١ تِيمُوثَاوُس 6:20 - كِتاب العَهد الجَّديد مِن الكِتاب المُقَدَّس

²⁰ يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

١ تِيمُوثَاوُس 6:20 Referans Kwoze

كُولُوسِّي 2:8

خَلّو بالكُم عَلَشان أي واحِد ما يَغِشّكُم بِتَعليم حِكمَة الإنسان و الغِش الفاضي حَسَب تَرتيب النّاس، حَسَب التَّعليم الأساسي بِتاع الدُّنيا، و مُش حَسَب المَسيح.

٢ تِيمُوثَاوُس 2:16

لَكِن كون بَعيد مِن الكَلامات الفاضيَه الوَسخانَه، عَشان النّاس البِتكَلَّمو كِدا بِزيدو أكتَر في الشَّر.

كُولُوسِّي 2:18

ما تَخَلّو واحِد يَحكُم عَليكُم عَشان هو مَبسوط مِن التَّواضُع و الحَمد لِلمَلائكَه. الزّول زي دا يتكَلَّم كَتير عَن الحاجات الهو شافا. و عَقلو المُش روحي يَحمِد نَفسو بِأفكار بِدون فايدَه.

رُومِيَه 3:2

كَتير مِن كُلّو طَريق. في الأوَّل، الله أدّاهُم كلمتو.

١ تِيمُوثَاوُس 6:14

عَشان تَحفَظ الأمر، نَضيف و بِدون لوم لِظُهور رَبَّنا يَسُوع المَسيح.

٢ تَسَالُونِيكِي 2:15

عَلَشان كِدا، يا أخوان، كونو ثابِتين و أمسِكو التَّعاليم الإتعَلَّمتوها، إذا بِكَلامنا ولّا بِجَوابنا.

تِيطُس 3:9

لَكِن كون بَعيد مِن الأسئلَه البَليدَه، و حِسابات الأجيال، و الحَرب بِالكَلام، و الشَّكلات عَن القانون، عَلَشان ديل باطِلَه و بِدون فايدَه.

٢ تِيمُوثَاوُس 2:1

عَلَشان كِدا، يا وَلَدي، إتشَدَّد في النِّعمَه الفي يَسُوع المَسيح.

١ تِيمُوثَاوُس 1:11

البِكون حَسَب إنجيل مَجد الله المُبارَك، الهو أدّاني زي أمانَه.

٢ تَسَالُونِيكِي 1:4

عَلَشان كِدا، نِحنا نُفوسنا نَفخِّر بيكُم في كَنايس الله فِشان صَبرَكُم و إيمانكُم في كُلّو طُرودكُم و أتعابكُم الإنتو تِتحَمَّلوها.

تِيطُس 1:14

و عَشان هُم ما بِخَلّو بالُم لِحِكايات اليَهود و أوامِر النّاس البِرَجِعو عَن الحَق.

تِيطُس 1:9

و هو ماسِك بِالكَلام الأمين حَسَب التَّعليم، عَلَشان هو يَقدَر يَدّي الشَّجاعَه بِالتَعليم الحَقيقي و يَوَبِّخ البِقاوِمو.

١ تِيمُوثَاوُس 6:11

و إنتَ، يا راجِل الله، أهرَب مِن دا. و أتبَع البِر، و خوف الله، و الإيمان، و المَحَبَّه، و الصَّبر، و الوَداعَه.

١ تِيمُوثَاوُس 4:7

كون بَعيد مِن حِكايات الكُبار في السِّن بِتاع السّوق، و عَلِّم نَفسَك خوف الله.

١ تِيمُوثَاوُس 1:6

و بَعَض مِن النّاس وَدَّرو مِن الحاجات دي و إتلَفَتو لِكَلام بِدون مَعنى.

١ تِيمُوثَاوُس 1:4

ولّا يَخَلّو بالُم لِحِكايات ولّا يَفَتِّشو عَلى الأجيال بِدون نِهايَه. الحاجات ديل يَجيبو الأسئلَه بَدَل مِن تَرتيب الله بِالإيمان.

١ كُورِنْثُوس 3:19

عَشان حِكمَة الدُّنيا دي، هي حاجَه بَليدَه قِدّام الله. عَشان مَكتوب: ”هو ياخُد الشّاطرين بِغِشُّم.“

أعمال الرُّسُل 17:21

و كانو ناس أَثِينَا كُلُّهُم و الغَريبين السّاكنين بِينُم بِصرُفو كُلّو وَكتُم في حاجَه واحدَه بَس، و دي عَشان يِتكَلَّمو ولّا يَسمَعو شي جَديد.

أعمال الرُّسُل 17:18

و بَعض مِن النّاس مِن المِتعَلِّمين قابَلوهو، الأَبِيكُورِيِّين و الرِّوَاقِيِّين. و بَعض مِنَّهُم قالو: ”الغَلَباوي دا عاوِز يَقول شِنو؟“ و تانيين قالو: ”يَظهَر إنّو يَنادي بِآلِهَه غَريبَه.“ و قالو كِدا عَلَشانو كان بِبَشِّر بِيَسُوع و القيامَه.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.

تِيطُس 1:4

لِتِيطُس، وَلَدي الحَقيقي في الإيمان العِندَنا سَوا. نِعمَه و سَلام مِن الله الأبو و المَسيح يَسُوع مُخَلِّصنا.

١ كُورِنْثُوس 2:6

لَكِن نِتكَلَّم بِحِكمَه بين الكامِلين، و الحِكمَه دي ما مِن الزَّمَن دا، ولّا مِن مُديرين الزَّمَن دا، البِكونو بِدون فايدَه.

رُومِيَه 1:22

و وَكِت ما هُم يَفتَكِرو نُفوسُم فاهمين، بِقو غُشام.

أعمال الرُّسُل 16:1

و بُولُس جا لِدَربَه و لِسترَه. و كان هِناك تِلميذ إسمو تِيمُوثَاوُس، وَلَد مَرَه يَهُودِيَّه، مِآمِنَه، و لَكِن أبوهو كان إغريقي.

١ تِيمُوثَاوُس 1:2

لِتِيمُوثَاوُس وَلَدي بِالحَق في الإيمان: نِعمَه و رَحمَه و سَلام مِن الله الأبو و المَسيح يَسُوع رَبَّنا.

١ تِيمُوثَاوُس 1:9

و بِنَعرِف دا، القانون ما مَعمول لِلبارين، لَكِن لِلخاطيين و الما بِطيعُو، لِلبَطّالين و المُذنِبين، و لِلبِدون قَداسَه و البِدون دين، لِكاتِلين الأبَهات و الأُمَّهات، و كاتِلين النّاس.