٢ كُورِنْثُوس 7:11 - كِتاب العَهد الجَّديد مِن الكِتاب المُقَدَّس

¹¹ و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

٢ كُورِنْثُوس 7:11 Referans Kwoze

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

٢ تِيمُوثَاوُس 2:15

أعمِل الأحسَن عَشان تَقَدِّم نَفسَك مَقبول لِلَّه، شَغّال الما لازِم يَخجَل، و البِعَلِّم كِلمَة الحَق بِطَريق تَمام.

٢ كُورِنْثُوس 7:7

و ما عَشان هو جا بَس، لَكِن كَمان بِالرّاحَه الإنتو أدّيتو ليهو. و هو خَبَّرنا بِمَحَبَّتكُم و الحُزن بِتاعكُم و غيرَتكُم فِشانّي، حَتّى فَرَحي زاد أكتَر بِكَتير.

١ كُورِنْثُوس 5:13

الله هو اليَحكُم عَليهُم المِن بَرَّه. أطرُدو الزّول الشَّرّير مِن بينكُم.

رؤيا 3:19

كُلُّهُم الأنا بَحِبُّم بَوَبِّخُم و بأدِّبُم. عَلَشان كِدا، كون حار و توب.

يَهُوذَا 1:23

و طَلِّعو البَعض مِن النّار و خَلِّصوهُم. لَكِن أرحَمو التّانيين بِخوف كارِهين الهِدوم البِقي نَجِس مِن شَهوات الجِّسِم.

١ بُطْرُس 2:2

زي أطفال إتوَلَدو هَسَّع، دورو اللَّبَن الرّوحي الما فيهو غِش، عَشان تَكبَرو بيهو لِلخَلاص،

١ بُطْرُس 1:17

إن كان تَنادو الأبو البِحكُم عَلى أعمال كُلّو واحِد، و ما بِشوف الوشوش، عيشو بِخوف زي غَريبين في الدُّنيا.

عِبرانيين 4:1

الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

أفَسُس 5:11

و ما تَكون ليكُم شَرِكَه مَعَ أعمال الضُّلُمَّه الما عِندَهُم ثِمار، لَكِن وَبِّخوها.

أفَسُس 4:26

أزعَلو و ما تَعمِلو خَطيَّه. ما تَخَلّو زَعلكُم يِستَنّى بَعَد المَغرِب.

٢ كُورِنْثُوس 13:7

و نِحنا نَصَلّي لِلَّه عَشان إنتو ما تَعمِلو حاجَه بَطّالَه. و دا ما عَشان النّاس بِشوفو نِحنا مَرّينا بِالإمتِحان. لَكِن دا عَشانكُم تَعمِلو كوَيس، و لَو نِحنا بِقينا زي الوَقَعو في الإمتِحان.

٢ كُورِنْثُوس 9:2

عَشان أنا بَعرِف غيرَتكُم، و أنا شَكَّرتَ نُفوسكُم لِناس مَكِدونيَّه و قُلتَ ليهُم: ”ناس أَخَائِيَه كانو جاهِزين مِن السَّنَه الفاتَت.“ و غيرَتكُم حَرَّكَت الأكتَر مِنَّهُم.

٢ كُورِنْثُوس 7:1

و عَشان عِندَنا الوُعود ديل، يا مَحبوبين، خَلّونا نَنَضِّف نُفوسنا مِن كُلّو نَجاسَة الجِّسم و الرّوح، و نَكَمِّل القَداسَه في خوف الله.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

٢ كُورِنْثُوس 2:6

و كِفايَه لِلزّول دا، عَلَشان كَتيرين مِنَّكُم أدّوهو جِزا.

١ كُورِنْثُوس 12:25

عَلَشان ما بِكون إنقِسام في الجِّسِم، لَكِن عَشان الأعضاء يَكونو عِندَهُم فِكرَه واحدَه بَعضَهُم لِبَعض.

١ كُورِنْثُوس 5:2

و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

رُومِيَه 11:20

طَيب. لَكِن قَطَعوهُم عَلَشان ما كانو عِندَهُم إيمان، و إنتَ بِالإيمان تَقوم. ما تَكون مِتكَبِّر لَكِن خاف.

أعمال الرُّسُل 17:16

و وَكِت ما بُولُس كان يِستَنّى ليهُم في أَثِينَا، زِعِل في روحو لَمّا شاف المَدينَه مَليانَه بِأصنام.

يُوحَنَّا 2:17

و تَلاميذو إتزَكَّرو إنّو مَكتوب: ”مَحَبَّه حارَّه لِبيتَك أكَلَتني.“

مَرْقُس 3:5

و عايَن ليهُم و حَوَليهو بِزَعل، و كان حَزين عَلَشان قُلوبُم قَوّيَّه. و قال لِلرّاجِل: ”مِد إيدَك.“ و هو مَدّاها، و إيدو بِقَت طَيبَه.

٢ كُورِنْثُوس 7:9

و هَسَّع أنا مَبسوط، مُش عَلَشان إنتو بِقيتو حَزنانين، لَكِن عَلَشان حُزنَكُم كان لِلتّوبَه حَسَب إرادَة الله. و كِدا ما قِبِلتو مِنَّنا خَسارَه في أي حاجَه.

رُومِيَه 3:5

و لَكِن إذا ذَنبَنا يَوَرّي بِر الله، بِنقول شِنو؟ الله مُظلِم لَمّا يَجيب زَعلو عَلينا؟ بَتكَلَّم زي ما بِقولو النّاس.

١ تَسَالُونِيكِي 4:6

عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم.

١ تِيمُوثَاوُس 5:20

و وَبِّخ البيَعمِلو الخَطيَّه قِدّام كُل النّاس، عَلَشان التّانيين بِخافو.

يَعْقُوب 3:17

لَكِن الحِكمَه المِن فوق، هي في الأوَّل نَضيفَه، بَعدين مُحِب السَّلام، عِندَها صَبر. الحِكمَه دي مُطيعَه، مَليانَه رَحمَه و ثِمار كوَيس، ما فيها فارِق، و مُخلِصَه.