٢ تَسَالُونِيكِي 1:10 - كِتاب العَهد الجَّديد مِن الكِتاب المُقَدَّس

¹⁰ لَمّا هو بِجي عَشان يَقبَل المَجد مِن قِدِّسِينو. و في اليوم داك، المؤمِنين بِدّوهو إحتِرام بِفَرَح. و إنتو كَمان بِتكونو مَعاهُم، عَلَشان إنتو صَدَّقتو شَهادَتنا ليكُم.

٢ تَسَالُونِيكِي 1:10 Referans Kwoze

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

أفَسُس 1:18

و بَصَلّي عَشان أفكاركُم بِكونو مَفتوحين لِنورو، عَلَشان تَعرِفو الرَّجاء الهو إختاركُم ليهو، و تَعرِفو غِنى مَجد ميراثو في القِدِّسين.

١ كُورِنْثُوس 3:13

عَمَل كُلّو واحِد بِبقى بايِن. عَشان اليوم بِوَرّيهو، و هو يَبَيِّن بِالنّار. و النّار بِتَمتَحِن عَمَل كُلّو واحِد هو مِن ياتو نوع.

يُوحَنَّا 17:10

و كُل العِندي، هو ليك. و كُل العِندَك، هو لَي. و أنا عِندي مَجد فِشانُم.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

٢ تَسَالُونِيكِي 2:13

و لَكِن نِحنا لازِم نَشكُر الله دايماً فِشانكُم، يا أخوان المَحبوبين مِن الرَّب. و نَشكُر الله عَشان هو إختاركُم مِن البِدايَه عَشان تَخلَصو بِالقَداسَه المِن الرّوح و بِالإيمان بِالحَق.

١ كُورِنْثُوس 1:6

و كِدا شَهادَتنا عَن المَسيح إتأكَّدَت فيكُم.

٢ تِيمُوثَاوُس 1:18

و الرَّب يَدّي ليهو أن يَلقا رَحمَه مِن الرَّب في اليوم داك! و إنتَ بِتَعرِف كوَيس كيف هو خَدَّمني بِحاجات كَتيرَه في أفَسُس.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

٢ تَسَالُونِيكِي 1:12

و نَصَلّي كَمان عَشان إسم رَبَّنا يَسُوع بِقبَل مِنَّكُم المَجد، و إنتو بِتَقبَلو مَجد مِنّو، حَسَب نِعمَة إلَهنا و الرَّب يَسُوع المَسيح.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

١ تَسَالُونِيكِي 2:1

عَشان إنتو نُفوسكُم بِتَعرِفو، يا أخوان، أن زيارَتنا ما كانَت بِدون فايدَه.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

أفَسُس 3:16

أنا بَصَلّي عَشان هو بِدّيكُم حَسَب غِنى مَجدو عَلَشان تِتشَدَّدو بِالقُوَّه بِروحو جُوَّه نُفوسكُم،

أفَسُس 3:10

عَلَشان حِكمَة الله المُختَلِفَه جِدّاً هَسَّع تَكون مَعروفَه لِلرّؤساء و السَّلاطين في المَحَلّات الفي السَّما. و الله بيَعمِل دا بِالكَنيسَه.

أفَسُس 2:7

هو عَمَل دا عَشان يَوَرّي في الزَّمَن الجّاي، غِنى نِعمَتو الأكبَر بِرَحمَتو عَلينا في المَسيح يَسُوع.

أفَسُس 1:14

و هو عَربون ميراثنا لِفِداء مُلكو، لِحَمد مَجدو.

أفَسُس 1:12

عَلَشان نِحنا الفي الأوَّل خَتّينا رَجاءنا في المَسيح، نَكون لِحَمد مَجدو.

أفَسُس 1:6

عَشان نَحمِد مَجد نِعمَتو، الأدّاها لينا مَجّاناً في المَحبوب.

غَلَاطِيَّه 1:24

و كانو بِمَجِّدو الله فِيني.

يُوحَنَّا 11:4

و لَمّا يَسُوع سِمِع، هو قال: ”العَيى دي مُش لِلموت، لَكِن عَشان مَجد الله، عَشان إبن الله يِتمَجَّد بيهو.“

لُوقَا 10:12

أقول ليكُم، حالَة سَدوم بِتكون أحسَن في اليوم داك مِن الحالَه البِتكون لِلبَلَد ديك.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَتَّى 24:36

و لَكِن اليوم داك و السّاعَه ديك ما في واحِد يَعرِفو. و لا مَلائِكَة السَّما، و لا الإبن، لَكِن الأبو بَس.

مَتَّى 7:22

في اليوم داك، ناس كَتيرين بِقولو لَي: يا رَب، يا رَب، ما بَشَّرنا بِإسمَك؟ و ما طَلَّعنا شياطين بِإسمَك؟ و ما عَمَلنا أعمال كَتيرَه بِقُدرَه بِإسمَك؟

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

مَتَّى 16:28

الحَق أقول ليكُم، بَعَد مِن النّاس الواقفين هِنا ما بِموتو لِغايَة ما بِشوفو إبن الإنسان يَجي في مَلَكوتو.“

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

١ تِيمُوثَاوُس 3:16

و نَشهَد أن سِر الدّين بِتاعنا مُهِم: هو ظَهَر في الجِّسم، و إتبَرَّر في الرّوح، و المَلائكَه شافوهو، و بِشَّرو بيهو بين الأُمَم، و آمَنو بيهو في الدُّنيا، و رَفَعوهو في المَجد.