٢ كُورِنْثُوس 6:10 - كِتاب العَهد الجَّديد مِن الكِتاب المُقَدَّس

¹⁰ نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

٢ كُورِنْثُوس 6:10 Referans Kwoze

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

٢ كُورِنْثُوس 8:9

عَشان إنتو بِتَعرِفو نِعمَة رَبَّنا يَسُوع المَسيح، إنّو هو غَني لَكِن بِقى مِسكين فِشانّا، عَلَشان نِحنا نَبقى غَنيين عَشان هو كان مِسكين.

رؤيا 2:9

أنا بَعرِف تَعبَك و إحتياجَك، لَكِن إنتَ غَني. و بَعرِف تَجديف ديل البِقولو هُم يَهود و هُم مُش يَهود، لَكِن هُم مَجمَع الشّيطان.

يَعْقُوب 2:5

أسمَعو، يا أخواني المَحبوبين، الله ما إختار مَساكين الدُّنيا دي عَشان يَكونو غَنيين في الإيمان و وُرّاث المَلَكوت الوَعَد بيهو لِلبِحِبّوهو؟

عِبرانيين 10:34

و إنتو تِعِبتو سَوا مَعَ المَحبوسين، و لَمّا مَسَكو بُضاعَتكُم بِقُوَّه، إنتو قِبِلتو دا بِفَرَح، عَلَشان إنتو نُفوسكُم عِرِفتو عِندَكُم مال أحسَن البِستَمِر.

١ تِيمُوثَاوُس 4:8

عَشان رياضَة الجِّسم عِندَها فايدَه قَليلَه، لَكِن خوف الله عِندو فايدَه لِكُلّو حاجَه. عَشان عِندو وَعد لِلحَياة الفي هَسَّع و الجّايَه.

فيلِبّي 4:4

أفرَحو في الرَّب كُلّو وَكِت. و بَقول مَرَّه تانيَه، أفرَحو.

١ تَسَالُونِيكِي 1:6

و إنتو عَمَلتو زيَنا و زي الرَّب، عَشان قِبِلتو الكِلمَه في ضيق كَتير، بِفَرَح الرّوح القُدُس.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

فيلِبّي 2:17

و إذا يَكُبّوني زي تَقديم عَلى ضَبيحَة إيمانكُم و خِدمَتو، أنا مَبسوط و أفرَح مَعَ كُلُّكُم.

رُومِيَه 11:12

لَكِن إذا ذَنبُم كان غِنى لِلدُّنيا، و خَسارَتُم غِنى لِلأُمَم، كيف بِالأكتَر لَمّا يَكونو كامِلين!

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

٢ كُورِنْثُوس 4:7

لَكِن عِندَنا الكَنز دا في بُرمَه مَعمولَه مِن طين، عَلَشان يَوَرّي القُوَّه العَظيمَه جِدّاً دي مِن الله، مُش مِنَّنا.

٢ كُورِنْثُوس 2:4

كَتَبتَ ليكُم بِحُزن شَديد و وَجَع في قَلبي و بِدِموع كَتيرَه، ما عَشان أعمِلكُم حَزنانين، لَكِن عَشان أخَلّيكُم تَعرِفو مَحَبَّتي الشَّديدَه العِندي ليكُم.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 12:15

أفرَحو مَعَ الفَرحانين، و أبكو مَعَ الحَزنانين.

أعمال الرُّسُل 5:41

و عَلَشان كِدا، هُم مَشو مِن المَجلِس مَبسوطين عَلَشان حَسَبوهُم مُستَحِقّين أن يَكونو ما مُحتَرمين عَشان إسمو.

لُوقَا 6:21

مُبارَكين، يا جَعانين هَسَّع، عَشان بِتَشبَعو. مُبارَكين، يا البِتَبكو هَسَّع، عَشان بِتَضحَكو.

مَتَّى 5:4

مُبارَكين الحَزنانين، عَشانُم بِكونو مَبسوطين.

١ تِيمُوثَاوُس 6:18

و أدّيهُم أمر عَشان يَعمِلو الخير و يَكونو غَنيين في الأعمال الطَّيبَه، جاهِزين عَشان يَدّو و رَضيانين عَشان يَشارِكو.

١ تَسَالُونِيكِي 5:16

أفرَحو كُلّو وَكِت.

أعمال الرُّسُل 3:6

و بُطْرُس قال: ”ما عِندي فِضَّه ولّا دَهَب، لَكِن العِندي بَدّيهو ليك. بِإسم يَسُوع النّاصِري، قوم و أمشي.“

كُولُوسِّي 1:24

و هَسَّع أنا مَبسوط بِأتعابي فِشانكُم. و أنا بَكَمِّل في جِسمي الحاجات النّاقصَه مِن ضيقات المَسيح. و بَعمِل دا فِشان جِسمو، الهو الكَنيسَه.

أفَسُس 3:16

أنا بَصَلّي عَشان هو بِدّيكُم حَسَب غِنى مَجدو عَلَشان تِتشَدَّدو بِالقُوَّه بِروحو جُوَّه نُفوسكُم،

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

٢ كُورِنْثُوس 4:15

و دا كُلّو عَشان فايدَتكُم، حَتّى النِّعمَه بِتزيد أكتَر و أكتَر لِكَتيرين، و الشُّكر بِزيد لِمَجد الله.

١ كُورِنْثُوس 1:5

عَشان إنتو بِقيتو غَنيين فيهو، في كُلّو شي و في كُلّو كَلام و كُلّو مَعرِفَه.

رُومِيَه 9:2

أنا عِندي حُزن شَديد في قَلبي و عِندي وَجَع ما بِقيف.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

أعمال الرُّسُل 16:25

و في نُص اللّيل تَقريباً، بُولُس و سِيلَا كانو يَصَلّو و يَرَتِّلو لِلَّه، و المَحبوسين يَسمَعوهُم.

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

رؤيا 21:7

الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.