٢ تِيمُوثَاوُس 4:18 - كِتاب العَهد الجَّديد مِن الكِتاب المُقَدَّس

¹⁸ و الرَّب بِحفَظني مِن كُلّو عَمَل شَرّير، و بِخَلِّصني لِمَلَكوتو الفي السَّما. و ليهو المَجد لِلأبَد. آمين.

٢ تِيمُوثَاوُس 4:18 Referans Kwoze

٢ تَسَالُونِيكِي 3:3

لَكِن الرَّب أمين، و هو بِثَبِّتكُم و بِحفَظكُم مِن الشَّرّير.

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

١ تَسَالُونِيكِي 5:23

و إلَه السَّلام نَفسو يَقَدِّسكُم بِالتَّمام، و يَحفَظ روحكُم و نَفسَكُم و جِسِمكُم كَامِلَه و بِدون لوم لَمّا رَبَّنا يَسُوع المَسيح بِجي.

عِبرانيين 13:21

الله يَعمِلكُم كامِلين في كُلّو عَمَل طَيب عَشان تَعمِلو إرَادَتو. و هو يَشتَغِل فيكُم الحاجَه التَّبسِطو كَتير، بِيَسُوع المَسيح. و لِلمَسيح المَجد لِلأبَد. آمين.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ كُورِنْثُوس 1:10

و هو خَلَّصنا مِن موت زي دا و بِخَلِّصنا. و خَتّينا فيهو رَجاءنا إنّو بِخَلِّصنا مَرَّه تانيَه.

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

مَتَّى 13:43

في الوَكِت داك العادِلين بِنَوِّرو زي الشَّمِش في مَلَكوت أبوهُم. العِندو إضنين، خَليهو يَسمَع.

يُوحَنَّا 17:15

أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر.

لُوقَا 12:32

ما تَخافو، يا المُراح الصَّغير، عَشان أبوكُم رَضيان يَدّيكُم المَلَكوت.

١ تِيمُوثَاوُس 6:16

و هو بَس ما بِموت، و بِسكُن في نور الما نَقدَر نَقَرِّب مِنّو. ما في زول شافو ولّا بِقدَر يَشوفو. ليهو الإحتِرام و القُوَّه الأبَديَّه! آمين.

١ كُورِنْثُوس 10:13

ما في تَجرِبَه حَصَلَت ليكُم إلّا زي ما تَجي لِكُل النّاس. لَكِن الله أمين. هو ما يَخَلّيكُم تَكونو مُجَرَّبين فوق ما تَقدَرو. لَكِن لَمّا تَكونو مَجَرَّبين، هو بيَعمِل طَرِيقَة الهُروب عَشان تَقدَرو تِتحَمَّلوها.

١ بُطْرُس 5:11

ليهو السُّلطَه لِلأبَد. آمين.

١ تِيمُوثَاوُس 1:17

و لِلمَلِك الأبَدي، الما بِموت، الما نَقدَر نَشوفو، الإلَه الوَحيد، ليهو الإحتِرام و المَجد لِلأبَد. آمين.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.

غَلَاطِيَّه 1:5

ليهو المَجد لِلأبَد. آمين.

رُومِيَه 16:27

لِلَّه الفَهيم وَحدو، ليهو المَجد بِيَسُوع المَسيح لِلأبَد. آمين.

لُوقَا 22:29

و لَكِن أنا كَمان جَهَّزتَ ليكُم مَلَكوت، زي ما أبوي جَهَّز لَي مَلَكوت.

لُوقَا 11:4

و أغفِر لينا خَطايانا، عَشان نِحنا كَمان نَغفِر لِكُل اليَخطو لينا. و ما تَدَخِّلنا في تَجرِبَه. [لَكِن نَجّينا مِن الشَّرّير.“]

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

١ كُورِنْثُوس 1:21

عَشان إذا كان الدُّنيا، في حِكمَة الله، ما عِرِفَت الله بِالحِكمَه، إنبَسَط الله أن يَخَلِّص المؤمِنين بِبَلادَة البِشارَه.

١ كُورِنْثُوس 15:50

أقول دا، يا أخوان، أجسامنا المَصنوع مِن لَحَم و دَم ما بِقدَرو يورَثو مَلَكوت الله، و البِموت ما بِقدَر يورَث الما بِموت أبَداً.

٢ تِيمُوثَاوُس 4:1

و بَدّيك الأمر دا قِدّام الله و قِدّام المَسيح يَسُوع البِحكُم عَلى الحَيين و المَيِّتين بِظُهورو و مَلَكوتو.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

عِبرانيين 12:22

لَكِن إنتو قَرَبتو لِجَبَل صِهيون، لِمَدينَة الله الحَي، أُورُشَلِيم السَّماويَّه، و لِجَماعات عَشَرَة آلاف مِن المَلائكَه، و لِإجتِماع،

٢ بُطْرُس 1:11

و كِدا بِكون مُجَهَّز ليكُم دُخول بِغِنى لِمَلَكوت رَبَّنا و مُخَلِّصنا يَسُوع المَسيح الأبَدي.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.