أعمال الرُّسُل 13:6 - كِتاب العَهد الجَّديد مِن الكِتاب المُقَدَّس

⁶ و لَمّا سافَرو في الجَّزيرَه كُلَّها لِغايَة بافوس، لِقو راجِل يَهودي ساحِر و نَبي كَضّاب، إسمو باريَشوع.

أعمال الرُّسُل 13:6 Referans Kwoze

مَتَّى 7:15

خَلّو بالكُم مِن الأنبياء الكَضّابين، البِجوكُم بِهِدوم الخِرفان، و لَكِنَّهُم مِن جُوَّه مَرافعين جَعانين جِدّاً.

١ يُوحَنَّا 4:1

يا مَحبوبين، ما تَصَدِّقو كُلّو روح، لَكِن إمتَحِنو الأرواح، هُم مِن الله ولّا لا. عَشان أنبياء كاضِبين كَتيرين مَرَقو لِلدُّنيا.

٢ كُورِنْثُوس 11:13

عَشان رُجال زي ديل رُسُل كَضّابين، شَغّالين البِغِشّو، و يَغَيِّرو شَكلهُم لِشَكَل رُسُل المَسيح.

مَرْقُس 10:46

و جو لِأَرِيحَا. و وَكِت ما كان يَمرُق مِن أَرِيحَا مَعَ تَلاميذو و ناس كُتار كَمان، بَارْتِيمَاوُس، يَعني وَلَد تِيمَاوُس، و هو مِسكين و عَميان، كان قاعِد في السِّكَّه يَسأل صَدَقَه.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

مَتَّى 16:17

و يَسُوع قال ليهو: ”مُبارَك إنتَ، يا سِمْعَان إبن يُونَا. عَشان ناس ما وَرّوهو ليك، لَكِن أبوي الفي السَّما.

رؤيا 19:20

و الوَحَش كان مَقبوض، و مَعاهو النَّبي الكَضّاب الصَنَع العَلامات قِدّامو. و بِالعَلامات دي هو غَشّا ديل، القِبِلو عَلامَة الوَحَش و عَبَدو صَنَمو. و هُم الإتنين إترَمو و هُم حَيين في بِركَة النّار، المَوَلَّعَه بِالكِبريت.

٢ تِيمُوثَاوُس 3:8

و زي ما يَنّيس و وَيَمْبِرِيس عاكَسو مُوسَى، ديل كَمان بِعاكِسو الحَق، و هُم رُجال عِندَهُم أفكار خَربانَه و بِخُصوص الإيمان، هُم مَرفوضين.

أعمال الرُّسُل 13:8

لَكِن عَليم السّاحِر، و دا مَعنى إسمو، قاوَمُم و جَرَّب يَمنَع المُدير عَشان ما يآمِن.

أعمال الرُّسُل 13:13

و بُولُس و المَعاهو سافَرو بِمُركَب مِن بافوس، و جو لِبَرجَه في بَمفِليَه. لَكِن يُوحَنَّا خَلّاهُم و رَجَع لِأُورُشَلِيم.