أعمال الرُّسُل 11:23 - كِتاب العَهد الجَّديد مِن الكِتاب المُقَدَّس

²³ و لَمّا وِصِل و شاف نِعمَة الله، هو كان فَرحان، و بَشَّر كُلُّهُم عَشان يَكونو ثابتين في الرَّب بِكُلّو قُلوبُم.

أعمال الرُّسُل 11:23 Referans Kwoze

١ كُورِنْثُوس 15:58

عَلَشان كِدا، يا أخوان المَحبوبين، كونو ثابِتين، ما مُحَرَّكين. و زيدو في عَمَل الرَّب دايماً، عَشان إنتو بِتَعرِفو تَعبكُم ما بِدون فايدَه في الرَّب.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 13:43

و بَعَد ما الناس مَشو مِن بيت الرَّب، كَتيرين مِن اليَهود و النّاس البِخافو، القِبلو الدّين اليَهودي، تِبعو بُولُس و بَرْنَابَا. و هُم كَلَّموهُم و بَشَّروهُم عَشان يِستَمِرّو في نِعمَة الله.

١ يُوحَنَّا 2:28

و هَسَّع، يا أولاد، أسكُنو فيهو، عَشان إذا يَظهَر، يَكون عِندَنا تأكيد، و ما نَخجَل مِنّو لَمّا يَجي.

٢ تِيمُوثَاوُس 3:10

و لَكِن إنتَ تِبِعتَ تَعليمي، و مَشيَتي، و قَصدي، و إيماني و صَبري، و مَحَبَّتي، و إحتِمالي،

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

أعمال الرُّسُل 20:24

لَكِنّي ما أحسِب حَياتي غالي لِنَفسي أبَداً، إذا كان بَس أكَمِّل شُغلي و الخِدمَه القِبِلتا مِن الرَّب يَسُوع عَشان أشهَد بِإنجيل نِعمَة الله.

٣ يُوحَنَّا 1:4

ما عِندي فَرَح أعظَم مِن دا، يَعني أسمَع أن أولادي يَمشو في الحَق.

أعمال الرُّسُل 14:26

و مِن هِناك سافَرو في البَحَر لِأَنْطَاكِيَه، المَحَل الفيهو الكَنيسَه كانَت قَدَّمَتُم في الأوَّل لِنِعمَة الله لِلعَمَل الهَسَّع كَمَلوهو.

يُوحَنَّا 15:4

أسكُنو فِيني و أنا فيكُم. الفَرَع ما يَقدَر يَجيب ثِمار بِنَفسو إلّا يَسكُن في شَجَرَة العِنَب. و إنتو كَمان ما تَقدَرو تَجِيبو ثِمار إلّا تَسكُنو فِيني.

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

٢ كُورِنْثُوس 1:17

أنا عَمَلتَ دا بِدون فِكر لَمّا غَيَّرتَ التَّرتيب بِتاعي؟ ولّا أنا بَعمِل تَرتيباتي زي ناس الدُّنيا بيَعمِلو، و بَقول ”أيوَه، أيوَه“ و ”لا لا“ في نَفس الوَكِت؟

أعمال الرُّسُل 20:32

و هَسَّع بَدّيكُم لِلَّه، و لِكِلمَة نِعمَتو، البِتَقدَر تَبنيكُم و تَدّي ليكُم الميراث مَعَ كُل القِدِّسين.

أعمال الرُّسُل 15:40

لَكِن بُولُس إختار سِيلَا، و مَرَق بَعَد ما الأخوان قَدَّموهو لِنِعمَة الله.

مَرْقُس 2:5

و لَمّا يَسُوع شاف إيمانُم، هو قال لِلمَفلوج: ”يا وَلَدي، خَطاياك مَغفورَه ليك.“

أعمال الرُّسُل 4:36

و يُوسِف كان لَاوِي مِن قُبرُص. و الرُّسُل سَمّوهو بَرْنَابَا، يَعني إبن الشَّجاعَه.

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

١ بُطْرُس 5:12

كَتَبتَ ليكُم بِكِلمات قَليلَه بِإيد سِلْوَانُس، الحَسبتو أخو أمين. أنا عاوِز أشَجِّعكُم و أشهَد ليكُم إنّو بِالحَق، دي نِعمَة الله. إستَمِرّو فيها.

يَهُوذَا 1:4

عَشان بَعض مِن النّاس دَخَلو بينكُم بِالسِّر، و هُم ما بِخافو الله. و هُم يَغَيِّرو نِعمَة إلَهنا لِلفَضيحَه و بِنكُرو سَيِدنا و رَبَّنا الوَحيد، يَسُوع المَسيح. و مِن وَكِت طَويل دينونَتُم كانَت مَكتوبَه.