٢ بُطْرُس 1:1 - كِتاب العَهد الجَّديد مِن الكِتاب المُقَدَّس

¹ مِن سِمْعَان بُطْرُس خَدّام يَسُوع المَسيح و رَسولو، ليهُم القِبلو إيمان غالي زي إيمانَنا بِبِر إلَهنا و مُخَلِّصنا يَسُوع المَسيح.

٢ بُطْرُس 1:1 Referans Kwoze

تِيطُس 2:13

و نِحنا نَنتَظِر الرَّجاء المُبارَك و ظُهور مَجد إلَهنا العَظيم و مُخَلِّصنا يَسُوع المَسيح.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

٢ كُورِنْثُوس 4:13

و عِندَنا روح الإيمان زاتو زي ما مَكتوب: ”آمَنتَ، عَلَشان كِدا إتكَلَّمتَ.“ و نِحنا كَمان بِنآمِن، و عَلَشان كِدا بِنِتكَلَّم.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

رُومِيَه 1:12

يَعني بِتكون عِندَنا شَجاعَه مَعَ بَعض بِالإيمان الفي كُلُّنا، إيمانكُم و إيماني.

٢ بُطْرُس 1:4

و كِدا هو أدّانا الوُعود الغاليَه و العَظيمَه جِدّاً، عَلَشان بِالوُعود تَبقو شُرَكا الطَّبيعَه بِتاعَت الله. و تَنجو مِن الخَراب الفي الدُّنيا بِسَبَب الشَّهوَه.

١ بُطْرُس 1:1

مِن بُطْرُس رَسول يَسُوع المَسيح، لِلغَريبين المَشَتَّتين في بُنتُس و غَلَاطِيَّه و كَبَّدوكيَّه و آسيا و بِثينيَه،

أفَسُس 4:11

و هو أدّا البَعض يَكونو رُسُل، و البَعض، أنبياء، و البَعض، مُبَشِّرين، و البَعض، رُعاه و مُعَلِّمين.

رُومِيَه 1:1

الجَّواب دا مِن بُولُس. أنا خَدّام يَسُوع المَسيح، و الله إختارني عَشان أبَشِّر بِإنجيلو.

لُوقَا 1:47

و روحي مَبسوطَه بِالله مُخَلِّصي.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

٢ تِيمُوثَاوُس 1:5

و أتزَكَّر إيمانَك المُخلِص، السَّكَن في الأوَّل في حَبوبتَك لُوئِيس و أُمَّك أَفْنِيكِي و أنا مِتأكِّد بِسكُن فيك كَمان.

فيلِبّي 3:9

و عَشان هو يَلقاني فيهو، مُش بِبِرّي المِن القانون، و لَكِن بِالبِر البِالإيمان بِالمَسيح، البِر المِن الله بِالإيمان.

أعمال الرُّسُل 15:14

سِمْعَان خَبَّرنا كيف الله زار الأُمَم في الأوَّل، عَشان تاخُد مِنَّهُم ناس لِنَفسو.

مَتَّى 10:2

أهُم ديل أسامي الإتناشَر رَسول: الأوَّل، سِمْعَان السَّمّوهو بُطْرُس، و أنْدَرَاوُس أخوهو. و يَعْقُوب، إبن زَبَدي، و يُوحَنَّا أخوهو.

١ بُطْرُس 2:7

ليكُم البِتآمِنو، هو المُحتِرَم. لَكِن لِلما بِآمِنو: ”الحَجَر الرَّفَضوهو البَنّايين، هو بِقى راس الرُّكُن.“

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

تِيطُس 1:1

مِن بُولُس، خَدّام الله و رَسول يَسُوع المَسيح، حَسَب إيمان مُختارين الله و مَعرِفَة الحَق البِقود لِخوف الله.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

أفَسُس 4:5

في رَب واحِد، و إيمان واحِد، و مَعموديَّه واحدَه،

أفَسُس 3:5

و ما خَبَّر بيهو لِلنّاس في زَمَن تاني زي ما وَرّاهو هَسَّع لِرُسُلو القِدِّسين و أنبياهو بِالرّوح.

غَلَاطِيَّه 2:8

عَشان هو، العَمَل في بُطْرُس عَشان يَكون رَسول لِلمُطَهَّر، عَمَل فِيني كَمان عَشان أكون رَسول لِلأُمَم.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

١ كُورِنْثُوس 15:9

عَشان أنا صَغَيِر مِن الرُّسُل، أنا الما بَستَحِق يَسَمّوني رَسول، عَشانّي طَرَدتَ كَنيسَة الله.

١ كُورِنْثُوس 9:1

أنا ما حُر؟ أنا ما رَسول؟ ما شُفتَ يَسُوع رَبَّنا؟ إنتو ما عَمَلي في الرَّب؟

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

رُومِيَه 1:17

الإنجيل يَكَلِّمنا إنّو الله عَمَلنا بارين قِدّامو بِإيمان فيهو. عَلَشان كِدا، بِالإيمان بِنعيش الحَياة الجَديدَه بِواسطَتو. و الكُتُب المُقَدَّسَه بِقولو: ”الإنسان البار بِعِيش بِالإيمان.“

يُوحَنَّا 20:21

و يَسُوع قال ليهُم مَرَّه تانيَه: ”سَلام ليكُم. زي ما الأبو رَسَّلني، أنا بَرَسِّلكُم.“

يُوحَنَّا 1:42

و جابو لِيَسُوع. و يَسُوع عايَن ليهو و قال: ”إنتَ سِمْعَان وَلَد يُوحَنَّا. إنتَ إسمَك صَفا،“ يَعني بُطْرُس.

لُوقَا 11:49

عَشان كِدا، حِكمَة الله قالَت: بَرَسِّل ليهُم أنبياء و رُسُل، و يَكتُلو و يَطرودو بَعض مِنَّهُم.

مَتَّى 4:18

و وَكِت ما يَسُوع كان ماشي عِند بَحَر الجَّليل، شاف أخوين، سِمْعَان الإسمو بُطْرُس، و أنْدَرَاوُس أخوهو. كانو يَرمو شَبَكَه في البَحَر، فِشان كانو صَيادين.

فيلِبّي 1:1

بُولُس، و تِيمُوثَاوُس، خَدّامين المَسيح يَسُوع، لِكُل المُقَدَّسين في المَسيح يَسُوع الفي فيلِبّي، مَعَ المُلاحِظين و خَدّامين الكَنيسَه.

يَعْقُوب 1:1

مِن يَعْقُوب خَدّام الله و الرَّب يَسُوع المَسيح، لِلإتناشَر قَبيلَه الإتَشَتَّتو بين الأُمَم. السَّلام.

يَهُوذَا 1:1

مِن يَهُوذَا خَدّام يَسُوع المَسيح و أخو يَعْقُوب، لِلمُختارين و المَحبوبين في الله الأبو و المَحفوظين لِيَسُوع المَسيح.