٢ كُورِنْثُوس 5:17 - كِتاب العَهد الجَّديد مِن الكِتاب المُقَدَّس

¹⁷ عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

٢ كُورِنْثُوس 5:17 Referans Kwoze

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

رُومِيَه 8:1

عَلَشان كِدا، ما في دينونَه هَسَّع عَلى ديل الفي المَسيح يَسُوع.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

يُوحَنَّا 15:5

أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

رُومِيَه 7:6

لَكِن هَسَّع، نِحنا حُرّين مِن القانون، عَلَشان مُتنا لِلشّي الكان يَربُطنا. و فِشان دا، نَخدِم بِالطَّرِيق الجَّديد بِتاع الرّوح، ما بِالطَّرِيق القَديم بِتاع القانون المَكتوب.

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.

يُوحَنَّا 3:5

يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

أفَسُس 2:15

و في جِسمو بَطَّل العَداوَه، الكان في القانون مَعَ أوامِرو و تَرتيباتو. و هو عَمَل دا عَلَشان يَخلُق في نَفسو، مِن الإتنين واحِد إنسان جَديد، و كِدا بيَعمِل سَلام.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

يُوحَنَّا 15:2

كُلّو فَرَع فِيني الما بِجيب ثِمار، هو بِقطَعو، و الفَرَع البِجيب ثِمار، هو بِنَضِّفو عَشان بِجيب ثِمار أكتَر.

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

مَتَّى 12:33

أعمِل الشَّجَرَه كوَيسَه، و بِكون عِندَها ثِمار كوَيس. ولّا أعمِل الشَّجَرَه بَطّالَه، و بِكون عِندَها ثِمار بَطّال. عَشان الشَّجَرَه مَعروفَه مِن ثَمَرا.

مَتَّى 24:35

السَّما و الأرض بِفوتو، و لَكِن كَلامي ما بِفوت أبَداً.

١ كُورِنْثُوس 13:11

لَمّا كُنتَ وَلَد، كُنتَ بَتكَلَّم زي وَلَد، و كُنتَ بَفتَكِر زي وَلَد، و كُنتَ بَحسِب زي وَلَد. و لَكِن لَمّا بِقيت راجِل، وَقَّفتَ حاجات الوَلَد.

٢ كُورِنْثُوس 5:19

يَعني الله كان يَصالِح الدُّنيا لِنَفسو في المَسيح. و ما يَحسِب ليهُم خَطاياهم. و خَتَّ فينا كِلمَة المُصالَحَه.

٢ كُورِنْثُوس 12:2

بَعرِف راجِل في المَسيح قُبّال أربعتاشر سَنَه، مَسَكوهو و أخَدوهو لِلسَّما التّالتَه. إذا هو كان في الجِّسم ولّا بَرَّه مِن الجِّسم، أنا ما بَعرِف، الله بِيَعرِف.

فيلِبّي 4:21

سَلِّمو عَلى كُل القِدِّسين في المَسيح يَسُوع. الأخوان المَعاي، يَسَلِّمو عَليهُم.

رُومِيَه 16:7

سَلِّمو عَلى أَنْدَرُونِيكُوس و وَيُونِيَاس مِن أهل بيتي، المَحبوسين مَعاي. هُم مَعروفين بين الرُّسُل، و هُم كانو في المَسيح قُبّالي.

رُومِيَه 16:11

سَلِّمو عَلى هِيرُودِيُون، واحِد مِن أهل بيتي. سَلِّمو عَليهُم المِن أهل نَرْكِيسُوس الهُم في الرَّب.

رُومِيَه 16:3

سَلِّمو عَلى بِرِيسْكِلا و أَكِيلَا المِشتَغِلين مَعاي في المَسيح يَسُوع،

رُومِيَه 16:9

سَلِّمو عَلى أُورْبَانُوس، المِشتَغِل مَعانا في المَسيح و عَلى إستاخيس، حَبيبي.

رُومِيَه 16:10

سَلِّمو عَلى أَبُلِّس، المَقبول في المَسيح. سَلِّمو عَليهُم المِن أهل أَرِسْتُوبُولُوس.

لُوقَا 5:38

لَكِن الخَمرَه الجَديدَه لازِم يَخُتّوها في البُرمَه الجَديدَه.