٢ كُورِنْثُوس 10:1 - كِتاب العَهد الجَّديد مِن الكِتاب المُقَدَّس

¹ و بَطلُب ليكُم بِوَداعَة المَسيح و صَبرو، أنا نَفسي، بُولُس، البَخُت نَفسي تِحِت لَمّا أكون مَعاكُم لَكِن عِندي شَجاعَه لَمّا أكون بَعيد.

٢ كُورِنْثُوس 10:1 Referans Kwoze

٢ كُورِنْثُوس 10:10

عَشان بَعض مِن النّاس بِقولو: ”جَواباتو تَقيلَه و قَوّيَّه، لَكِن لَمّا هو مَعانا في الجِّسم، هو ضَعيف و كَلامو بِدون فايدَه.“

مَتَّى 11:29

شيلو نيرِي عَليكُم، و إتعَلَّمو مِنّي، عَشان انا لَيِّن، و قَلبي مِتواضَع، و بِتَلقو راحَه لِنُفوسكُم.

غَلَاطِيَّه 5:2

شوفو! أنا بُولُس بَقول ليكُم: إن طَهَّروكُم، المَسيح ما عِندو فايدَه ليكُم.

رُومِيَه 12:1

عَلَشان كِدا، أطلُب ليكُم، يا أخوان، بِمَراحِم الله، تَقَدِّمو أجسامكُم ضَبيحَه حَيَّه، مُقَدَّسَه، مَقبولَه قِدّام الله. و دي خِدمَتكُم المَعقولَه.

٢ كُورِنْثُوس 11:30

إذا لازِم أشكُر نَفسي، أنا بَشكُر نَفسي عَن الحاجات البِتوَرّي كيف أنا ضَعيف.

١ كُورِنْثُوس 2:3

و أنا كُنتَ مَعاكُم في ضُعف و خوف و هَز كَتير.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

١ بُطْرُس 2:11

يا مَحبوبين، أطلُب ليكُم زي غَريبين و مِسافِرِين تَرفُضو الشَّهوات الجِّسميَّه البِتحارِب النَّفس.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.

٢ تَسَالُونِيكِي 3:17

أنا، بُولُس، بَكتِب السَّلام دا بِإيدي. و دي العَلامَه في كُلّو جَواباتي. كِدا أنا بَكتِب.

أفَسُس 4:1

عَلَشان كِدا، أنا، المَحبوس في الرَّب، بَطلُب ليكُم تَعيشو زي ما يِستَحِق الإختِيار الهو إختاركُم ليهو.

غَلَاطِيَّه 4:13

زي ما تَعرِفو، بِسَبَب عَيى في الجِّسِم، أنا بَشَّرتَكُم بِالإنجيل في الأوَّل.

٢ كُورِنْثُوس 12:5

و بَشكُر نَفس الرّاجِل زي دا، لَكِن ما بَشكُر نَفسي إلّا عَشان أوَرّي نَفسي ضَعيف.

٢ كُورِنْثُوس 11:21

و بَقول دا بِخَجَل، زي ما كُنّا ضَعيفين. لَكِن إذا أي واحِد عِندو شَجاعَه عَشان يَشكُر نَفسو، أنا كَمان عِندي شَجاعَه، عَشان أشكُر نَفسي. و تاني مَرَّه أنا بَتكَلَّم زي الغَشيم.

٢ كُورِنْثُوس 10:7

إنتو تَعاينو لِلحاجَه القِدّامكُم. إذا واحِد يَتَّكِل عَلى نَفسو هو لِلمَسيح، خَليهو يَفتَكِر كَمان في نَفسو، نِحنا كَمان لِلمَسيح زي ما هو لِلمَسيح.

٢ كُورِنْثُوس 10:2

و لَكِن أطلُب ليكُم، لَمّا أجي، ما لازِم تَكون عِندي شَجاعَه عَلى بَعض مِن النّاس البِفتَكِرو نِحنا نَعيش زي الجِّسم.

٢ كُورِنْثُوس 7:4

أنا مِتَّكِل عَليكُم كَتير، و عِندي فَخر عَظيم فيكُم. أنا مَليان تَعزيَه. و فَرَحي يَزيد كَتير خَلاص في كُلّو أتعابنا.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

٢ كُورِنْثُوس 5:20

عَلَشان كِدا نِحنا سُفَراء المَسيح زي ما الله يَطلُب بينا، نِحنا نَطلُب مِنَّكُم فِشان المَسيح، أعمِلو سَلام مَعَ الله.

٢ كُورِنْثُوس 3:12

و إذا عِندَنا رَجاء زي دا، عِندَنا شَجاعَه كَتيرَه.

١ كُورِنْثُوس 4:10

نِحنا بَليدين فِشان المَسيح، لَكِن إنتو فاهمين في المَسيح. نِحنا ضَعيفين لَكِن إنتو قَوّيين، إنتو مُحتَرمين لَكِن نِحنا بِدون إحتِرام.

رُومِيَه 15:15

و لَكِن كَتَبتَ ليكُم بِأكتَر شَجاعَه في بَعض مِن الأسئلَه، عَشان أذَكِّركُم بيها بِسَبَب النِّعمَه الأدّاني ليها الله.

رُومِيَه 10:20

و كِدا إِشَعْيَاء يَقول بِدون خوف: ”الما طَلَبوني لِقوني، و وَرّيت نَفسي لِلنّاس الما سَألو عَنّي.“

أعمال الرُّسُل 8:32

و دا هو فَصِل الكِتاب الكان بِقراهو: ”زي ما يَسوقو الخَروف لِلضَّبيحَه، و زي حَمَل يَسكُت قِدّام البِقطَع شَعرو، كِدا ما فَتَح خَشمو.

مَتَّى 21:5

”قولو لِبِت صِهيون: شوفي، المَلِك بِتاعِك بِجي ليك وَديع، و راكِب عَلى حُمارَه. و عَلى دَحَش، جَنى حُمارَه.“

١ كُورِنْثُوس 4:21

إنتو دايرين شِنو؟ بَجي ليكُم بِعَصايَه؟ ولّا بِالمَحَبَّه و روح لَطيف؟

أفَسُس 3:1

و بِالسَّبَب دا، أنا، بُولُس، مَحبوس المَسيح يَسُوع فِشانكُم، يا أُمَم.

فيلِبّي 4:5

خَلّو كُل النّاس يَعرِفو صَبِركُم. الرَّب قَريب!

كُولُوسِّي 1:23

و هو بيَعمِل ليكُم دا إذا تِستَمِرّو في الإيمان، ثابِتين و قَوّيين و ما تَحَرِّكو مِن رَجاء الإنجيل. و إنتو سِمِعتو الإنجيل دا، الكان مُبَشَّر بيهو لِكُلّو خَليقَه تِحِت السَّما، و أنا، بُولُس، بِقيت خَدّام ليهو.

فِلِيمُون 1:19

أنا بُولُس بَكتِب دا بِإيدي. أنا بَدفَع. و ما بَقول ليك إنتَ مَديون لَي حَتّى بِنَفسَك كَمان.