أعمال الرُّسُل 19:21 - كِتاب العَهد الجَّديد مِن الكِتاب المُقَدَّس

²¹ و لَمّا الحاجات دي تَمَّت، بُولُس قَرَّر بِروحو أن يَمشي لِأُورُشَلِيم بَعَد ما مَرَّ بِمَكِدونيَّه و أَخَائِيَه. و قال: ”بَعَد ما أمشي هِناك، لازِم أشوف رُومِيَه كَمان.“

أعمال الرُّسُل 19:21 Referans Kwoze

أعمال الرُّسُل 20:22

و هَسَّع شوفو، بَمشي لِأُورُشَلِيم مَربوط بِالرّوح، و ما بَعرِف البِيَحصَل لَي هِناك،

أعمال الرُّسُل 20:16

و بُولُس كان إختار يَفوت أفَسُس، عَشان ما لازِم يَضَيِّع وَكِت في آسيا. هو كان مِستَعجِل لِيَكون في أُورُشَلِيم في يوم الخَمسين إذا كان مُمكِن.

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

رُومِيَه 1:13

أنا ما عاوِزكُم تَكونو بِدون مَعرِفَه، يا أخوان، مَرّات كَتيرَه قَرَّرتَ أجي ليكُم فِشان ألقى ثِمار مِنَّكُم كَمان، زي في الأُمَم التّانيين. و لَكِن مَنَعوني لِغايَة هَسَّع.

أعمال الرُّسُل 18:21

لَكِن لَمّا خَلّاهُم، هو قال: ”بَرجَع ليكُم إن شاء الله.“ و بَعَد دا، سافَر بِمُركَب مِن أفَسُس.

١ تَسَالُونِيكِي 1:7

عَشان كِدا بِقيتو مَثَل لِكُل المؤمِنين في مَكِدونيَّه و في أَخَائِيَه.

غَلَاطِيَّه 2:1

و بَعَد أربَعتاشَر سَنَه، طَلَعتَ مَرَّه تانيَه لِأُورُشَلِيم مَعَ بَرْنَابَا، و أخَدتَ مَعاي تِيطُس كَمان.

١ كُورِنْثُوس 16:5

بَجي ليكُم بَعَد ما مَريت بِمَكِدونيَّه، عَشان بَمُر بِمَكِدونيَّه.

رُومِيَه 1:15

و بِالسَّبَب دا، أنا جاهِز بِكُلّو قَلبي، أبَشِّركُم بِالإنجيل، ليكُم كَمان، الفي رُومِيَه.

أعمال الرُّسُل 28:16

و لَمّا دَخَلنا رُومِيَه، أدّو إذِن لِبُولُس يَقعُد بَراهو مَعَ العَسكَري الكان بِحرَسو.

أعمال الرُّسُل 27:24

و قال: ما تَخاف، يا بُولُس، إنتَ لازِم تِقيف قِدّام قَيصَر. و شوف! الله أدّاك كُل النّاس المِسافرين مَعاك.

أعمال الرُّسُل 27:1

و لَمّا كانو دايرين نَسافِر بِمُركَب لِإِيطَالِيَه، سَلَّمو بُولُس و مَسجونين تانيين لِرَئيس العَساكِر، إسمو يُولِيُوس مِن قِسم أُغُسْطُس.

أعمال الرُّسُل 21:17

و لَمّا وِصِلنا لِأُورُشَلِيم، الأخوان قِبِلنا بِفَرَح.

أعمال الرُّسُل 21:4

و عَلَشان لِقينا التَّلاميذ، قَعَدنا مَعاهُم أُسبوع. و هُم كانو بِقولو لِبُولُس بِالرّوح عَشان ما يَطلَع لِأُورُشَلِيم.

أعمال الرُّسُل 18:12

و لَمّا كان غَالِيُون مُدير أَخَائِيَه، اليَهود قامو بِنَفس واحدَه عَلى بُولُس، و جابوهو لِلمَحكَمَه.

أعمال الرُّسُل 16:12

و مِن هِناك لِفيلِبّي، و هي أوَّل مَدينَه في مُديريَّة مَكِدونيَّه و كولونيَّه رومانيَّه. و إستَنّينا في المَدينَه دي أيام قَليلَه.

أعمال الرُّسُل 19:22

و رَسَّل لِمَكِدونيَّه إتنين مِن الكانو بِخدِموهو، تِيمُوثَاوُس و أَرَسْطُوس. و هو إستَنّى وَكِت زِيادَه في آسيا.

أعمال الرُّسُل 19:29

و المَدينَه إتمَلَت دَوشَه. و كُلُّهُم جَرو مَعَ بَعض لِمَحَل اللِعب، و قَبَضو غَايُوس و وَأَرِسْتَرْخُس مِن مَكِدونيَّه، صاحِبين بُولُس في السَّفَر.

رُومِيَه 1:11

أنا داير أشوفكُم كَتير عَشان بَدّيكُم بَعض مِن الهَدايا البِكون مِن الرّوح عَشان تَبقو قَوّيين.

١ كُورِنْثُوس 4:19

لَكِنّي بَجيكُم قَوام إن شاء الرَّب، و بَعرِف مُش كَلام المَتكَبِّرين، لَكِن قُوَتُم.

٢ كُورِنْثُوس 10:16

عَلَشان نَبَشِّر بِالإنجيل في مَحَلّات بَعيدَه مِنَّكُم. و ما عاوزين نَحمِد عَمَل واحِد تاني العَمَلو مِن قُبّال في مَحَلّو.