٢ تَسَالُونِيكِي 1:8 - كِتاب العَهد الجَّديد مِن الكِتاب المُقَدَّس

⁸ هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

٢ تَسَالُونِيكِي 1:8 Referans Kwoze

١ بُطْرُس 4:17

عَشان الوَكِت جا فِشان الحُكم يَبتَدي بأهل الله. و إن كان يَبتَدي بينَنا، كيف بِكون نِهايَة الما بِطيعُو إنجيل الله؟

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.

عِبرانيين 10:27

لَكِن نِستَنّا بِخوف شَديد لِلحُكم، و زَعل نار بِتاكُل عُدوان الله.

عِبرانيين 10:30

عَشان نِحنا نَعرِفو القال: ”لَي الإنتِقام، أنا بَدفَع.“ و كَمان: ”الرَّب بِيَحكُم شَعبو.“

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

غَلَاطِيَّه 4:8

مِن قَبِل، لَمّا ما كُنتو تَعرِفو الله، كُنتو عَبيد لِآلِهَه بِطَبيعَه مُش آلِهَه.

رُومِيَه 6:16

ما بِتَعرِفو لَمّا تَدّو نُفوسكُم زي خَدّامين عَشان تَطيعو واحِد، إنتو بِالحَق خَدّامين ليهو التَطيعوهو؟ يا لِلخَطيَّه البِسوق لِلموت ولّا لِلطّاعَه البِسوق لِلبِر.

مَتَّى 25:41

بَعدين هو بِقول لِلنّاس في شِمالو: أمشو مِنّي، يا مَلعونين، لِلنّار الأبَديَّه المَجَهَّزَه لِإبْلِيس و مَلائكَتو.

رؤيا 20:10

و إبْلِيس، الكان بِغِشُّم، إترَمى في بِركَة النّار و الكِبريت لِلمَكان الفيهو كَمان الوَحَش و النَّبي الكَضّاب. و ماشين يَعَذِّبوهُم نَهار و ليل لِلأبَد.

عِبرانيين 12:29

عَشان إلَهنا هو نار بِتاكُل.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“

رؤيا 6:10

و هُم كورَكو بِصوت عالي و قالو: ”يا سَيِّد، القُدّوس و الحَقيقي، لِغايَة مِتين ما تَحكُم و ما تَنتَقِم لِدَمّنا مِن السّاكنين عَلى الأرض؟“

١ تَسَالُونِيكِي 4:5

و ما في شَهوَه شَرّيرَه زي الأُمَم الما يَعرِفو؛ الله.

رُومِيَه 1:28

و عَشانُم ما إفتَكَرو في فايدَه مِن مَعرِفَة الله، الله سَلَّمُم لِخَراب الفَهم عَشان يَعمِلو المَمنوع.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

يُوحَنَّا 3:19

و دي هي الدّينونَه: إن النّور جا لِلدُّنيا، و النّاس حَبّو الضُّلُمَّه أكتَر مِن النّور، عَشان أعمالُم كانَت شَرّيرَه.

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

١ بُطْرُس 3:6

مِثِل ما سَارَه كانَت تَطيع إِبْرَاهِيم و تَسَمّيهو سَيِدا. و هَسَّع إنتو بِقيتو بَنات ليها إذا تَعمِلو الخير و ما تَخافو مِن أي حاجَه أبَداً.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

عِبرانيين 11:8

بِالإيمان إِبْرَاهِيم، لَمّا الله ناداهو، طاع عَشان يَمرُق لِلمَحَل الهو ماشي ياخُدو ميراث. و هو مَرَق و ما عارِف هو ماشي وين.

عِبرانيين 5:9

و لَمّا كَمَّل شُغلو، هو بِقى سَبَب خَلاص أبَدي لِكُل البِطيعوهو.

غَلَاطِيَّه 3:1

يا ناس غَلَاطِيَّه البَليدين! مِنو سَحَركُم؟ إنتو القِدّام عُيونكُم يَسُوع المَسيح كان مُصَوَر بينكُم مَصلوب.

٢ كُورِنْثُوس 10:5

نَخَرِّب صُوَر الأفكار و كُلّو حاجَه عاليَه البِتكون مَرفوع ضِد الله. و نَقبُض عَلى كُلّو فِكر عَشان نَسَويهو يَطيع المَسيح.

١ كُورِنْثُوس 15:34

أرجَعو لِنُفوسكُم زي الواجِب، و ما تَعمِلو خَطيَّه. عَشان بَعض مِن النّاس ما عِندَهُم مَعرِفَه بِالله. بَقول داك عَشان أخَجِّلكُم.

رُومِيَه 16:26

و لَكِن ظَهَر هَسَّع و خَبَّرو بيهو كُل الأُمَم بِالكُتُب النَّبَويَّه بِحَسَب الإلَه الأبَدي، عَشانُم يآمِنو و يَطيعوهو.

رُومِيَه 15:18

أنا بَخاف أتكَلَّم بِحاجَه إلّا العَمَلو المَسيح بي عَلَشان الأُمَم يَطيعو الله، بِالكِلمَه و العَمَل،

رُومِيَه 10:16

و لَكِن مُش كُلُّهُم قِبلو الإنجيل. عَشان إِشَعْيَاء يَقول: ”يا رَب، مِنو صَدَّق خَبَرنا؟“

رُومِيَه 1:5

و بِالمَسيح قِبِلنا نِعمَه و بِقينا رُسُل. و هَسَّع الله يَرَسِّلنا عَشان نَبَشِّر كُل الأُمَم فِشان هُم كَمان بِطيعوهو و بِآمِنو بيهو.

يُوحَنَّا 8:19

و بَعدين قالو ليهو: ”وين أبوك؟“ يَسُوع قال ليهُم: ”إنتو ما بِتَعرِفوني، و ما بِتَعرِفو أبوي. إذا عِرِفتوني، كُنتو عِرِفتو أبوي كَمان.“

يَهُوذَا 1:7

و كِدا كَمان سَدوم و عَمورَه و البِلاد الحَواليهُم سَلَّمو نُفوسُم لِلزِّنا و مَشو وَرا شَهوَه ما زي طَبيعَة النّاس. و هُم بِقو مَثَل البِتحَمَّلو جِزا نار أبَديَّه.