٢ تِيمُوثَاوُس 2:19 - كِتاب العَهد الجَّديد مِن الكِتاب المُقَدَّس

¹⁹ و لَكِن أساس الله الثّابِت يَقوم، و فوقو الخِتِم دا: ”الرَّب بِيَعرِف النّاس بِتاعو،“ و: ”كُلّو واحِد البِعتَرِف بِإسم الرَّب لازِم يَكون بَعيد مِن الخَطيَّه.“

٢ تِيمُوثَاوُس 2:19 Referans Kwoze

يُوحَنَّا 10:14

أنا هو الرّاعي الصّالِح. أنا بَعرِف خِرفاني، و خِرفاني بِيِعرِفوني.

١ كُورِنْثُوس 8:3

و لَكِن إذا كان واحِد يَحِب الله، دا مَعروف عِند الله.

لُوقَا 13:27

و هو بِقول ليكُم: ما بَعرِفكُم جيتو مِن وين. أمشو بَعيد مِنّي، كُلُّكُم العامِلين الخَطيَّه.

غَلَاطِيَّه 4:9

لَكِن هَسَّع إنتو تَعرِفو الله، ولّا بِالأكتَر، الله يَعرِفكُم. كيف تَرجَعو لِلقَوانين الضَّعيفَه و المِسكينَه؟ بِتدورو تَكونو عَبيد ليها مَرَّه تانيَه؟

رؤيا 3:8

أنا بَعرِف أعمالَك. و شوف، أنا خَتّيت قِدَّامَك باب مَفتوح، و ما في واحِد يَقدَر يَقفِلو. بَعرِف إنتَ عِندَك شوَيَة قُوَّه، و حَفَظتو كلمَتي و ما نَكَرتَ إسمي.

رؤيا 22:4

و هُم بِشوفو وَشّو، و إسمو بِكون عَلى جَبهاتُم.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

١ كُورِنْثُوس 1:2

لِكَنيسَة الله الفي كُورِنْثُوس، المُقَدَّسين في المَسيح يَسُوع، المُختارين عَشان يَكونو قِدِّيسين مَعَ كُل البِنادو لِإسم رَبَّنا يَسُوع المَسيح في كُلّو مَحَل، رَبُّم و رَبَّنا.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

رؤيا 2:13

أنا بَعرِف المَحَل الأنتَ ساكِن فيهو، و كُرسي الشّيطان في المَحَل دا. لَكِن إنتَ ماسِك بِإسمي. و إنتَ ما نَكَرتَ الإيمان بي، حَتّى في أيام أَنْتِيبَاس، شاهِدي الأمين. و هو كان مَكتول بينكُم، في المَحَل الشّيطان بِسكُن فيهو.

مَتَّى 7:23

و بَعدين بَكَلِّمُم: ما عِرِفتَكُم أبَداً. أمشو مِنّي، إنتو البِتَعمِلو الخَطيَّه.

أفَسُس 3:15

المِنّو كُلّو أهل في السَّما و عَلى الأرض ياخُد إسمو.

رُومِيَه 15:20

لَكِن تَرتيبي دايماً كان دا: عَشان أبَشِّر بِالإنجيل في المَحَل الفيهو إسِم المَسيح ما كان مَعروف. عَلَشان ما أبني عَلى أساس واحِد تاني.

أعمال الرُّسُل 15:17

عَلَشان باقي النّاس التّانيين و كُل الأُمَم الاَخَدو إسمي عَليهُم، يَطلُبو الرَّب العامِل الحاجات دي، يَقول الرَّب.

مَتَّى 7:25

و المَطَر نَزَل و مَلا الواطَه. و الهَبوب هَبَّت و ضَرَبَت البيت داك. و لَكِن البيت ما وَقَع، عَشان كان أساسو عَلى الحَجَر.

١ يُوحَنَّا 2:19

هُم مَرَقو مِنَّنا، لَكِن ما كانو مِنَّنا. عَشان إذا كانو مِنَّنا، كانو إستَنّو مَعانا. لَكِن مَرَقو عَشان يَوَرّو إنّو ما كُلَّهُم مِنَّنا.

