أعمال الرُّسُل 17:5 - كِتاب العَهد الجَّديد مِن الكِتاب المُقَدَّس

⁵ و اليَهود حَسَدو، و اَخَدو رُجال بَطّالين مِن ناس السّوق، و لَمّو ناس كُتار، و عَمَلو دَوشَه في المَدينَه. و جَرو لِبيت ياسون، و طَلَبو يَطَلِّعوهُم لِلنّاس.

أعمال الرُّسُل 17:5 Referans Kwoze

غَلَاطِيَّه 5:26

واجِب عَلينا أن ما نَشكُر نُفوسنا، ولّا نَزَعِّل بَعَضَنا بَعض، ولّا نَحسُد بَعَضَنا بَعض.

أعمال الرُّسُل 17:13

و لَمّا اليَهود الفي تَسَالُونِيكِي عِرفو بُولُس بَشَّر بِكِلمَة الله في بيريَّه كَمان، هُم جو لِهِناك يَحَرِّكو النّاس و يَلَخبِتوهُم.

غَلَاطِيَّه 5:21

و الطَّمَع، و السُّكر، و الحَفلات البَطّالَه، و حاجات زي دي. أحَزِّركُم مِنَّها كَمان، زي ما حَزَّرتَكُم قُبّال دا. البِعمِلو حاجات زي دي، ما بِيورَثو مَلَكوت الله.

رُومِيَه 16:21

يَسَلِّمو عَليكُم تِيمُوثَاوُس المِشتَغِل مَعاي، و لوكيوس و ياسون و سُسِبَترُس مِن أهل بيتي.

أعمال الرُّسُل 17:7

و ياسون قِبِلُم في بيتو. و ديل كُلُّهُم يَعمِلو الشّي اليَقاوِم قَوانين قَيصَر، عَشان يَقولو في مَلِك تاني، هو يَسُوع.“

أعمال الرُّسُل 14:2

لَكِن الما آمَنو مِن اليَهود حَرَّكو نُفوس الأُمَم، و حَيَّرو أفكارُم عَشان يَكونو ضِد الأخوان.

١ كُورِنْثُوس 3:3

عَشانكُم لِسَّع ناس جِسميين، عَشان إذا كان فيكُم حَسَد و شَكلَه، إنتو ما ناس جِسميين و ماشين حَسَب ناس الدُّنيا؟

أعمال الرُّسُل 19:40

عَشان نِحنا في خَطَر بِشتَكونا بِفِتنَه فِشان الحَصَل اللّيلَه. و ما في سَبَب بيهو نَقدَر نَدّي حِساب عَن الدَوشَه دي.“

أعمال الرُّسُل 18:12

و لَمّا كان غَالِيُون مُدير أَخَائِيَه، اليَهود قامو بِنَفس واحدَه عَلى بُولُس، و جابوهو لِلمَحكَمَه.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 13:45

و لَمّا اليَهود شافو ناس كُتار، إتمَلو حَسَد، إبتَدو يَقاوِمو القالو بُولُس، و يَجَدِّفو.

مَتَّى 27:18

عَشان عِرِف إنَّهُم سَلَّموهو مِن الحَسَد.

يَعْقُوب 4:5

ولّا تَفتَكِرو الكِتاب يَقول بِدون سَبَب: ”الرّوح العَمَّلو يَسكُن فينا يَحِب لِلحَسَد؟“

أعمال الرُّسُل 7:9

و رؤساء الأبَهات حَسَدو يُوسِف و باعوهو لِمَصِر. و لَكِن الله كان مَعاهو،

أعمال الرُّسُل 17:6

و لَمّا ما لِقوهُم، جَرّو ياسون و بَعَض الأخوان لِسَلاطين المَدينَه، و هُم يَكورِكو: ”ديل القَلَبو الدُّنيا، جو هِنا كَمان.

أعمال الرُّسُل 17:9

و لَمّا اَخَدو ضَمانَه مِن ياسون و مِن التّانيين، خَلّوهُم يَمشو.

٢ كُورِنْثُوس 11:26

سافَرتَ مَرّات كَتيرَه. كُنتَ في خَطَر مِن البَحَر، في خَطَر مِن حَراميَّه، في خَطَر مِن ناس بَلَدي، في خَطَر مِن الأُمَم، في خَطَر في المَدينَه، في خَطَر في الخَلا، في خَطَر في البَحَر، في خَطَر مِن أخوان كَضّابين.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.