشَّر لِإِسْكَنْدَر عَشان يتكَلَّم، و اليَهود دَفَعوهو لِقِدّام. و إِسْكَنْدَر أشَّر بِإيدو هو داير يتكَلَّم عَشان نَفسو قِدّام النّاس.

أعمال الرُّسُل 19:35

و لكِن كاتِب المَدينَه سَكَّت النّاس و قال: ”يا رُجال أفَسُس، كُل الدُّنيا ما بِتَعرِف مَدينَة ناس أفَسُس، هي بِتَحرَس بيت أَرْطَامِيس العَظيمَه؟ و بِتَحرَس الصَّنَم النَزَل مِن السَّما.