١ تِيمُوثَاوُس 6:2 - كِتاب العَهد الجَّديد مِن الكِتاب المُقَدَّس

² و العِندَهُم أسياد البِآمِنو، ما لازِم يَدّوهُم أقَل إحتِرام عَلَشان هُم أخوان. لَكِن خَلّوهُم بِخدِموهُم خِدمَه أحسَن عَشان العِندَهُم فايدَه مِن خِدمَتُم مؤمِنين و مَحبوبين. عَلِّم الحاجات دي و أدّيهُم نَصيحَه كِدا.

١ تِيمُوثَاوُس 6:2 Referans Kwoze

كُولُوسِّي 4:1

يا أسياد، أدّو لِلخَدّامين الشّي العَديل، و ما تَعمِلو فارِق بِينُم، عَشان إنتو بِتَعرِفو عِندَكُم سَيِّد في السَّما كَمان.

١ تِيمُوثَاوُس 4:11

آمُر و عَلِّم الحاجات دي.

يَهُوذَا 1:8

و كِدا كَمان، ديل، البِحلَمو، بيَعمِلو حاجات يَنَجِّسو أجسامُم، و يَرفُضو السُّلطَه و يَشتِمو الكُبار الفي السَّما.

٢ بُطْرُس 2:10

و بِكون كِدا خُصوصاً لِديل اليَمشو في شَهوَه وَسخانَه بِتاعَت الجِّسِم، و يَحتَقِرو السُّلطَه. النّاس ديل بِدون خوف و مِتكَبِّرين، و ما بِخافو يَجَدِّفو عَلى العِندَهُم مَجد.

١ بُطْرُس 5:1

أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

عِبرانيين 3:1

عَلَشان كِدا، يا الأخوان القِدِّسين، شُرَكا الإختِيار المِن السَّما، إفتَكِرو في الرَّسول و رَئيس القُسُس بِتاع شَهادَتنا، يَسُوع.

تِيطُس 3:8

الكِلمَه دي أمينَه. و أنا عاوزَك تَشهَد بِتأكيد لِلحاجات دي، عَلَشان ديل، الآمَنو بِالله، بِهتَمّو عَشان يَعمِلو أعمال كوَيسَه. و الحاجات دي طَيبَه و عِندَها فايدَه لِلنّاس.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.

تِيطُس 2:1

لَكِن إنتَ، إتكَلَّم بِاليِستَحِق التَّعليم الصَّحيح.

١ تِيمُوثَاوُس 5:1

ما تَوَبِّخ الشّيخ لَكِن أدّيهو نَصيحَه زي أبو، الشَّباب زي أخوان،

٢ تَسَالُونِيكِي 1:3

لازِم نَشكُر الله كُلّو وَكِت فِشانكُم، يا أخوان، زي ما يِستَحِق لينا، عَلَشان إيمانكُم بِيَكبَر كَتير جِدّاً، و مَحَبَّة كُلّو واحِد مِنَّكُم بَعضَكُم لِبَعض تَزيد.

كُولُوسِّي 1:4

عَلَشان نِحنا سِمِعنا بِإيمانكُم في المَسيح يَسُوع و مَحَبَّتكُم لِكُل القِدِّسين.

كُولُوسِّي 1:2

لِلأخوان القِدِّسين، المؤمِنين في المَسيح في كُولُوسِّي. نِعمَه ليكُم و سَلام مِن الله أبونا و الرَّب يَسُوع المَسيح.

أفَسُس 3:6

و دا هو السِّر، إنّو الأُمَم يَشتَرِكو سَوا في الميراث، و هُم أعضاء سَوا في جِسِم واحِد. و يَشتَرِكو سَوا في الوَعَد في المَسيح يَسُوع بِالإنجيل.

أفَسُس 1:15

عَلَشان كِدا، أنا كَمان لَمّا سِمِعتَ بِإيمانكُم بِالرَّب يَسُوع، و مَحَبَّتكُم لِكُل القِدِّسين،

أفَسُس 1:1

مِن بُولُس رَسول يَسُوع المَسيح بِإرادَة الله، لِلقِدِّسين الفي أفَسُس و المؤمِنين بِالمَسيح يَسُوع.

غَلَاطِيَّه 5:6

عَشان في المَسيح يَسُوع، الطَّهور ما ليهو فايدَه، ولّا الما مُطَهَّر، لَكِن الإيمان البِشتَغِل بِالمَحَبَّه.

رُومِيَه 11:17

و هُم قَطَعو بَعَض الفُروع مِن شَجَرَة الزّيتون، و جَمَعو ليها فَرَع مِن شَجَرَة زيتون الخَلا. إنتو الأُمَم زي شَجَرَة زيتون الخَلا، و هَسَّع عِندَكُم قِسِم في عِرق شَجَرَة الزّيتون، يَعني اليَهود، و قُوَّة حَياتا.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

مَتَّى 23:8

لَكِن ما تَخَلّو النّاس يَسَمّوكُم سَيِّد، عَلَشان مُعَلِّمكُم واحِد بَس، و كُلَّكُم أخوان.

مَتَّى 6:24

واحِد ما يَقدَر يَخدِم سَيِّدين، عَشان يا بِكرَه الواحِد و بِحِب التّاني، ولّا بِمسِك الواحِد و بيابا التّاني. ما تَقدَرو تَخدِمو الله و المال.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.