٢ كُورِنْثُوس 3:18 - كِتاب العَهد الجَّديد مِن الكِتاب المُقَدَّس

¹⁸ و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 3:18 Referans Kwoze

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

رُومِيَه 12:2

و ما تَكونو زي الزَّمَن دا، لَكِن إتغَيَّرو مِن جُوَّه بِأفكار جَديدَه. فِشان تَمتَحِنو إرادَة الله، إرَادَتو الكوَيسَه، و المَقبولَه، و الكاملَه.

٢ كُورِنْثُوس 4:4

و إلَه الزَّمَن دا عَمَل أفكار الما مؤمِنين عَميانين، عَلَشان ما بِقدَرو يَشوفو نور إنجيل مَجد المَسيح الهو صورَة الله.

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

كُولُوسِّي 3:10

و لِبِستو الإنسان الجَّديد، المِتجَدِّد في المَعرِفَه عَلى صورَة الله الخَلَقو.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

١ كُورِنْثُوس 15:49

زي ما لِبِسنا صورَة الإنسان التُّرابي، بِنَلبَس كَمان صورَة الإنسان السَّماوي.

٢ كُورِنْثُوس 5:17

عَلَشان كِدا، إذا واحِد في المَسيح، هو خَليقَه جَديدَه. و الحاجات القَديمَه فاتَت. و شوف! الكُل بِقى جَديد.

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يَعْقُوب 1:23

إن كان واحِد بِسمَع لِلكِلمَه و ما بيَعمِل بيها، هو زي راجِل يَشوف وَشّو الطَّبيعي في مِرايا.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

تِيطُس 3:5

هو خَلَّصنا، مُش بِأعمال البِر النِحنا عَمَلناها، لَكِن بِرَحمَتو. هو خَلَّصنا بِغَسيل الوِلادَه التّانيَه، و بِالرّوح القُدُس العَمَلنا ناس جُداد.

رُومِيَه 8:7

عَشان فِكر الجِّسِم يَحارِب الله. هو ما بِطيع قانون الله عَلَشانو ما بِقدَر يَطيعو.

رُومِيَه 8:4

الله عَمَل دا عَلَشان تَتِم فينا الواجِبات الطَّيبَه بِتاعَت القانون، نِحنا الما ماشين بِحَسَب الجِّسِم، لَكِن بِحَسَب الرّوح.

يُوحَنَّا 12:41

إِشَعْيَاء قال كِدا عَلَشان شاف مَجدو، و إتكَلَّم عَنّو.

رُومِيَه 13:14

لَكِن ألبَسو الرَّب يَسُوع المَسيح، و ما تَفَكِّرو في الجِّسِم عَشان تَكَمِّل شَهوَتو.

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

يُوحَنَّا 17:22

و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد.

٢ كُورِنْثُوس 3:17

و الرَّب هو الرّوح، و المَحَل الفيهو روح الرَّب، هِناك في الحُرّيَّه.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.