٢ تِيمُوثَاوُس 4:8 - كِتاب العَهد الجَّديد مِن الكِتاب المُقَدَّس

⁸ و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

٢ تِيمُوثَاوُس 4:8 Referans Kwoze

يَعْقُوب 1:12

مُبارَك الرّاجِل البِتحَمَّل التَجرِبَه. عَشان إذا مَرَّه بِالإمتِحان، هو بِقبَل تاج الحَياة الوَعَد بيهو الرَّب لِلنّاس البِحِبّوهو.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

١ كُورِنْثُوس 9:25

و كُل اليَتعَب، يَمسِك نَفسو في كُلّو حاجَه. ديلاك عَشان ياخُدو تاج بِخسَر، و لَكِن نِحنا لِتاج ما بِخسَر.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

رؤيا 19:11

و بَعدين شُفتَ السَّما مَفتوحَه. و شوف! حُصان أبيَض، و الرّاكِب فوقو إسمو، الأمين و الصّادِق. و هو يَحكُم و يَحارِب بِالعَدل.

٢ تِيمُوثَاوُس 2:5

و كِدا كَمان، أي واحِد اليَجري في سَبَق، ما ياخُد التّاج إذا ما يَجري حَسَب القانون.

٢ تِيمُوثَاوُس 4:1

و بَدّيك الأمر دا قِدّام الله و قِدّام المَسيح يَسُوع البِحكُم عَلى الحَيين و المَيِّتين بِظُهورو و مَلَكوتو.

١ تِيمُوثَاوُس 6:19

و يَخُتّو لِنُفوسُم زي كَنز، أساس كوَيس لِلوَكِت الجّاي حَتّى يَمسِكو بِالحَياة الحَقيقيَه.

١ كُورِنْثُوس 2:9

لَكِن زي ما هو مَكتوب: ”العين ما شافَتو، و الأضان ما سِمِعَت بيهو، و ما دَخَل فِكِر زول عَن كُل الجَّهَّزو الله لِلبِحِبّوهو.“

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!

رؤيا 4:10

و لَمّا بيَعمِلو كِدا، الأربَعَه و عِشرين شيخ يَقَعو قِدّام القاعِد عَلى الكُرسي. و هُم يَعبُدو اليَعيش لِلأبَد. و يَرمو تيجانُم قِدّام الكُرسي و يَقولو:

رؤيا 4:4

و كانو في حَول الكُرسي أربَعَه و عِشرين كُرسي. و شُفتَ عَلى الكَراسي أربَعَه و عِشرين شيخ لابسين هِدوم أبيَض، و عَلى روسينُم تيجان مِن دَهَب.

عِبرانيين 9:28

و زي دا كَمان، المَسيح كان مَقَدَّم مَرَّه واحدَه عَشان يَشيل خَطايا ناس كُتار. و هو بِظهَر مَرَّه تانيَه، مُش عَلَشان يَشيل الخَطيَّه، لَكِن عَشان يَخَلِّصُم البِستَنّوهو.

٢ تِيمُوثَاوُس 1:18

و الرَّب يَدّي ليهو أن يَلقا رَحمَه مِن الرَّب في اليوم داك! و إنتَ بِتَعرِف كوَيس كيف هو خَدَّمني بِحاجات كَتيرَه في أفَسُس.

١ تَسَالُونِيكِي 1:10

و يَخَبِّرو كيف إنتو تِستَنّو إبنو مِن السَّما، هو القَوَّمو الله مِن الموت، يَسُوع اليَخَلِّصنا مِن الغَضَب الجّاي.

رُومِيَه 8:23

و مُش دا بَس، لَكِن نِحنا كَمان، العِندَنا أوَّل ثِمار الرّوح، نِحنا نَبكي في نُفوسنا مُنتَظِرين لِلَّه اليَعمِلنا أولادو، يَعني فِداء أجسامنا.

رُومِيَه 2:5

لَكِن بِسَبَب قَلبَك القَوّي و الما بِتوب، بِتَخزِن لِنَفسَك غَضَب في يوم الغَضَب، لَمّا دينونَة الله العادِل بِظهَر.

مَتَّى 24:36

و لَكِن اليوم داك و السّاعَه ديك ما في واحِد يَعرِفو. و لا مَلائِكَة السَّما، و لا الإبن، لَكِن الأبو بَس.

مَتَّى 7:22

في اليوم داك، ناس كَتيرين بِقولو لَي: يا رَب، يا رَب، ما بَشَّرنا بِإسمَك؟ و ما طَلَّعنا شياطين بِإسمَك؟ و ما عَمَلنا أعمال كَتيرَه بِقُدرَه بِإسمَك؟

١ تَسَالُونِيكِي 5:4

لَكِن إنتو، يا أخوان، ما في الضُّلُمَّه، و اليوم داك ما بِجي عَليكُم زي الحَرامي.

٢ كُورِنْثُوس 5:2

و هَسَّع نِحنا حَزنانين، و نَحِب نَلبَس فوقنا بيتنا المِن السَّما.

لُوقَا 10:12

أقول ليكُم، حالَة سَدوم بِتكون أحسَن في اليوم داك مِن الحالَه البِتكون لِلبَلَد ديك.

١ كُورِنْثُوس 3:13

عَمَل كُلّو واحِد بِبقى بايِن. عَشان اليوم بِوَرّيهو، و هو يَبَيِّن بِالنّار. و النّار بِتَمتَحِن عَمَل كُلّو واحِد هو مِن ياتو نوع.

فيلِبّي 3:11

عَشان إذا مُمكِن، أحَصِّل عَلى القيامَه مِن بين المَيِّتين.

٢ تَسَالُونِيكِي 2:8

و بَعَد دا، يَظهَر إنسان الخَطيَّه. و الرَّب يَسُوع بِغلِبو بِنَفَس خَشمو، و بِخَرِّبو بِمَجدو لَمّا بِجي.

٢ تِيمُوثَاوُس 1:10

لَكِن هَسَّع بِقَت بَايِنَه بِظُهور مُخَلِّصنا، المَسيح يَسُوع. هو بَطَّل الموت و وَرّانا الحَياة الما بِتموت بِواسطَة الإنجيل.

عِبرانيين 12:11

و بِالحَق، في الوَكِت الحاضِر نَفتَكِر كُلّو تأديب ما لِلفَرَح، لَكِن لِلحُزن. لَكِن بَعدين هو بِجيب ثِمار البِر و السَّلام لِديل الإتعَلَّمو مِنّو.