أعمال الرُّسُل 1:15 - كِتاب العَهد الجَّديد مِن الكِتاب المُقَدَّس

¹⁵ و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 1:15 Referans Kwoze

١ كُورِنْثُوس 15:6

و بَعَد داك، ظَهَر مَرَّه واحدَه لِزِيادَه مِن خُمسُمِيَّة أخو. أكتَرُم لِسَّع يَعِيشو لِغايَة هَسَّع، و لَكِن بَعض مِنَّهُم نامو.

رؤيا 11:13

و في السّاعَه ديك كانَت في زَلزَلَه كَبيرَه، و عُشر المَدينَه وَقَع. و سَبعَة آلاف مِن النّاس كانو مَكتولين بِالزَّلزَلَه. و باقي النّاس خافو شَديد خالِص و مَجَّدو إلَه السَّما.

أعمال الرُّسُل 21:20

و لَمّا سِمِعو، مَجَّدو الله. و قالو ليهو: ”إنتَ تَشوف، يا أخي، كَم ألف مِن اليَهود آمَنو، و كُلُّهُم عِندَهُم غيرَه لِلقانون.

يُوحَنَّا 21:23

و الكَلام دا بِقى مَعروف بين الأخوان، إنّو التِّلميذ داك ما بِموت. لَكِن يَسُوع ما قال ليهو إنّو ما بِموت، لَكِن ”إذا إرادَتي إنّو يَعيش لِغايَة ما بَجي، دا شِنو ليك؟“

رؤيا 3:4

لَكِن عِندَك في ساردِس ناس قَليلين و هُم ما نَجَّسو هِدُومُم. و هُم بِيَمشو مَعاي في هِدوم أبيَض، عَشان هُم مُستَحِقّين.

يُوحَنَّا 14:12

الحَق الحَق أقول ليكُم، البِآمِن بي، الأعمال الأنا بَعمِلا، هو كَمان يَعمِلا. و يَعمِل أكبَر مِنَّها، عَشان أنا ماشي لِلأبو.

لُوقَا 22:32

لَكِن أنا صَلّيت فِشانَك عَشان ما تَوَدِّر إيمانَك. و إنتَ، لَمّا تَرجَع تاني، ثَبِّت أخوانَك.“

مَتَّى 13:31

و عَلَّمُم مَثَل تاني و قال: ”مَلَكوت السَّما زي تيراب الخَردَل، و زول اَخَدو و زَرَعو في زِراعتو.

أعمال الرُّسُل 10:23

و عَلَشان كِدا، بُطْرُس عَزَمُم يدخُلو البيت و يَكونو ضُيوفو. و في الصَّباح بُطْرُس قام و مَرَق مَعاهُم، و بَعض مِن الأخوان مِن يَافَا كَمان مَشو مَعاهو.

أعمال الرُّسُل 11:1

و الرُّسُل و الأخوان الكانو في اليَهُودِيَّه سِمِعو أن الأُمَم كَمان قِبلو كِلمَة الله.

أعمال الرُّسُل 11:12

و الرّوح قال لَي، أمشي مَعاهُم بِدون ما تَشِك. و السِّتَّه أخوان ديل مَشو مَعاي، و دَخَلنا بيت الرّاجِل.

أعمال الرُّسُل 11:26

و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

أعمال الرُّسُل 11:29

و التَّلاميذ، كُلّو واحِد مِنَّهُم حَسَب قُدرَتو، جَهَّزو عَشان يَرَسِّلو حاجَه مُساعَدَه لِلأخوان السّاكنين في اليَهُودِيَّه.

أعمال الرُّسُل 12:17

و عَمَل عَلامَه بِإيدو عَشان يَسكُتو. و كَلَّمُم كيف الرَّب مَرَّقو مِن السِّجِن. و قال: ”خَبِّرو يَعْقُوب و الأخوان بِالحاجات دي.“ و بَعدين مَرَق و مَشى لِمَحَل تاني.

