٢ كُورِنْثُوس 13:11 - كِتاب العَهد الجَّديد مِن الكِتاب المُقَدَّس

¹¹ و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

٢ كُورِنْثُوس 13:11 Referans Kwoze

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

١ كُورِنْثُوس 1:10

لَكِنّي أطلُب ليكُم، يا أخوان، بِإسم رَبَّنا يَسُوع المَسيح، كُلُّكُم تَقولو كَلام واحِد. و ما يَكون بينكُم أقسام، لَكِن تَفتَكِرو فِكِر واحِد بِعَقل واحِد.

رُومِيَه 12:16

خَلّي تَكون عِندَكُم فِكرَه واحدَه بَعضَكُم بَعض. ما تَكونو مِتكَبِّرين، لَكِن أقبَلو النّاس المِتواضِعين. ما تَكونو شاطرين قِدّام نُفوسكُم.

رُومِيَه 15:33

إلَه السَّلام مَعاكُم كُلُّكُم. آمين.

رُومِيَه 12:18

إنتو نُفوسكُم أعمِلو كُل البِتَقدَرو عَلَشان تَعيشو بِسَلام مَعَ كُل النّاس.

مَرْقُس 9:50

المِلِح كوَيس. لَكِن إذا المِلِح يَبقى مَسيخ، كيف تَرَجِّعو ليهو ضوقو؟ خَلّي يَكون ليكُم مِلِح في نُفوسكُم، و يَكون في سَلام بينكُم.“

١ بُطْرُس 3:11

خَليهو يَعاكِس الشَّر و يَعمِل الخير، و يَطلُب السَّلام و يَتبَعو.

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

٢ كُورِنْثُوس 13:9

عَشان نِحنا مَبسوطين كُلو وَكِت لأنِنا نَكون ضَعيفين و إنتو تَكونو قَوّيين. و نَصَلّي كَمان عَشان إنتو تَكونو كامِلين.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ بُطْرُس 3:8

في الآخِر، كُلُّكُم كونو مُتَّفقين في فِكر، حَنينين بَعضَكُم بَعض، حِبّو زي أخوان، كونو رُحَما و مِتواضِعين.

يَعْقُوب 1:4

خَلّي يَكون لِلصَّبر عَمَل كامِل، عَلَشان تَكونو كاملين و تامين، ما ناقصين في حاجَه.

٢ تَسَالُونِيكِي 2:16

و رَبَّنا يَسُوع المَسيح نَفسو، و الله أبونا، الحَبّانا و أدّانا بِنِعمَتو شَجاعَه أبَديَّه و رَجاء كوَيس،

١ تَسَالُونِيكِي 4:1

في الآخِر، يا أخوان، إتعَلَّمتو مِنَّنا كيف إنتو لازِم تَعيشو و تَبسِطو الله. و زي ما كُنتو تَعيشو كِدا، هَسَّع نَطلُب ليكُم و نَشَدّشدكُم في الرَّب يَسُوع تَعمِلو زِيادَه و زِيادَه.

فيلِبّي 4:9

الإنتو إتعَلَّمتو، و قِبِلتو، و سِمِعتو مِنّي، و شُفتو فِيني، أعمِلو بِدا. و إلَه السَّلام بِكون مَعاكُم.

فيلِبّي 1:27

عَلى كِدا، عيشو بِطَرِيقَه مُستَحِقَّه إنجيل المَسيح. كِدا، إذا بَجي أشوفكُم ولّا إذا أنا ما في، بَسمَع عَنكُم إنَّكُم ثابِتين في روح واحِد، و إنَّكُم تَتعَبو بِنَفس واحدَه لِإيمان الإنجيل،

رُومِيَه 16:20

و إلَه السَّلام بِدُق الشّيطان تِحِت كِرعينكُم بَعَد شوَيَه. نِعمَة رَبَّنا يَسُوع المَسيح مَعاكُم.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رؤيا 22:21

نِعمَة الرَّب يَسُوع مَعَ كُل القِدِّسين. آمين.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

١ تَسَالُونِيكِي 5:23

و إلَه السَّلام نَفسو يَقَدِّسكُم بِالتَّمام، و يَحفَظ روحكُم و نَفسَكُم و جِسِمكُم كَامِلَه و بِدون لوم لَمّا رَبَّنا يَسُوع المَسيح بِجي.

