أعمال الرُّسُل 13:50 - كِتاب العَهد الجَّديد مِن الكِتاب المُقَدَّس

⁵⁰ و لَكِن اليَهود حَرَّكو النِّسوان البِخافو و المُحتَرَمات و رؤساء المَدينَه. و هُم حَرَّكو ضيق عَلى بُولُس و بَرْنَابَا و طَرَدوهُم مِن بَلَدُم.

أعمال الرُّسُل 13:50 Referans Kwoze

٢ تِيمُوثَاوُس 3:11

و طُرودي، و أتعابي الحَصَلَت لَي في أنطاكيّا و وَإِيقُونِيَّةَ و لِسترَه، الطُّرود الأنا إتحَمَّلتا. لَكِن الرَّب خَلَّصني مِن كُلّو دا.

أعمال الرُّسُل 14:19

لَكِن يَهود مِن أَنْطَاكِيَه و إِيْقُونِيَه جو و حَرَّكوهُم حَتّى رَمو الحُجار عَلى بُولُس. و جَرّوهو بَرَّه المَدينَه، و هُم يَفتَكِرو هو مات.

أعمال الرُّسُل 14:2

لَكِن الما آمَنو مِن اليَهود حَرَّكو نُفوس الأُمَم، و حَيَّرو أفكارُم عَشان يَكونو ضِد الأخوان.

أعمال الرُّسُل 13:45

و لَمّا اليَهود شافو ناس كُتار، إتمَلو حَسَد، إبتَدو يَقاوِمو القالو بُولُس، و يَجَدِّفو.

أعمال الرُّسُل 21:27

و لَمّا السَّبَعَة أيام قَرَّبو يَفوتو، اليَهود المِن آسيا شافو بُولُس في الهيكَل. و حَرَّكو كُل النّاس و قَبَضوهو.

أعمال الرُّسُل 17:13

و لَمّا اليَهود الفي تَسَالُونِيكِي عِرفو بُولُس بَشَّر بِكِلمَة الله في بيريَّه كَمان، هُم جو لِهِناك يَحَرِّكو النّاس و يَلَخبِتوهُم.

رُومِيَه 10:2

عَشانّي أشهَد ليهُم عِندَهُم غيرَه لِلَّه، لَكِن ما حَسَب المَعرِفَه.

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

أعمال الرُّسُل 8:1

و شَاوُل كان رَضيان بِكَتَلو. و حَصَل في اليوم داك تَعب كَتير عَلى الكَنيسَه الفي أُورُشَلِيم. و كُلُّهُم إلّا الرُّسُل إتشَتَّتو في بِلاد اليَهُودِيَّه و السَّامِرَه.

أعمال الرُّسُل 6:12

و حَرَّكو النّاس و الشُّيوخ و مُعَلِّمين القانون. و قامو و قَبَضو عَليهو، و جابوهو لِلمَجِلس.

أعمال الرُّسُل 2:5

و كانو قاعِدين في أُورُشَلِيم رُجال بِخافو الله مِن اليَهود مِن كُلّو بَلَد الدُّنيا.

مَرْقُس 5:17

و بِقو يَطلُبو مِن يَسُوع يَسيب بَلَدُم.

مَتَّى 10:23

و لَمّا يَطرُدوكُم مِن المَدينَه دي، أجرو لِلتّانيَه. الحَق أقول ليكُم، إنتو ما بِتَمشو لِكُلّو بِلاد إِسْرَائِيل قُبّال ما يَجي إبن الإنسان.

مَرْقُس 15:43

يُوسِف مِن الرَّامَه جا. و هو عُضو مُحتِرَم في المَجِلس، و كان يَنتَظِر مَلَكوت الله. و شَدّا حيلو، و مَشى لِبِيلاطُس، و طَلَب مِنّو جِسِم يَسُوع.

أعمال الرُّسُل 14:4

و ناس المَدينَه إنقَسَمو. و بَعضُم كانو مَعَ اليَهود و بَعضُم مَعَ الرَّسولين.

أعمال الرُّسُل 14:5

و لَمّا الأُمَم و اليَهود مَعَ رؤساهُم كانو عاوزين يَشتِموهُم و يَرموهُم بِالحُجار،

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 17:4

و بَعَض مِنَّهُم قِبِلو الكِلمَه، و جَمَعو لِبُولُس و سِيلَا. و كَمان ناس كُتار عَمَلو زي دا مِن ناس إغريقيين البِخافو، و العَدَد ما كان صَغَيِر مِن النِّسوان كَمان.

أعمال الرُّسُل 17:12

و كَتيرين مِنَّهُم آمَنو، و كَمان عَدَد ما قَليل مِن ناس إغريقيين، مِن النِّسوان المُحتَرَمات و مِن الرُّجال.

أعمال الرُّسُل 17:17

و كان بِخَبِّر اليَهود و النّاس البِخافو، في بيت الرَّب، و النّاس الهو قابِلُم في السّوق كُلّو يوم.

أعمال الرُّسُل 18:7

و مَرَق مِن بيت الرَّب، و جا لِبيت راجِل بِخاف الله، إسمو تِيطُس يُسْتُس. و بيتو كان جَنب بيت الرَّب.

أعمال الرُّسُل 28:17

و بَعَد تَلاتَة أيام، بُولُس نادى كُبار اليَهود. و لَمّا إتلَمّو، قال ليهُم: ”يا رُجال و أخوان، أنا ما سَوّيت شي ضِد الشَّعب، و لا ضِد عادات أبَهاتنا. لَكِن خَتّوني في السِّجِن في أُورُشَلِيم، و سَلَّموني لِإيدين ناس رومانيين.

٢ كُورِنْثُوس 11:26

سافَرتَ مَرّات كَتيرَه. كُنتَ في خَطَر مِن البَحَر، في خَطَر مِن حَراميَّه، في خَطَر مِن ناس بَلَدي، في خَطَر مِن الأُمَم، في خَطَر في المَدينَه، في خَطَر في الخَلا، في خَطَر في البَحَر، في خَطَر مِن أخوان كَضّابين.

١ تَسَالُونِيكِي 2:14

عَلَشان إنتو، يا أخوان، بِقيتو زي كَنايس الله الفي اليَهُودِيَّه الفي المَسيح يَسُوع. عَشان إتحَمَّلتو نَفس الحاجات مِن ناس بَلَدكُم زي ما هُم إتحَمَّلو مِن اليَهود.