رُومِيَه 12:9

خَلّي المَحَبَّه تَكون مُخلِصَه. أكرَهو البَطّال، أمسِكو بِالكوَيس.

مَرْقُس 13:22

عَشان مُسَحَه كَضّابين و أنبياء كَضّابين بِقومو، و بيَعمِلو عَلامات و عَجايِب حَتّى يَغِشّو المُختارين (إذا مُمكِن).

رُومِيَه 9:11

قُبّال ما الوَلَدين إتوَلَدو و لِسَّع ما عَمَلو كوَيس ولّا بَطّال قالو ليها: ”الكَبير ماشي يَخدِم الصَّغَير.“

١ تِيمُوثَاوُس 6:19

و يَخُتّو لِنُفوسُم زي كَنز، أساس كوَيس لِلوَكِت الجّاي حَتّى يَمسِكو بِالحَياة الحَقيقيَه.

رُومِيَه 8:28

نِحنا بِنَعرِف الله يَساعِد في كُلّو حاجَه لِخير النّاس البِحِبّوهو، الهو ناداهُم حَسَب تَرتيبو.

أعمال الرُّسُل 9:14

و كَمان عِندو إذِن مِن القُسُس الكُبار عَشان يَجي هِنا و يَقبُض كُل البِنادو بِإسمَك.“

يُوحَنَّا 13:18

أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

مَتَّى 24:24

عَشان مُسَحَه كَضّابين و أنبياء كَضّابين بِقومو و يَعمِلو عَلامات عَظيمَه و عَجايِب، فِشان يَغِشّو حَتّى النّاس المُختارين، إذا دا كان مُمكِن.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

رُومِيَه 11:2

الله ما أبى شَعبو العِرفو مِن قُبّال. ما بِتَعرِفو اليَقَول الكِتاب عَن إِيلِيَّا؟ كيف هو سأل الله كَتير ضِد إِسْرَائِيل و قال:

لُوقَا 6:48

هو مِثِل زول بِبني بيت، و بِحفِر تِحِت و بِخُت الأساس عَلى الحَجَر. و لَمّا المويَه مَلَت الأرض، و المويَه ضَرَبَت عَلى البيت داك، ما قِدِر تَهِزّو، عَشان كان أساسو عَلى الحَجَر.

رُومِيَه 15:9

عَشان الأُمَم يَمَجِّدو الله فِشان رَحمَتو، زي ما هو مَكتوب: ”بِالسَّبَب دا بَمَجِّدَك في الأُمَم، و بَرَتِّل لِإسمَك.“

رؤيا 21:14

و حيطَة المَدينَه عِندَها إتناشَر أساس، و عَليهُم أسامي رُسُل الحَمَل الإتناشَر.

عِبرانيين 11:10

عَشان هو إنتَظَر المَدينَه العِندَها الأساسات، و الله عَمَلا و بَناها.

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

رؤيا 17:8

و الوَحَش الأنتَ شُفتو، هو كان مَوجود و هَسَّع ما مَوجود. و هو ماشي يَطلَع مِن الحُفرَه الغَريقَه جِدّاً و يَمشي لِلخَراب. و السّاكنين عَلى الأرض بِستَغرَبو، ديل الأساميهُم ما مَكتوبين في كِتاب الحَياة مِن خَليقَة الدُّنيا. هُم بِستَغرَبو لَمّا يَشوفو الوَحَش، عَلَشان هو كان مَوجود و هَسَّع ما مَوجود و بِجي.

أعمال الرُّسُل 11:26

و لَمّا لِقاهو، جابو لِأَنْطَاكِيَه. و بَرْنَابَا و شَاوُل أجتَمَعو مَعَ الكَنيسَه سَنَه واحدَه، و عَلَّمو ناس كُتار. و سَمّو التَّلاميذ مَسيحيين أوَّل مَرَّه في أَنْطَاكِيَه.

يُوحَنَّا 3:33

و اليَقبَل شَهادَتو خَتَّ خِتمو إن الله أمين.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

مَرْقُس 12:16

و جابوهو ليهو. و قال ليهُم: ”الصّورَه دي صورَة مِنو؟ و الكِتابَه كِتابَة مِنو؟“ قالو ليهو: ”بِتاعَت قَيصَر.“