١ تَسَالُونِيكِي 5:16

أفرَحو كُلّو وَكِت.

١ تَسَالُونِيكِي 5:13

و نَسألكُم أن تَحتَرِموهم كَتير خَلاص في المَحَبَّه عَلَشان عَمَلُم. عيشو بِالسَّلام بَعضَكُم بَعض.

١ تَسَالُونِيكِي 4:18

عَشان كِدا عَزّو بَعضَكُم بَعض بِالكَلام دا.

فيلِبّي 4:4

أفرَحو في الرَّب كُلّو وَكِت. و بَقول مَرَّه تانيَه، أفرَحو.

فيلِبّي 4:2

بَطلُب مِن أَفُودِيَة، و بَطلُب مِن سِنْتِيخِي أن تَفتَكِرو فِكر واحِد في الرَّب.

فيلِبّي 3:16

لَكِن خَلّينا نَعيش بِالحَق لِلشّي الوِصِلنا ليهو.

أفَسُس 6:23

سَلام لِلأخوان، و مَحَبَّه بِإيمان مِن الله الأبو و الرَّب يَسُوع المَسيح.

٢ كُورِنْثُوس 1:4

هو بِدّينا تَعزيَه في كُلّو تَعب، عَلَشان نِحنا نَقدَر نَدّي تَعزيَه ليهُم في كُلّو تَعب، بِالتَّعزيَه القِبِلنا مِن الله.

أعمال الرُّسُل 23:30

و لَمّا خَبَّروني بِتَرتيب سِرّي ضِد الرّاجِل، رَسَّلتو ليك طَوّالي. و أمَرتَ المُشتَكين يَقولو ليك العِندَهُم عَليهو.“

أعمال الرُّسُل 18:21

لَكِن لَمّا خَلّاهُم، هو قال: ”بَرجَع ليكُم إن شاء الله.“ و بَعَد دا، سافَر بِمُركَب مِن أفَسُس.

أعمال الرُّسُل 15:29

و هي أن تَرفُضو الضَّبَحو لِلأصنام، و الدَّم، و اللَّحَم المِن بَهايِم مَخنوق، و الزِّنا. و إذا مَنَعتو نُفوسكُم مِن ديل، بِتَعمِلو كوَيس. مَعَ السَّلامَه.“

يُوحَنَّا 17:23

أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

لُوقَا 9:61

و زول تاني قال: ”بَتبَعَك، يا رَب. بَس أدّيني إذن في الأوَّل أقول مَعَ السَّلامَه لِأهل بيتي.“

مَرْقُس 10:49

و يَسُوع وَقَف و قال: ”نادوهو.“ و نادو العَميان و قالو ليهو: ”شِد حيلَك. قوم، هو بِناديك.“

مَتَّى 5:48

عَلَشان كِدا، كونو كامِلين زي ما أبوكُم الفي السَّما هو كامِل.

مَتَّى 1:23

”شوفو! البِت الما عِرفَت راجِل بِتَحمَل و بِتَلِد وَلَد، و يَكون إسمو عِمَّانُوئِيل،“ دا يَعني: ”الله مَعانا.“

أفَسُس 4:3

و جَرِّبو تَكونو واحِد في الرّوح دايماً، مَربوطين سَوا بِرِباط السَّلام.

رُومِيَه 14:19

عَلَشان كِدا، خَلّونا نَتبَع الحاجات التَّعمِل السَّلام و الحاجات التَّشَدِّدنا بَعَضَنا بَعض.

أفَسُس 4:12

و هو عَمَل دا عَلَشان القِدِّسين يَكونو كاملين في شُغل الخِدمَه، عَشان يَبنو جِسِم المَسيح.

١ تَسَالُونِيكِي 3:10

نَصَلّي بِاللّيل و بِالنَّهار بِشِدَّه أن نَشوف وشوشكُم و نَكَمِّل التَحتاجو ليهو في إيمانكُم.

٢ تَسَالُونِيكِي 3:1

في الآخِر، يا أخوان، صَلّو فِشانّا، عَلَشان كِلمَة الرَّب تَجري و تِتمَجَّد زي ما عَمَلَت مَعاكُم كَمان.