٢ كُورِنْثُوس 4:7 - كِتاب العَهد الجَّديد مِن الكِتاب المُقَدَّس

⁷ لَكِن عِندَنا الكَنز دا في بُرمَه مَعمولَه مِن طين، عَلَشان يَوَرّي القُوَّه العَظيمَه جِدّاً دي مِن الله، مُش مِنَّنا.

٢ كُورِنْثُوس 4:7 Referans Kwoze

٢ كُورِنْثُوس 5:1

عَشان بِنَعرِف إذا بيت خيمَتنا المِن الأرض يَخسَر، عِندَنا بُنا مِن الله، بيت أبَدي في السَّما، ما مَعمول بِإيد.

١ كُورِنْثُوس 1:28

و الله إختار المِتواضِعين و المُحتَقرين في الدُّنيا، و الحاجات الما مَوجودَه، عَشان يَوَقِّف الحاجات المَوجودَه.

كُولُوسِّي 2:3

و كُلّو كُنوز الحِكمَه و المَعرِفَه مَدسوسَه فيهو.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

٢ كُورِنْثُوس 10:10

عَشان بَعض مِن النّاس بِقولو: ”جَواباتو تَقيلَه و قَوّيَّه، لَكِن لَمّا هو مَعانا في الجِّسم، هو ضَعيف و كَلامو بِدون فايدَه.“

مَتَّى 13:44

مَلَكوت السَّما زي حاجَه غاليَه الدَسّوها في زِراعَه، و زول لِقاها و دَسّاها. و مِن فَرَحو، يَمشي و يَبيع كُل العِندو و يَشتَري الزِّراعَه دي.

٢ تِيمُوثَاوُس 2:20

و في بيت كَبير، البُرام ما بِكونو مِن دَهَب و فِضَّه بَس، لَكِن خَشَب و طين كَمان. و بَعَض مِنَّهُم بِكونو لِلإحتِرام و بَعض مِنَّهُم بِكونو بِدون إحتِرام.

٢ كُورِنْثُوس 4:1

و عَلَشان الله أدّانا الخِدمَه دي بِرَحمَتو، ما نَقول ما في فايدَه.

كُولُوسِّي 2:12

دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

١ تَسَالُونِيكِي 1:5

عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

أفَسُس 2:5

عَمَلنا حَيين مَعَ المَسيح لَمّا كُنّا مَيِّتين بِالخَطايا. عَشان بِالنِّعمَه إنتو مُخَلَّصين.

٢ كُورِنْثُوس 13:4

و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

٢ كُورِنْثُوس 6:10

نِحنا زي حَزنانين، لَكِن دايماً مَبسوطين، زي المَساكين، لَكِن نَعمِل ناس كُتار غَنيين، نِحنا زي الما عِندَهُم شي، لَكِن كُلّو شي حَقَّنا.

مَتَّى 13:52

و قال ليهُم: ”عَلى كِدا، كُلّو مُعَلِّم القانون البِقي تِلميذ في مَلَكوت السَّما، هو زي زول، سيد بيت، بِطَلِّع مِن المَخزَن بِتاعو حاجات غاليَه، جَديدَه و قَديمَه كَمان.“

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

١ تَسَالُونِيكِي 4:4

عَشان كُلّو واحِد مِنَّكُم لازِم يَعرِف كيف يَحفَظ زوجَتو بِالقَداسَه و الإحتِرام،