أعمال الرُّسُل 17:30 - كِتاب العَهد الجَّديد مِن الكِتاب المُقَدَّس

³⁰ و الله، في الزَّمَن الفات، مَرَّه عَليهُم، عَشان ما في مَعرِفَه. لَكِن هَسَّع هو يأمُر كُل النّاس في كُلّو مَحَل أن يَتوبو.

أعمال الرُّسُل 17:30 Referans Kwoze

أعمال الرُّسُل 14:16

و في الزَّمَن الفات، هو خَلّى كُل الأُمَم يَمشو في طُرُقُم.

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

١ بُطْرُس 4:3

إنتو صَرَفتو وَكِت كِفايَه عامِلين إرادَة الأُمَم، ماشين في الفَضيحَه، و الشَّهوات، و السُّكر، و حَفلات لِشُرُب الخَمر، و السَّفاهَه، و عِبادَة الأصنام المَكروهَه.

رُومِيَه 3:25

الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

رُومِيَه 2:4

ولّا تَشتِم غِنى لُطفو و إحتِمالو و صَبرو الطَّويل؟ و ما بِتَعرِف الله يَوَرّي لُطفو عَشان يَقودَك لِلتّوبَه؟

رُومِيَه 1:28

و عَشانُم ما إفتَكَرو في فايدَه مِن مَعرِفَة الله، الله سَلَّمُم لِخَراب الفَهم عَشان يَعمِلو المَمنوع.

أعمال الرُّسُل 20:21

أنا شاهِد لِليَهود و لِناس إغريقيين بِالتّوبَه لِلَّه، و الإيمان بِرَبَّنا يَسُوع المَسيح.

لُوقَا 13:5

أقول ليكُم، لا. و إلّا تَتوبو، كُلُّكُم بِتموتو زيَهُم.“

أعمال الرُّسُل 17:23

و وَكِت ما كُنتَ بَطوف و بَشوف مَحَلّات الضَّبيحَه بِتاعَتكُم، لِقيت كَمان مَضبَح مَكتوب فوقو: لِإلَه ما مَعروف. و داك البِتَعبُدوهو بِدون مَعرِفَه، أنا هَسَّع بَبَشِّركُم بيهو.

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

مَرْقُس 6:12

و مَرَقو، و بِشَّرو أن النّاس لازِم يَتوبو.

مَرْقُس 1:15

و قال: ”الوَكِت كِمِل، و مَلَكوت الله قَرَّب. توبو، و صَدِّقو بِالإنجيل.“

مَتَّى 3:2

و يَقول: ”توبو، فِشان مَلَكوت السَّما قَريب.“

٢ كُورِنْثُوس 7:10

عَشان الحُزن بِحَسَب إرادَة الله بِجيب توبَه لِخَلاص ما نِتأسَّف عَليها، لَكِن حُزن الدُّنيا بِجيب موت.

لُوقَا 15:10

و أقول ليكُم، بِكون فَرَح زي دا قِدّام مَلائِكَة الله، بِخاطي واحِد يَتوب.“

مَتَّى 4:17

مِن الوَكِت داك يَسُوع إبتَدا يَبَشِّر، و يَقول: ”توبو، علشان مَلَكوت السَّما قَريب.“

رُومِيَه 3:23

عَشان كُل النّاس عَمَلو خَطيَّه و إحتاجو لِمَجد الله.

مَتَّى 20:7

و قالو ليهو: عَشان ما في واحِد أجَّرنا. قال ليهُم: أمشو إنتو كَمان لِجِنينتي.