٢ كُورِنْثُوس 1:12 - كِتاب العَهد الجَّديد مِن الكِتاب المُقَدَّس

¹² عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

٢ كُورِنْثُوس 1:12 Referans Kwoze

١ كُورِنْثُوس 2:13

و نِتكَلَّم بيها كَمان، مُش بِكِلمات إتعَلَّمنا مِن حِكمَة الزّول، لَكِن بِالكِلمات الرّوح القُدُس يَعَلِّم. و نَتَرجِم الحاجات المِن الرّوح بِالكِلمات المِن الرّوح.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

١ تَسَالُونِيكِي 2:10

إنتو شاهِدين و الله كَمان، كيف مَشينا بِقَداسَه و بِبِر و بِدون لوم بينكُم إنتو المؤمِنين.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

عِبرانيين 13:18

صَلّو فِشانّا. بِنَعرِف بِالحَق نِحنا عِندَنا ضَمير طَيب، و نِحنا عاوِزين نَعيش حَياة أمينَه في كُلّو حاجَه.

٢ كُورِنْثُوس 8:8

أنا ما بِدّيكُم أمر، لَكِن لَمّا أوَرِّيكُم إهتِمام التّانيين، أمتَحِن مَحَبَّتكُم إذا حَقيقي ولّا لا.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

أعمال الرُّسُل 24:16

كِدا بَعِلِّم نَفسي عَشان يَكون لَي دايماً ضَمير بِدون لوم قِدّام الله و النّاس.

أعمال الرُّسُل 23:1

بُولُس عايَن لِلمَجِلس و قال: ”يا رُجال و أخوان، أنا عِشتَ قِدّام الله بِضَمير فيهو سَلام حَتّى اليوم دا.“

١ بُطْرُس 3:16

خَلّي ضَميركُم يَكون طَيب، عَشان البِشتِمو مَشيكُم الطَّيب في المَسيح يَخجَلو مِن شَتايِمُم.

١ تِيمُوثَاوُس 1:5

و نِهايَة الأمر مَحَبَّه مِن قَلِب نَضيف و ضَمير كوَيس و إيمان مُخلِص.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

أفَسُس 6:14

قُومو و كونو ثابِتين، صُلبكُم مَربوط بِحِزام الحَق، و لابِسين دِرِع البِر.

غَلَاطِيَّه 6:4

لَكِن خَلّي كُلّو واحِد يَمتَحِن العَمَل بِتاعو. و بَعَد دا بِقدَر يَشكُر نَفسو بَس، و مُش واحِد تاني.

٢ كُورِنْثُوس 11:3

لَكِن أنا بَخاف زي ما الدَّبيب غَشّا حَوا بِغِشّو، كَمان إنتو تَضِلّو في أفكاركُم عَن الإخلاص و القَلِب النَّضيف الفي المَسيح.

٢ كُورِنْثُوس 1:17

أنا عَمَلتَ دا بِدون فِكر لَمّا غَيَّرتَ التَّرتيب بِتاعي؟ ولّا أنا بَعمِل تَرتيباتي زي ناس الدُّنيا بيَعمِلو، و بَقول ”أيوَه، أيوَه“ و ”لا لا“ في نَفس الوَكِت؟

١ كُورِنْثُوس 5:8

عَشان كِدا خَلّونا نَعَيِّد مُش بِخَميرَه قَديمَه، يَعني خَميرَة الذَّنب و الشَّر. لَكِن نَعَيِّد بِالعيش البِدون خَميرَه، يَعني عيش الإخلاص و الحَق.

١ كُورِنْثُوس 4:4

ما بَعرِف حاجَه عَلى نَفسي، لَكِن عَشان كِدا أنا ما بِدون ذَنب، لَكِن اليَحكُم فِيني هو الرَّب.

رُومِيَه 9:1

أقول الحَق في المَسيح. ما بَكَضِّب. و ضَميري شاهِد لَي بِالرّوح القُدُس.

يَعْقُوب 4:6

لَكِن هُوَ يَدّي نِعمَه زِيادَه. عَشان كِدا، الكِتاب يَقول: ”الله يَقاوِم المَتكَبِّرين، و لَكِن يَدّي نِعمَه لِلمِتواضِعين.“

تِيطُس 2:7

و أعمِل نَفسَك مَثَل في كُلّو حاجَه لِلأعمال الكوَيسَه. في تَعليمَك، كون مُخلِص و عاقِل.

١ كُورِنْثُوس 1:17

عَشان المَسيح ما رَسَّلني لِأعَمِّد، لَكِن لِأبَشِّر بِالإنجيل، مُش بِكَلام شاطِر، عَشان صَليب المَسيح ما يَبقى بِدون فايدَه.

١ كُورِنْثُوس 12:8

عَلَشان الله يَدّي كَلام حِكمَه بِالرّوح لِواحِد، و كَلام مَعرِفَه لِتاني بِحَسَب نَفس الرّوح.