٢ تَسَالُونِيكِي 2:16 - كِتاب العَهد الجَّديد مِن الكِتاب المُقَدَّس

¹⁶ و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

٢ تَسَالُونِيكِي 2:16 Referans Kwoze

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

١ تَسَالُونِيكِي 3:11

و إلَهنا نَفسو، أبونا، و رَبَّنا يَسُوع المَسيح يَقودنا في الطَّرِيق ليكُم.

رؤيا 1:5

و مِن يَسُوع المَسيح الشّاهِد الأمين و البِكر مِن بين المَيِّتين و رَئيس مُلوك الأرض. ليهو البِحِبّنا و أدّانا الحُرّيَّه مِن خَطايانا بِدَمّو.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

رُومِيَه 4:16

عَلَشان كِدا، الوَعَد بِجي بِالإيمان، عَشان يَكون بِنِعمَه، و يَكون بِتأكيد، لِكُل الأولاد، مُش ليهُم البِطيعُو القانون بَس، لَكِن ليهُم المِن إيمان إِبْرَاهِيم كَمان. و هو أبو لِكُلُّنا.

رُومِيَه 4:4

و الزّول البِسَوّي، ما يَحسِبو ليهو أُجرَتو زي هَدِيَّه، لَكِن زي دين.

أعمال الرُّسُل 18:27

و لَمّا كان عاوِز يَمشي لِأَخَائِيَه، الأخوان شَجَّعوهو عَلى دا، و كَتَبو لِلتَّلاميذ هِناك عَشان يَقبَلوهو. و لَمّا وِصِل، ساعَد كَتير ديل البِالنِّعمَه كانو آمَنو.

أعمال الرُّسُل 15:11

لَكِنّا بِنِعمَة الرَّب يَسُوع المَسيح نآمِن عَشان نَخَلَص، زي ما هُم يَخلَصو كَمان.“

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

يُوحَنَّا 15:9

زي ما الأبو حَبّاني، أنا كَمان حَبّيتكُم. أسكُنو في مَحَبَّتي.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

لُوقَا 16:25

لَكِن إِبْرَاهِيم قال: يا وَلَدي، إتزَكَّر إنتَ في حَياتَك أخَدتَ حاجات كوَيسَه، و كِدا كَمان لَعَازَر حاجات بَطّالَه. و لَكِن هَسَّع هو هِنا مُرتاح، و إنتَ مِعَذَب.

رؤيا 22:5

و ما بِكون في ليل بَعَد دا. و هُم ما بِحتاجو لِنور فانوس ولّا لِنور الشَّمِش، عَشان الرَّب الإلَه بِنَوِّر عَليهُم. و هُم بِملِكو لِلأبَد.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.

١ يُوحَنَّا 3:16

بِدا، بِنَعرِف المَحَبَّه، أن يَسُوع المَسيح أدّا نَفسو عَشان خاطِرنا. و واجِب عَلينا أن نَدّي نُفوسنا عَشان خاطِر الأخوان.

عِبرانيين 7:19

عَشان القانون ما عَمَل أي شي كامِل. لَكِن رَجاء أحسَن جا، و بيهو نَقَرِّب لِلَّه.

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

كُولُوسِّي 1:5

فِشان الرَّجاء المَحفوظ ليكُم في السَّما، الإنتو سِمِعتو بيهو قُبّال دا في كِلمَة حَق الإنجيل،

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

٢ تَسَالُونِيكِي 2:13

و لَكِن نِحنا لازِم نَشكُر الله دايماً فِشانكُم، يا أخوان المَحبوبين مِن الرَّب. و نَشكُر الله عَشان هو إختاركُم مِن البِدايَه عَشان تَخلَصو بِالقَداسَه المِن الرّوح و بِالإيمان بِالحَق.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.