أعمال الرُّسُل 14:2

لَكِن الما آمَنو مِن اليَهود حَرَّكو نُفوس الأُمَم، و حَيَّرو أفكارُم عَشان يَكونو ضِد الأخوان.

أعمال الرُّسُل 15:1

و بَعض مِن الرُّجال نَزَلو مِن اليَهُودِيَّه لِأَنْطَاكِيَه، و كانو بِعَلِّمو الأخوان و يَقولو: ”إن كان ما تَكونو مُطَهَّرين حَسَب عادَة مُوسَى، ما بِتَقدَرو تَخلَصو.“

أعمال الرُّسُل 15:3

و بَعَد ما الكَنيسَه رَسَّلُم، هُم سافَرو لِفِينِيقِيَه و السَّامِرَه، و كانو بِخَبِّرُم بِرُجوع الأُمَم. و كُل الأخوان فِرحو فَرَح عَظيم.

أعمال الرُّسُل 16:2

و الأخوان الفي لِسترَه و إِيْقُونِيَه كانو يَقولو تِيمُوثَاوُس شاب طَيب.

أعمال الرُّسُل 16:40

و لَمّا مَرَقو مِن السِّجِن، مَشو لِبيت لِيدِيَّه. و شافو الأخوان و شَجَّعوهُم. و بَعَد دا مَرَقو.

أعمال الرُّسُل 17:6

و لَمّا ما لِقوهُم، جَرّو ياسون و بَعَض الأخوان لِسَلاطين المَدينَه، و هُم يَكورِكو: ”ديل القَلَبو الدُّنيا، جو هِنا كَمان.

أعمال الرُّسُل 17:10

و طَوّالي، الأخوان رَسَّلو بُولُس و سِيلَا بِاللّيل لِبيريَّه. و هُم، لَمّا وِصلو، دَخَلو بيت الرَّب اليَهودي.

أعمال الرُّسُل 17:14

و بِسُرعَه، الأخوان رَسَّلو بُولُس عَشان يَمشي لِطَرَف البَحَر. لَكِن سِيلَا و تِيمُوثَاوُس قَعَدو في بيريَّه.

أعمال الرُّسُل 18:18

و بُولُس قَعَد هِناك أيام كَتيرَه. و بَعَد دا، قال ليهُم مَعَ السَّلامَه، و سافَر بِمُركَب لِسُورِيَّه، و أخَد مَعاهو بِرِيسْكِلَّا و أَكِيلَا. و بُولُس كان حَلَق رَاسو في كَنْخِرِيَا، عَلَشان كان عَليهو وَعَد.

أعمال الرُّسُل 18:27

و لَمّا كان عاوِز يَمشي لِأَخَائِيَه، الأخوان شَجَّعوهو عَلى دا، و كَتَبو لِلتَّلاميذ هِناك عَشان يَقبَلوهو. و لَمّا وِصِل، ساعَد كَتير ديل البِالنِّعمَه كانو آمَنو.

أعمال الرُّسُل 21:7

و لَمّا خَلَّصنا السَّفَر مِن صُور، وِصِلنا لِبُتُولِمَايِس و سَلَّمنا عَلى الأخوان. و قَعَدنا مَعاهُم يوم واحِد.

أعمال الرُّسُل 21:17

و لَمّا وِصِلنا لِأُورُشَلِيم، الأخوان قِبِلنا بِفَرَح.

أعمال الرُّسُل 22:5

و رَئيس القُسُس و كُلّو مَجلِس الشُّيوخ يَقدَرو يَشهَدو لَي بِداك. و أخَدتَ مِنَّهُم جَوابات لِلأخوان في دِمَشق. و مَشيت لِدِمَشق عَشان أجيب النّاس ديل بِجَنازِير لِأُورُشَلِيم عَشان يَعاقِبوهُم.

أعمال الرُّسُل 28:14

و هِناك لِقينا أخوان، و هُم إترَجّونا نَقعُد مَعاهُم سَبعَة أيام. و كِدا جينا لِرُومِيَه.