٢ كُورِنْثُوس 6:4 - كِتاب العَهد الجَّديد مِن الكِتاب المُقَدَّس

⁴ لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

٢ كُورِنْثُوس 6:4 Referans Kwoze

٢ كُورِنْثُوس 12:10

عَلَشان كِدا، بَكون مَبسوط مِن الضَّعفات و الشَّتايِم و الأتعاب و الطُّرود و الصُّعوبات فِشان المَسيح. عَشان كُلّو وَكِت لَمّا أكون ضَعيف، في الوَكِت دا، أنا قَوّي.

٢ كُورِنْثُوس 4:8

الدُّنيا ضايقَه قِدّامنا مِن كُلّو جَمب، لَكِن دا ما يَوَقِّفنا. ما بِنَعرِف نَعمِل شِنو، لَكِن نِحنا مُش بِدون رَجاء.

٢ كُورِنْثُوس 11:27

في شُغل و تَعب، كُنتَ بِدون نوم مَرّات كَتيرَه، في جوع و عَطَش، صُمتَ مَرّات كَتيرَه، كُنتَ بَردان و عَريان.

٢ كُورِنْثُوس 12:12

بِالحَق أنا عَمَلتَ في وَسِطكُم عَلامات الرَّسول بِكُلّو صَبر، العَلامات، و العَجايِب، و القُوّات.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

١ كُورِنْثُوس 3:5

عَلَشان مِنو أَبُلُّوس، و مِنو بُولُس؟ هُم خَدّامين، و إنتو آمَنتو بِواسِطَتُم زي ما الرَّب أدّا لِكُلّو واحِد.

رؤيا 3:10

و عَلَشان إنتَ حَفَظتَ أمري بِالصَّبر، أنا كَمان بَحفَظَك مِن ساعَة التَجرِبَه القَرَّبَت تَجي عَلى كُل الدُّنيا. و السّاعَه دي بِتَجي عَشان تَجَرِّب السّاكنين عَلى الأرض.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

١ كُورِنْثُوس 4:1

خَلّي الزّول يَحسِبنا زي خَدّامين المَسيح و وُكَلا أسرار الله.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

٢ تِيمُوثَاوُس 4:5

لَكِن إنتَ، كون عاقِل في كُلّو شي، و إتحَمَّل التَّعب بِالصَّبر، و أعمِل عَمَل المُبَشِّر، وكَمِّل خِدمَتَك.

٢ تِيمُوثَاوُس 2:24

و خَدّام الرَّب ما لازِم يَشاكِل، لَكِن يَكون لَطيف مَعَ كُلّو زول، و بِقدَر يَعَلِّم بِالصَّبر.

٢ تِيمُوثَاوُس 1:8

عَشان كِدا، ما تَخجَل بِشَهادَة رَبَّنا، ولّا بي، أنا مَحبوس و. لَكِن أشتَرِك في الأتعاب فِشان الإنجيل بِحَسَب قُوَّة الله.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ تِيمُوثَاوُس 4:6

إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

١ تِيمُوثَاوُس 2:15

لَكِن هي بِتَخلَص بِوِلادَة الأولاد إذا تِستَمِر في الإيمان و المَحَبَّه و القَداسَه مَعَ مَسِك النَّفس.

١ تَسَالُونِيكِي 5:14

و نَطلُب ليكُم، يا أخوان، حَزِّرو النّاس الكَسلانين، و شَدِّدو الخايفين، ساعِدو الضَّعيفين، و أصبُرو عَلى الكُل.

١ تَسَالُونِيكِي 3:7

عَلَشان كِدا، عِندَنا راحَه في قُلوبنا، يا أخوان، في خُصوصكُم، في كُلّو ضيقنا و تَعبنا بِسَبَب إيمانكُم.

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

كُولُوسِّي 1:11

و تِتشَدَّدو بِكُلّو قُوَّه حَسَب قُدرَة مَجدو، عَشان تَقدَرو تَشيلو كُلّو حاجَه بِصَبر و روح طَويلَه و بِفَرَح.

٢ كُورِنْثُوس 11:23

هُم خَدّامين المَسيح؟ أنا أحسَن. بَتكَلَّم زي المَجنون. أنا تِعِبتَ زِيادَه كَتير، جَلَدوني أكتَر، كُنتَ في السِّجِن مَرّات أكتَر، و في خَطَر الموت مَرّات كَتيرَه.

٢ كُورِنْثُوس 11:9

و لَمّا كُنتَ مَعاكُم و كان عِندي إحتِياج، ما بِقيت حِمِل لِأي واحِد، عَلَشان الأخوان الجّو مِن مَكِدونيَّه أدّو لِإحتياجي. حَفَظتو نَفسي عَشان ما بَكون حِمِل ليكُم في أي حاجَه، و بَستَمِر كِدا.

٢ كُورِنْثُوس 7:11

و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

٢ كُورِنْثُوس 4:17

عَشان الضّيق الخَفيف بِتاع الوَكِت دا، يَعمِل لينا مَجد أبَديَّه بِزيد أكتَر و أكتَر في الوَزِن.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

١ كُورِنْثُوس 9:11

إذا نِحنا زَرَعنا ليكُم حاجات الرّوح، تَكون حاجَه كَبيرَه إذا نَلِم مِنَّكُم حاجات الجِّسِم؟

رُومِيَه 16:10

سَلِّمو عَلى أَبُلِّس، المَقبول في المَسيح. سَلِّمو عَليهُم المِن أهل أَرِسْتُوبُولُوس.

رُومِيَه 14:18

عَشان البِخدِم المَسيح كِدا، هو يَبسِط الله و يَكون مَقبول بِالنّاس.

رُومِيَه 5:8

و لَكِن الله وَرّا مَحَبَّتو لينا، عَشان لَمّا نِحنا لِسَّع كُنّا خاطيين، المَسيح مات فِشانّا.

أعمال الرُّسُل 20:34

إنتو نُفوسكُم بِتَعرِفو الإيدين ديل كانَت تَخدِم إحتِياجاتي، و إحتِياجات الكانو مَعاي.

أعمال الرُّسُل 9:16

و أنا بَوَرّيهو كَم لازِم يِتوَجَّع عَشان إسمي.“

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

لُوقَا 21:19

إذا تَكونو ثابِتين، تَخَلِّصو حَياتكُم.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

رُومِيَه 3:5

و لَكِن إذا ذَنبَنا يَوَرّي بِر الله، بِنقول شِنو؟ الله مُظلِم لَمّا يَجيب زَعلو عَلينا؟ بَتكَلَّم زي ما بِقولو النّاس.