٢ كُورِنْثُوس 6:16 - كِتاب العَهد الجَّديد مِن الكِتاب المُقَدَّس

¹⁶ و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

٢ كُورِنْثُوس 6:16 Referans Kwoze

رؤيا 21:3

و سِمِعتَ صوت عالي مِن الكُرسي يَقول: ”شوف! مَسكَن الله مَعَ النّاس، و هو بِسكُن مَعاهُم. و هُم بِكونو شَعب ليهو، و الله نَفسو بِكون مَعاهُم، و بِكون إلَه ليهُم.

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

١ كُورِنْثُوس 6:19

ما بِتَعرِفو جِسِمكُم هو هيكَل الرّوح القُدُس الفيكُم، القِبِلتوهو مِن الله؟ و إنتو مُش لِنُفوسكُم.

رُومِيَه 8:11

و إذا كان الرّوح، القَوَّم يَسُوع مِن بين المَيِّتين، ساكِن فيكُم، القَوَّم المَسيح مِن بين المَيِّتين بِدّي حَياة لِأجسامكُم البِموتو، بِروحو السّاكِن فيكُم.

رؤيا 21:7

الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.

١ يُوحَنَّا 4:15

البِعتَرِف بِيَسُوع هو إبن الله، الله بِسكُن فيهو و هو في الله.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

عِبرانيين 3:6

و لَكِن المَسيح كان أمين زي إبن عَلى بيت الله. و نِحنا بيتو إذا بِنَمسِك بِتأكيدنا و فَخرَنا في الرَّجاء، ثابِتين لِلآخِر.

١ بُطْرُس 2:5

و إنتو كَمان مِثِل حُجار حَيَّه، تِنبَنو بيت روحي و قُسُس مُقَدَّسين، عَشان تَقَدِّمو ضَبايح روحيَّه مَقبولَه عِند الله بِيَسُوع المَسيح.

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

١ يُوحَنَّا 4:12

ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.

رُومِيَه 9:26

و: ”في المَكان القالو ليهُم فيهو: إنتو ما شَعبي، هُم هِناك بِسَمّوهُم أولاد الله الحَي.“

رُومِيَه 8:9

لَكِن إنتو ما في الجِّسِم لَكِن في الرّوح، إذا روح الله ساكِن فيكُم. و إذا واحِد ما عِندو روح المَسيح، هو ما لِلمَسيح.

أفَسُس 2:20

و هو بَناكُم عَلى أساس الرُّسُل و الأنبياء، و يَسُوع المَسيح نَفسو، الحَجَر، الهو راس الرُّكن.

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

رؤيا 2:1

أكتِب لِمَلاك الكَنيسَه الفي أفَسُس: هو اليَمسِك السَّبعَه نُجوم بِيَمينو، و الماشي في وَسِط السَّبعَه مَناوِر مِن دَهَب، بِقول الحاجات دي.

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

١ كُورِنْثُوس 10:21

ما تَقدَرو تَشرَبو مِن كُبّايَة الرَّب و مِن كُبّايَة الشّياطين. ما تَقدَرو تَشتَرِكو في طَرَبيزَة الرَّب و في طَرَبيزَة شياطين.

أفَسُس 2:22

و إنتو كَمان، هو يَبنيكُم سَوا فيهو عَشان تَكونو مَسكَن الله في الرّوح.

١ تِيمُوثَاوُس 3:15

لَكِن إذا إتأخَّرتَ، إنتَ بِتَعرِف كيف النّاس لازِم يَعِيشو بين أهل بيت الله، الهو كَنيسَة الله الحَي، عَمود و أساس الحَق.

يَعْقُوب 4:5

ولّا تَفتَكِرو الكِتاب يَقول بِدون سَبَب: ”الرّوح العَمَّلو يَسكُن فينا يَحِب لِلحَسَد؟“

لُوقَا 5:36

و كَمان عَلَّمُم مَثَل. ”ما في زول بِخُت حِتَّه مِن توب جَديد عَلى توب قَديم. و إلّا الجَديد يِتشَرَّط و الحِتَّه القَديمَه و الجَديدَه ما بِمشو سَوا.