أعمال الرُّسُل 14:15 - كِتاب العَهد الجَّديد مِن الكِتاب المُقَدَّس

¹⁵ ”يا رُجال، بِتسَوّو دا لِشِنو؟ نِحنا كَمان ناس، عِندَنا نَفس الطَّبيعَه زيَكُم. و نَبَشِّركُم عَشان تَرجَعو مِن الحاجات البِدون فايدَه دي لِلَّه الحَي، الخَلَق السَّما و الأرض و البَحَر و كُل الفيها.

أعمال الرُّسُل 14:15 Referans Kwoze

يَعْقُوب 5:17

إِيلِيَّا كان زول تِحِت الضّيق زيَنا، و صَلّى بِشِدَّه عَشان المَطَر ما يَنزِل. و ما نَزَل عَلى الأرض مُدَّة تلاتَه سِنين و سِتَّه شُهور.

١ كُورِنْثُوس 8:4

عَلى كِدا عَن الأكل اليَضبَحوهو لِلأصنام، بِنَعرِف الصَّنَم ما شي في الدُّنيا، و ما في إلَه تاني إلّا واحِد.

أعمال الرُّسُل 10:26

لَكِن بُطْرُس رَفَعو و قال: ”قوم، أنا كَمان إنسان.“

رؤيا 14:7

و يَقول بِصوت عالي: ”خافو الله و مَجِّدوهو، عَلَشان ساعَة حُكمو جات. أعبُدو خالِق السَّما و الأرض و البَحَر و عُيون المويَه.“

١ تَسَالُونِيكِي 1:9

عَلَشان هُم نُفوسُم يَخَبِّرو كيف قِبِلتونا، و كيف رَجَعتو لِلَّه مِن الأصنام عَشان تَخدِمو الله الحَي الحَقيقي.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

أعمال الرُّسُل 4:24

و لَمّا سِمِعو دا، رَفَعو أصواتُم لِلَّه بِصوت واحِد و قالو: ”يا سَيِّد، إنتَ العَمَلتَ السَّما و الأرض و البَحَر و كُل الفيها.

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

عِبرانيين 3:12

شوفو، يا أخوان، عَشان ما بِكون في أي واحِد مِنَّكُم قَلِب بَطّال و بِدون إيمان، البِرَجِّع عَن الله الحَي.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

أعمال الرُّسُل 14:21

و بَعَد ما بِشَّرو في المَدينَه ديك، ناس كُتار بِقو تَلاميذ. و بَعدين رَجَعو لِلِسترَه و إِيْقُونِيَه و أَنْطَاكِيَه،

يُوحَنَّا 7:18

البِتكَلَّم مِن نَفسو بِطلُب مَجد نَفسو. لَكِن البِطلُب المَجد حَق الرَّسَّلو، هو أمين، و ما فيهو غِش.

رؤيا 22:9

لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك الأنبياء و مَعَ ديل البِحفَظو كِلمات الكِتاب دا. أعبُد الله!“

رؤيا 19:19

و شُفتَ الوَحَش و مُلوك الأرض و جُيوشُم إتلَمّو عَشان يَحارِبو الرّاكِب فوق الحُصان و جُيوشو.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“

أعمال الرُّسُل 27:25

و كِدا، شِدّو حيلكُم، يا رُجال، عَشان أنا بآمِن بِالله إنّو بِكون زي ما هو قال لَي.

أعمال الرُّسُل 27:21

و بَعَد ما صامو وَكِت طَويل، قام بُولُس في وَسطُم و قال: ”يا رُجال، كان لازِم تَسمَعو لَي و ما تَسافِرو مِن كَريت، و ما تَجِيبو لِنُفوسكُم الضَّرَر دا و الخَسارَه.

أعمال الرُّسُل 27:10

”يا رُجال، بَشوف السَّفَر دا بِكون بِضَرَر و خَسارَه كَتيرَه، ما لِلبُضاعَه و المُركَب بَس، لَكِن عَلى نُفوسنا كَمان.“

أعمال الرُّسُل 16:30

و بَعَد دا، مَرَّقُم و قال: ”يا أسيادي، أسَوّي شِنو عَشان أكون مُخَلَّص؟“

أعمال الرُّسُل 14:7

و كانو هِناك بِبَشِّرو.

أعمال الرُّسُل 13:32

و نِحنا نَبَشِّركُم بِالوَعد الوَعَدو الله لِأبَهاتنا.

أعمال الرُّسُل 7:26

و في اليوم التّاني جا ليهُم، و هُم يَشاكلو بَعضَهُم مَعَ بَعض. و جَرَّب يَوَرّيهُم طَريق السَّلام و قال: يا رُجال، إنتو أخوان، لِشِنو تَشاكلو بَعضَكُم مَعَ بَعض؟

يُوحَنَّا 5:26

عَشان زي ما الأبو عِندو حَياة في نَفسو، هو كَمان أدّا لِلإبن عَشان تَكون ليهو الحَياة في نَفسو.

رؤيا 4:11

”إنتَ مُستَحِق، يا رَب إلَهنا أن تَقبَل المَجد و الإحتِرام و القُدرَه. عَلَشان إنتَ خَلَقتَ كُل الحاجات، و بِإرادَتَك كانو مَوجودين و مَخلوقين.“