٢ كُورِنْثُوس 13:5 - كِتاب العَهد الجَّديد مِن الكِتاب المُقَدَّس

⁵ أعمِلو إمتِحان لِنُفوسكُم. إنتو عِندَكُم إيمان؟ جَرِّبو نُفوسكُم. ما بِتَعرِفو يَسُوع المَسيح فيكُم؟ إلّا إذا وَقَعتو في الإمتِحان.

٢ كُورِنْثُوس 13:5 Referans Kwoze

١ كُورِنْثُوس 11:28

لَكِن خَلّي الزّول يَمتَحِن نَفسو، و كِدا ياكُل مِن العيش و يَشرَب مِن الكُبّايَه.

١ كُورِنْثُوس 9:27

أنا بأدِّب جِسمي و أغلِبو. عَشان أخاف، بَعَد ما بَشَّرتَ التّانيين، أنا بَبقي مَرفوض.

رؤيا 2:5

عَلَشان كِدا إتزَكَّر مِن وين وَقَعتَ، و توب، و أعمِل الأعمال زي في الأوَّل. و إلّا، أنا بَجيك و بَشيل مَنارتَك مِن مَحَلّها إذا ما تَتوب.

غَلَاطِيَّه 6:4

لَكِن خَلّي كُلّو واحِد يَمتَحِن العَمَل بِتاعو. و بَعَد دا بِقدَر يَشكُر نَفسو بَس، و مُش واحِد تاني.

عِبرانيين 12:15

شوفو كوَيس عَشان واحِد ما يَقَع مِن نِعمَة الله، و عَشان عِرق مِن قَلِب مُر ما يَقوم و يَكون سَبَب التَّعب، و ناس كُتار يِتوَسَّخو.

١ كُورِنْثُوس 11:31

عَلَشان إذا كُنّا نَحكُم عَلى نُفوسنا، ما كانو حَكَمو عَلينا.

تِيطُس 1:16

هُم بِقولو إنَّهُم بِيَعرِفو الله، و لَكِن هُم بِنكُروهو بِأعمالُم. و هُم مَكروهين، و ما بِطيعُو، و ما عِندَهُم فايدَه لِأي عَمَل كوَيس.

غَلَاطِيَّه 2:20

إنصَلَبتَ مَعَ المَسيح. و أنا ما بَعيش تاني، لَكِن المَسيح، هو بِعِيش فِيني. و الحَياة البَعيشا هَسَّع في الجِّسِم، بَعيشا في الإيمان بِإبن الله الحَبّاني، و أدّا نَفسو فِشانّي.

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

رُومِيَه 8:10

و لَكِن إذا كان المَسيح فيكُم، و لَو الجِّسِم مَيِّت بِسَبَب الخَطيَّه، الرّوح حَي بِسَبَب البِر.

عِبرانيين 4:1

الله ساب لينا وَعد عَشان نَدخُل في راحَتو. عَلَشان كِدا، خَلّونا نَخاف عَشان ما نَلقى أي واحِد مِنَّكُم الما قِدِر يَدخُل.

١ كُورِنْثُوس 9:24

ما بِتَعرِفو؟ اليَجرو في السَّبَق كُلَّهُم يَجرو، لَكِن واحِد ياخُد الأُجرَه؟ و كِدا، أجرو عَشان تَحَصِّلو عَليها.

١ كُورِنْثُوس 3:16

ما بِتَعرِفو إنتو هيكَل الله، و روح الله يَسكُن فيكُم؟

يُوحَنَّا 15:4

أسكُنو فِيني و أنا فيكُم. الفَرَع ما يَقدَر يَجيب ثِمار بِنَفسو إلّا يَسكُن في شَجَرَة العِنَب. و إنتو كَمان ما تَقدَرو تَجِيبو ثِمار إلّا تَسكُنو فِيني.

تِيطُس 2:2

عَلِّم الرُّجال الكُبار في السِّن أن يَكونو عاقِلين، و مُستَحِقّين الإحتِرام، و عِندَهُم مَسِك النَّفس، و صادقين في الإيمان و المَحَبَّه و الصَّبر.

