أعمال الرُّسُل 10:38 - كِتاب العَهد الجَّديد مِن الكِتاب المُقَدَّس

³⁸ كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 10:38 Referans Kwoze

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

يُوحَنَّا 3:34

و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

عِبرانيين 1:9

إنتَ حَبيت البِر و كِرِهتَ الشَّر. عَلَشان كِدا، الله، إلَهَك، مَسَحَك بِزيت الفَرَح أكتَر مِن شُرَكاءَك.“

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

مَتَّى 12:28

و لَكِن إذا أنا بِروح الله بَطَلِّع الشّياطين، دا يَعني مَلَكوت الله جا ليكُم.

لُوقَا 3:22

و الرّوح القُدُس نَزَل عَليهو في شَكِل جِسم زي حَمامَه. و جا صوت مِن السَّما يَقول: ”إنتَ إبني الحَبيب، و أنا مَبسوط مِنَّك.“

يُوحَنَّا 10:32

يَسُوع رَدَّ عَليهُم و قال: ”أنا وَرّيتكُم أعمال طَيبَه كَتيرَه مِن الأبو. عَشان ياتو مِن الأعمال ديل تَضرُبوني بِالحُجار؟“

يُوحَنَّا 16:32

ساعَه بِتَجي، و السّاعَه دي هَسَّع، فيها كُلّو واحِد بِتفَرَّق لِبيتو. و يَخَلّوني بَراي، لَكِن أنا ما بَراي، عَشان الأبو مَعاي.

١ يُوحَنَّا 3:8

البيَعمِل الخَطيَّه، هو مِن إبْلِيس، عَشان إبْلِيس مِن البِدايَه كان يَخطى. إبن الله ظَهَر لِلسَّبَب دا، عَشان يَخرَب أعمال إبْلِيس.

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

مَتَّى 9:35

و يَسُوع كان بِمشي في كُل المُدُن و البِلاد، و يَعَلِّم في بِيوت الرَّب و يَبَشِّر بِبِشارات المَلَكوت، و يَشفي كُلّو عَيى و كُلّو مَرَض في النّاس.

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

لُوقَا 9:42

و وَكِت هو جاي، الشّيطان رَماهو و جِسمو كان بِهِز. لَكِن يَسُوع وَبَّخ الرّوح النَّجِس و شَفى الوَلَد، و سَلَّمو لِأبوهو.

مَتَّى 12:15

يَسُوع عِرِف دا و مَرَق مِن هِناك. و ناس كُتار تِبِعوهو. و هو شَفى كُلَّهُم،

مَرْقُس 6:6

و هو إستَغرَب عَشان هُم كانو بِدون إيمان. و مَشى مِن حِلَّه لِحِلَّه و عَلَّم النّاس.

لُوقَا 9:56

عَشان إبن الإنسان ما جا عَشان يَخَرِّب حَياة النّاس، لَكِن عَشان يَخَلِّص.“ و مَشو لِحِلَّه تانيَه.

أعمال الرُّسُل 10:37

و إنتو بِتَعرِفو الحَصَل في كُل اليَهُودِيَّه. و دا إبتَدا في الجَّليل بَعَد ما يُوحَنَّا بَشَّر بِالمَعموديَّه،

١ يُوحَنَّا 2:20

و لَكِن إنتو عِندَكُم مَسحَه مِن القُدّوس، و بِتَعرِفو كُلّو شي.

مَتَّى 9:19

و يَسُوع قام و تِبعو، هو و تَلاميذو.