أعمال الرُّسُل 15:3 - كِتاب العَهد الجَّديد مِن الكِتاب المُقَدَّس

³ و بَعَد ما الكَنيسَه رَسَّلُم، هُم سافَرو لِفِينِيقِيَه و السَّامِرَه، و كانو بِخَبِّرُم بِرُجوع الأُمَم. و كُل الأخوان فِرحو فَرَح عَظيم.

أعمال الرُّسُل 15:3 Referans Kwoze

أعمال الرُّسُل 14:27

و لَمَّن وِصلو، جَمَعو الكَنيسَه، و خَبَّرو بِكُلّو حاجَه الله عَمَل مَعاهُم، و كيف فَتَح لِلأُمَم باب الإيمان.

أعمال الرُّسُل 21:5

و لَكِن لَمّا الوَكِت فات، مَرَقنا و مَشينا. و كُلُّهُم مَشو مَعانا مَعَ النِّسوان و الأولاد لِبَرَّه المَدينَه. و رَكَعنا عَلى رُكبَتينا عَلى الرَّملَه و صَلينا.

تِيطُس 3:13

أعمِل زي ما بِتَقدَر عَشان تَجَهِّز زيناس، المِتعَلِّم في القانون، و أَبُلُّوس لِلسَّفَر حَتّى ما بِحتاجو لِحاجَه.

١ كُورِنْثُوس 16:11

واحِد ما يَحتَقِرو، لَكِن ساعِدوهو في سَفَرو بِسَلام، عَلَشان يَجي لَي. عَشان بَستَنّاهو مَعَ الأخوان.

١ كُورِنْثُوس 16:6

يِمكِن بَقعُد مَعاكُم ولّا بَصرُف الشِّتا كَمان، عَلَشان تَساعِدوني في سَفَري لِلمَكان البَمشي ليهو.

رُومِيَه 15:24

و لَمّا أمشي لِأسبانيا، عِندي رَجاء أشوفكُم وَكِت ما بَمُر في طَرِيقي. و تَساعِدوني في سَفَري لِهِناك، بَعَد ما فِرِحتَ بِزِيارَتكُم وَكِت قَليل.

أعمال الرُّسُل 15:12

و كُل النّاس سَكَتو، و كانو يَسمَعو لِبَرْنَابَا و بُولُس و هُم يَقولو ليهُم كُل العَمَلو الله بِإيديهُم مِن العَلامات و العَجايِب.

٢ كُورِنْثُوس 1:16

و كُنتَ عاوِز أمُر بيكُم في طَرِيقي لِمَكِدونيَّه، و بَرجَع ليكُم مِن مَكِدونيَّه كَمان. و بَعدين إنتو بِترَسِّلوني لِليَهُودِيَّه.

أعمال الرُّسُل 28:15

و لَمّا الأخوان هِناك سِمِعو بِخَبَرنا، هُم مَرَقو عَشان يَقابِلونا، و مَشو لِسوق أَبِيُّوس و اللّوكَندات التّلاتَه. و وَكِت بُولُس شافُم، شَكَر الله و شَدّا حيلو.

أعمال الرُّسُل 13:52

و التَّلاميذ كانو مَليانين بِالفَرَح و الرّوح القُدُس.

أعمال الرُّسُل 13:48

و لَمّا الأُمَم سِمِعو دا، فِرحو و مَجَّدو كِلمَة الرَّب. و كُل الهو إختارُم لِلحَياة الأبَديَّه، آمَنو.

أعمال الرُّسُل 8:14

و وَكِت ما الرُّسُل الفي أُورُشَلِيم سِمِعو ناس السَّامِرَه قِبلو كِلمَة الله، هُم رَسَّلو ليهُم بُطْرُس و يُوحَنَّا.

لُوقَا 15:32

لَكِن واجِب عَلينا نَفرَح و نَكون مَبسوطين، عَشان أخوك دا كان مَيِّت و حِيى تاني، و كان ضايِع و إتلَقى.“

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 15:4

و لَمَّن وِصلو لِأُورُشَلِيم، الكَنيسَه و الرُّسُل و الشُّيوخ قابَلَتُم. و خَبَّروهُم بِكُل العَمَلو الله مَعاهُم.

أعمال الرُّسُل 15:22

في الوَكِت دا، الرُّسُل و الشُّيوخ مَعَ كُل الكَنيسَه شافو إنّو كوَيس يَختارو مِنَّهُم راجلين، و يَرَسِّلوهُم لِأَنْطَاكِيَه مَعَ بُولُس و بَرْنَابَا. و إختارو يَهُوذَا الإسمو بَرسابا، و سِيلَا، راجلين مَعروفين بين الأخوان.

أعمال الرُّسُل 15:32

و يَهُوذَا و سِيلَا، و هُم كَمان كانو أنبياء، بِشَّرو الأخوان بِكَلام كَتير، و شَدَّدوهُم.

أعمال الرُّسُل 17:15

و الرُّجال المَشو مَعَ بُولُس، جابوهو لِأَثِينَا. و هُم مَشو بَعَد ما اَخَدو أمر مِنّو لِسِيلَا و تِيمُوثَاوُس عَشان يَجو ليهو أوَّل ما مُمكِن.

أعمال الرُّسُل 20:38

و بِقو حَزنانين زِيادَه عَلى الكِلمَه القالا ليهُم: ”إنتو ما بِتشوفو وَشّي مَرَّه تانيَه.“ و بَعَد دا، مَشو مَعاهو لِلمُركَب.