أفَسُس 3:17

عَشان المَسيح يَسكُن في قُلوبكُم بِالإيمان، عَلَشان عُروقكُم و أساسكُم بِكونو في المَحَبَّه،

يُوحَنَّا 17:26

و أنا وَرّيت ليهُم إسمَك، و أنا بَوَرّيهُم. و أنا بَسَوّي دا عَشان المَحَبَّه الأنتَ حَبّيتني بيهو بِكون فيهُم، و أنا أكون فيهُم.“

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يَعْقُوب 4:4

يا زانين، ما بِتَعرِفو حُب الدُّنيا عَداوَه لِلَّه؟ أي واحِد عاوِز يَكون صاحِب لِلدُّنيا يَبقى عَدو لِلَّه.

كُولُوسِّي 2:7

و خَلّو عُروقكُم يَكونو فيهو، و أبنو نُفوسكُم فيهو. و كونو ثابِتين في الإيمان، زي ما عَلَّموكُم، و زيدو في الشُّكر.

كُولُوسِّي 1:27

و الله إختار يَخَبِّر قِدِّسِينو بين الأُمَم بِغِنى مَجد السِّر دا. و هو المَسيح فيكُم، رَجاء المَجد.

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

غَلَاطِيَّه 4:19

يا أولادي، زي الأُم لَمّا تَلِد، أنا أتعَب نَفس الوَجَع حَتّى المَسيح يِتصَوَر فيكُم.

٢ كُورِنْثُوس 6:16

و الإتِّفاق شِنو بين هيكَل الله و الأصنام؟ عَشان نِحنا هيكَل الله الحَي، زي ما الله قال: ”أنا بَسكُن فيهُم و أمشي في وَسِطُم، و بَكون ليهُم إلَه، و هُم بِكونو لَي ناس.

١ كُورِنْثُوس 6:19

ما بِتَعرِفو جِسِمكُم هو هيكَل الرّوح القُدُس الفيكُم، القِبِلتوهو مِن الله؟ و إنتو مُش لِنُفوسكُم.

١ كُورِنْثُوس 6:2

ما بِتَعرِفو القِدِّسين بِحكُمو عَلى الدُّنيا؟ و إن كان إنتو بِتَحكُمو عَلى الدُّنيا، ما بِتَقدَرو تَحكُمو عَلى القَضايا الصَّغَيرَه؟

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

يُوحَنَّا 6:6

هو قال كِدا عَشان يَجَرِّب فِيلُبُّس، عَشان يَسُوع عِرِف الماشي يَسَوّيهو.

١ بُطْرُس 5:9

قاوموهو، كونو ثابِتين في الإيمان، عارِفين أخوانكُم الفي الدُّنيا يِتحَمَّلَو زات الأتعاب دي.

عِبرانيين 6:8

لَكِن الأرض البِتجيب شوك و شَجَر الخَلا، هي ما عِندَها فايدَه، و قَريبَه مِن اللَّعنَه. و في الآخِر، بِحرُقوها.

١ كُورِنْثُوس 6:15

ما بِتَعرِفو أجسامكُم هُم أعضاء المَسيح؟ عَلَشان كِدا باخُد أعضاء المَسيح و أعمِلُم أعضاء زانيَه؟ أبَداً!

رُومِيَه 1:28

و عَشانُم ما إفتَكَرو في فايدَه مِن مَعرِفَة الله، الله سَلَّمُم لِخَراب الفَهم عَشان يَعمِلو المَمنوع.

تِيطُس 1:13

و الشَّهادَه دي الحَق. عَلَشان كِدا وَبِّخُم شَديد عَشان إيمانُم بِكون صَحيح.

٢ تِيمُوثَاوُس 3:8

و زي ما يَنّيس و وَيَمْبِرِيس عاكَسو مُوسَى، ديل كَمان بِعاكِسو الحَق، و هُم رُجال عِندَهُم أفكار خَربانَه و بِخُصوص الإيمان، هُم مَرفوضين.

١ تِيمُوثَاوُس 2:15

لَكِن هي بِتَخلَص بِوِلادَة الأولاد إذا تِستَمِر في الإيمان و المَحَبَّه و القَداسَه مَعَ مَسِك النَّفس.

كُولُوسِّي 2:19

و هو ما ماسِك بِالمَسيح الرّاس. و كُل الجِّسِم مَربوط سَوا في المَسيح بِرُباطو و مَفاصِلو. و الجِّسِم يَكبَر زي ما الله يَعمِلو يَكبَر.