٢ كُورِنْثُوس 5:1 - كِتاب العَهد الجَّديد مِن الكِتاب المُقَدَّس

¹ عَشان بِنَعرِف إذا بيت خيمَتنا المِن الأرض يَخسَر، عِندَنا بُنا مِن الله، بيت أبَدي في السَّما، ما مَعمول بِإيد.

٢ كُورِنْثُوس 5:1 Referans Kwoze

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

عِبرانيين 9:24

عَشان المَسيح ما دَخَل لِقُدُس الأقداس المَعمول بِالنّاس، و دا صورَة الحاجات الحَقيقيَه. لَكِن هو دَخَل لِلسَّما عَشان يَظهَر قِدّام وَش الله فِشانّا.

٢ كُورِنْثُوس 4:7

لَكِن عِندَنا الكَنز دا في بُرمَه مَعمولَه مِن طين، عَلَشان يَوَرّي القُوَّه العَظيمَه جِدّاً دي مِن الله، مُش مِنَّنا.

عِبرانيين 9:11

لَكِن المَسيح جا رَئيس قُسُس لِلحاجات الكوَيسَه الفي هَسَّع، بِالخيمَه الأكبَر و الأكمَل. و الخيمَه دي ما مَعمولَه بِإيد زول، يَعني مُش مِن الخَليقَه دي.

١ بُطْرُس 1:4

لِميراث الما تَهلِك ولّا تَخسَر ولّا تَفوت، و مَحفوظَه ليكُم في السَّما.

٢ كُورِنْثُوس 5:4

و وَكِت ما نِحنا في الخيمَه دي، نِتنَفَّس زي ما نَشيل حِمِل تَقيل. عَلَشان ما عاوزين نَقلَع أجسامنا، لَكِن نَلبَس فوقا، عَلَشان أجسامنا البِموتو يِتغَيَّرو لِأجسام ما بِموتو أبَداً.

مَرْقُس 14:58

”نِحنا سِمِعناهو يَقول: أنا بَخرَب الهيكَل دا المَصنوع بِالإيد، و بَعَد تَلاتَة أيام أبني واحِد تاني، ما مَصنوع بِالإيد.“

٢ بُطْرُس 3:11

و ما دام كُل الحاجات دي بِتَهلِكو كِدا، ياتو نوع مِن النّاس لازِم تَكونو في مَشي مُقَدَّس و في خوف الله؟

كُولُوسِّي 2:11

و فيهو طَهَّروكُم بِطَهور مُش مَعمول بِإيد النّاس. بِطَهور المَسيح، بِقيتو حُرّين مِن طَبيعَة الخَطيَّه بِتاعَتكُم.

١ يُوحَنَّا 3:19

بِدا بِنَعرِف نِحنا مِن الحَق و نأكِّد قُلوبنا قِدّامو.

١ يُوحَنَّا 3:14

بِنَعرِف نِحنا مَرَقنا مِن الموت لِلحَياة، بِسَبَب مَحَبَّتنا لِلأخوان. الما بِحِب أخوهو يِستَنّى في الموت.

عِبرانيين 11:10

عَشان هو إنتَظَر المَدينَه العِندَها الأساسات، و الله عَمَلا و بَناها.

١ كُورِنْثُوس 3:9

عَشان نِحنا عامِلين مَعَ الله، و إنتو زِراعَة الله، بُنا الله.

٢ تِيمُوثَاوُس 1:12

و لِلسَّبَب دا كَمان أتحَمَّل الحاجات دي. و لَكِن أنا ما بَخجَل، عَلَشان انا بَعرِف الآمَنتَ بيهو، و أنا مِتأكِّد هو بِقدَر يَحفَظ السَّلَّمتو ليهو لِغايَة اليوم داك.

أعمال الرُّسُل 7:48

لَكِن الله العالي ما بِسكُن في هياكِل السَّوَّتا الإيدين. زي ما يَقول النَّبي: