أعمال الرُّسُل 10:11 - كِتاب العَهد الجَّديد مِن الكِتاب المُقَدَّس

¹¹ و شاف السَّما مَفتوحَه، و حاجَه زي مِلايَه كَبيرَه تَنزِل لِلأرض، مَربوطَه بِأربَعَه أركان.

أعمال الرُّسُل 10:11 Referans Kwoze

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

يُوحَنَّا 1:51

و قال ليهو: ”الحَق الحَق أقول ليكُم، بِتشوفو السَّما مَفتوحَه، و مَلائِكَة الله بِطلَعو و بِنزِلو عَلى إبن الإنسان.“

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

رؤيا 11:19

و هيكَل الله الفي السَّما إنفَتَح، و تابوت الإتِّفاق ظَهَر في هيكَل الله. و حَصَل بُروق و أصوات و رُعود و زَلزَلَه و بَرَد تَقيل.

رؤيا 4:1

و بَعَد دا عايَنتَ. و شوف! كان في باب مَفتوح في السَّما. و الصّوت الأوَّل، السِّمِعتو يَكَلِّمني زي صوت بوق، قال: ”اطلَع هِنا، و أنا بَوَرّيك حاجات لازِم تَحصَل بَعَد دا.“

كُولُوسِّي 3:11

هِنا ما في إغريقي ولّا يَهودي، ولّا طَهور ولّا ما طَهور، ولّا غَريب ولّا سِكِّيثِي، ولّا عَبد ولّا حُر. لَكِن المَسيح هو الكُل و هو في الكُل.

أفَسُس 1:10

و الله بِكَمِّل تَرتيبو لَمّا الزَّمَن يَكون تَمام، عَشان يَلِم كُلّو شي الفي السَّما و العَلى الأرض عَشان يَكون واحِد في المَسيح.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

غَلَاطِيَّه 2:15

نِحنا بِالوِلادَه يَهود، و نِحنا ما مِن الأُمَم خاطيين.

رُومِيَه 9:4

الهُم ناس إِسْرَائِيل. هو عَمَلُم أولادو، و ليهُم المَجد و الإتِّفاقات. و هو أدّاهُم القانون و الخِدمَه و الوُعود.

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

أعمال الرُّسُل 7:56

و قال: ”شوفو، أنا بَشوف السَّما مَفتوحَه، و إبن الإنسان واقِف عَن يَمين الله.“

يُوحَنَّا 12:32

و أنا إذا بَكون مَرفوع مِن الأرض، بَجيب كُل النّاس لَي.“

يُوحَنَّا 11:52

و ما عَشان الأُمَّه بَس، لَكِن عَشان يَجمَع أولاد الله المَفَرّقين لِواحِد.

لُوقَا 3:21

و لَمّا كُل النّاس إتعَمَّدو، و بَعَد ما يَسُوع كَمان إتعَمَّد، و وَكِت ما كان بِصَلّي، السَّما إنفَتَحَت.

مَتَّى 8:11

و أقول ليكُم، ناس كُتار بِجو مِن الشَّرق و مِن الغَرب و بِيَقعُدو مَعَ إِبْرَاهِيم و إِسْحَاق و يَعْقُوب في مَلَكوت السَّما.

أعمال الرُّسُل 10:12

و كان فيها مِن كُل الحَيوانات العِندَهُم أربَعَه أقدام و دَبايب الأرض و طُيور السَّما.

أعمال الرُّسُل 11:5

”كُنتَ بَصَلّي في مَدينَة يَافَا، و شُفتَ في رؤيا حاجَه تَنزِل مِن السَّما زي مِلايَه كَبيرَه مَربوطَه بِأركانا الأربَعَه، و جات لَي.