٢ تَسَالُونِيكِي 3:14 - كِتاب العَهد الجَّديد مِن الكِتاب المُقَدَّس

¹⁴ إذا كان أي واحِد ما بِطيع كَلامنا في الجَّواب دا، خَلّو بالكُم مِنّو. ما تَقعُدو مَعاهو، عَشان هو بِكون خَجلان.

٢ تَسَالُونِيكِي 3:14 Referans Kwoze

تِيطُس 3:10

و الرّاجِل البِحِب يَقَسِّم النّاس، حَزِّرو مَرَّه و مَرَّتين. و بَعَد دا، كون بَعيد مِنّو.

١ كُورِنْثُوس 5:11

لَكِن هَسَّع بَكتِب ليكُم، ما تِتلَمّو مَعَ واحِد البِسَمّوهو أخو، إذا هو بيَعمِل زِنا ولّا هو طَمّاع، ولّا يَعبُد الأصنام، ولّا شَتَّم، ولّا مَرّاسي، ولّا حَرامي. و ما تاكلو مَعَ واحِد زي دا.

٢ تَسَالُونِيكِي 3:6

و نَدّيكُم أمر، يا أخوان، بِإسم رَبَّنا يَسُوع المَسيح، كونو بَعيدين مِن كُلّو أخو البِكون كَسلان و الما بِعِيش حَسَب التَّعليم القِبِلتوهو مِنَّنا.

١ تَسَالُونِيكِي 4:8

عَلَشان كِدا، اليَرفُض دا ما يَرفُض النّاس لَكِن الله، الأدّانا روحو القُدّوس كَمان.

فِلِيمُون 1:21

و عَلَشان عِندي تأكيد إنَّك تَطيع، بَكتِب ليك و بَعرِفَك تَعمِل أكتَر مِن البَطلُب.

٢ كُورِنْثُوس 10:6

نِحنا جاهِزين عَشان نَنتَقِم عَلى كُلّو فِتنَه لَمّا تَكَمِّل طاعَتكُم.

٢ كُورِنْثُوس 2:9

بِالسَّبَب دا كَتَبتَ ليكُم، عَشان أمتَحِنكُم و أشوف إذا إنتو تَطيعو في كُلّو حاجَه.

١ كُورِنْثُوس 5:9

كَتَبتَ ليكُم في جَوابي أن ما تِتلَمّو مَعَ النّاس البيَعمِلو الزِّنا.

رُومِيَه 16:17

أطلُب ليكُم، يا أخوان، تَخُتّو بالكُم لِليَعمِلو إنقِسامات و البِخُتّو في سِكَّتكُم مُخالِف التَّعليم الإتعَلَّمتوهو. خَلّوهُم.

مَتَّى 18:17

إذا يابا يَسمَع ليهُم، كَلَّم الكَنيسَه. و إذا يابا يَسمَع لِلكَنيسَه، خَليهو يَكون ليكُم زي واحِد مِن ناس الدُّنيا و البِلِمّو الضَّريبَه.

عِبرانيين 13:17

طيعو رؤساكُم و كونو تِحِت سُلطَتُم. عَلَشانُم يَحرَسو عَلى نُفوسكُم زي ديل البِدّو حِساب. طيعوهُم عَلَشان شُغلُم بِكون بِفَرَح، مُش بِحُزن. عَشان إذا بِحُزن، ما في فايدَه ليكُم.

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

٢ كُورِنْثُوس 7:15

و قَلبو يَبقى مَليان بِرَحمَه ليكُم لَمّا يِتذَكَّر كيف إنتو سِمِعتو ليهو، و كيف قِبِلتوهو بِخوف و هَزَّه.

١ كُورِنْثُوس 4:14

ما بَكتِب دا عَشان أخَجِّلكُم، لَكِن أحَزِّركُم مِثِل أولادي المَحبوبين.

كُولُوسِّي 4:16

و لَمّا هُم قَرو ليكُم الجَّواب دا، شوفو إنَّهُم يَقروهو في كَنيسَة ناس لاوُدِكِيَّةَ كَمان. و إنتو كَمان أقرو الجَّواب مِن لاوُدِكِيَّةَ.

تِيطُس 2:8

و كَلامَك بِكون صَحيح و بِدون لوم، عَلَشان العَدو بِخجَل و ما بِقدَر يَقول عَلينا حاجَه بَطّالَه.

٢ يُوحَنَّا 1:10

إذا واحِد يَجيكُم و ما يَجيب التَّعليم دا، ما تَقبَلوهو في البيت و ما تَقولو ليهو ”سَلام.“