٢ تَسَالُونِيكِي 3:3 - كِتاب العَهد الجَّديد مِن الكِتاب المُقَدَّس

³ لَكِن الرَّب أمين، و هو بِثَبِّتكُم و بِحفَظكُم مِن الشَّرّير.

٢ تَسَالُونِيكِي 3:3 Referans Kwoze

٢ تِيمُوثَاوُس 4:18

و الرَّب بِحفَظني مِن كُلّو عَمَل شَرّير، و بِخَلِّصني لِمَلَكوتو الفي السَّما. و ليهو المَجد لِلأبَد. آمين.

١ تَسَالُونِيكِي 5:24

البِناديكُم، هو أمين، و هو بيَعمِل دا كَمان.

١ كُورِنْثُوس 10:13

ما في تَجرِبَه حَصَلَت ليكُم إلّا زي ما تَجي لِكُل النّاس. لَكِن الله أمين. هو ما يَخَلّيكُم تَكونو مُجَرَّبين فوق ما تَقدَرو. لَكِن لَمّا تَكونو مَجَرَّبين، هو بيَعمِل طَرِيقَة الهُروب عَشان تَقدَرو تِتحَمَّلوها.

١ كُورِنْثُوس 1:9

الله أمين، هو النّاداكُم لِشَرِكَة إبنو يَسُوع المَسيح رَبَّنا.

يُوحَنَّا 17:15

أنا ما بَسأل عَشان تاخُدُم مِن الدُّنيا، لَكِن عَشان تَحفَظُم مِن الشَّر.

يَهُوذَا 1:24

و لِلقادِر يَحفَظكُم مِن الوقوع، و يَجيبكُم قِدّام مَجدو بِدون عيب بِفَرَح عَظيم،

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

٢ بُطْرُس 2:9

و كِدا الرَّب بِيَعرِف كيف يَخَلِّص البِخافوهو مِن التَجرِبَه، و يَحفَظ الشَّرّيرين لِيوم الدّينونَه عَشان يَعاقِبُم.

٢ تَسَالُونِيكِي 2:17

يَشَجِّع قُلوبكُم و يَثَبِّتكُم في كُلّو عَمَل و كَلام كوَيس.

لُوقَا 11:4

و أغفِر لينا خَطايانا، عَشان نِحنا كَمان نَغفِر لِكُل اليَخطو لينا. و ما تَدَخِّلنا في تَجرِبَه. [لَكِن نَجّينا مِن الشَّرّير.“]

مَتَّى 5:37

خَلّي كَلامكُم بِكون أيوَه ولّا لا بَس. و الأكتَر مِن داك، هو مِن الشَّرّير.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.