٢ تِيمُوثَاوُس 2:9 - كِتاب العَهد الجَّديد مِن الكِتاب المُقَدَّس

⁹ و فِشانّو أنا بَتحَمَّل التَّعب حَتّى الجَّنازِير زي مُذنِب. لَكِن كِلمَة الله ما مَربوطَه.

٢ تِيمُوثَاوُس 2:9 Referans Kwoze

فيلِبّي 1:7

و دا تَمام لَي أن أفتَكِر كِدا عَن كُلُّكُم، عَلَشان أحفَظكُم كُلُّكُم في قَلبي. فِشان كُلُّكُم تَشارِكوني في نِعمَة الله، إذا أنا في جَنازِير ولّا أحرِس الإنجيل و أوَرّي إنّو هو الحَق.

أعمال الرُّسُل 28:31

و كان بِبَشِّر بِمَلَكوت الله، و بِعَلِّم البِخُص بِالرَّب يَسُوع المَسيح بِدون خوف، و ما في واحِد يَمنَعو.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

كُولُوسِّي 4:3

و صَلّو سَوا فِشانّا كَمان، عَشان الله يَفتَح لينا باب لِلكِلمَه، عَشان نِتكَلَّم بِسِر المَسيح. و بِالسَّبَب دا أنا مَربوط بِجَنازِير.

٢ تِيمُوثَاوُس 4:17

و لَكِن الرَّب وَقَف مَعاي و شَدَّدني عَلَشان أبَشِّر بِالإنجيل، و كُل الأُمَم بِسمَعو. و هو خَلَّصني مِن خَشم الأسَد.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 4:15

لَكِن ما تَخَلّو واحِد يِتوَجَّع زي كاتِل، ولّا حَرامي، ولّا عامِل الشَّر، ولّا البِدخُل في حاجات التّانيين بِدون حَق.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تَسَالُونِيكِي 3:1

في الآخِر، يا أخوان، صَلّو فِشانّا، عَلَشان كِلمَة الرَّب تَجري و تِتمَجَّد زي ما عَمَلَت مَعاكُم كَمان.

كُولُوسِّي 4:18

أنا، بُولُس، أكتِب السَّلام دا بِإيدي. إتزَكَّرو جَنازِيري. النِّعمَه مَعاكُم.

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ بُطْرُس 2:14

ولّا لِلحُكّام، المُرَسَّلين مِنّو لِلإنتِقام مِن عامِلين الشَّر، و عَشان حَمد لِعامِلين الخير.

٢ تِيمُوثَاوُس 1:16

و الرَّب يَدّي رَحمَه لِبيت أُونِيسِيفُورُس عَلَشانّو مَرّات كَتيرَه أدّاني راحَه، و ما خَجَل مِن جَنازِيري.

لُوقَا 23:32

و ساقو كَمان إتنين مُذنِبين تانيين عَشان يَكتُلوهُم مَعاهو.

أعمال الرُّسُل 21:33

في الوَكِت دا، رَئيس الجُّيوش قَرَّب ليهو، و قَبَض عَليهو، و أمَرُم يَربُطوهو بِجَنزيرين. و سأل عَنّو مِنو هو، و عَمَل شِنو.

فيلِبّي 1:17

التّانيين يَبَشِّرو بِالمَسيح مِن شَكَل، مُش بِإخلاص. و هُم يَفتَكِرو يَزيدو الوَجَع بِتاعي وَكِت أنا مَحبوس.

١ تَسَالُونِيكِي 1:8

عَلَشان إنتو خَبَّرتو بِكِلمَة الرَّب، مُش في مَكِدونيَّه و أَخَائِيَه بَس، و لَكِن إيمانكُم بِالله مَشى لِكُلّو مَكان. عَشان كِدا ما ضَروري نَقول أي شي.

٢ تِيمُوثَاوُس 2:3

أشتَرِك في حِمِل التَّعب زي عَسكَري كوَيس لِلمَسيح يَسُوع.