١ تِيمُوثَاوُس 6:12 - كِتاب العَهد الجَّديد مِن الكِتاب المُقَدَّس

¹² حارِب حَرب الإيمان الكَويس. و أمسِك بِالحَياة الأبَديَّه. عَشان الله ناداك لِدا، و إنتَ شِهِدتَ الشَّهادَه الكوَيسَه قِدّام شاهِدين كُتار.

١ تِيمُوثَاوُس 6:12 Referans Kwoze

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ تِيمُوثَاوُس 1:18

و دا الأمر الأنا بَدّيك، يا وَلَدي تِيمُوثَاوُس. و هو حَسَب النُّبوات الإتكَلَّمَت عَنَّك مِن قُبّال. عَلَشان كِدا بِمُساعَدَتُم، تَحارِب الحَرب الكَويس،

٢ تِيمُوثَاوُس 4:7

أنا حارَبتَ الحَرب الكَويس، و تَميت سَبَقي، و حَفَظتو الإيمان.

رؤيا 3:3

عَلَشان كِدا، إتزَكَّر كيف إنتَ قِبِلتَ و سِمِعتَ، و أحفَظ و توب. و إذا ما تحرِس، بَجي ليك زي الحَرامي، و إنتَ ما بِتَعرِف ساعَه كَم أنا بَجيك.

١ تِيمُوثَاوُس 6:13

أنا بَدّيك أمر قِدّام الله البِدّي حَياة لِلكُل، و قِدّام المَسيح يَسُوع الشِّهِد قِدّام بِيلاطُس البُنْطي الشَّهادَه الكوَيسَه.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

٢ تِيمُوثَاوُس 1:9

هو خَلَّصنا و إختارنا إختِيار مُقَدَّس، مُش بِحَسَب أعمالنا، لَكِن بِفِكرو و نِعمَتو. و هو أدّانا النِّعمَه دي في المَسيح يَسُوع مِن قُبّال الوَكِت الأبَدي،

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

١ تِيمُوثَاوُس 6:19

و يَخُتّو لِنُفوسُم زي كَنز، أساس كوَيس لِلوَكِت الجّاي حَتّى يَمسِكو بِالحَياة الحَقيقيَه.

عِبرانيين 3:14

و نِحنا بِقينا شُرَكا في المَسيح إذا بِنَمسِك لِلآخِر بِالتّأكيد الثّابِت الكُنّا عِندَنا في الأوَّل.

١ تَسَالُونِيكِي 2:12

و كُنّا نَوَرّيكُم كيف تَعيشو الحَياة المُستَحِقَّه لِلَّه، و هو اليَناديكُم لِمَلَكوتو و مَجدو.

١ بُطْرُس 3:9

ما تَرَجِّعو شَر بِشَر، ولّا شَتيمَه بِشَتيمَه. لَكِن بِالعَكس بارِكو، عَشان الله ناداكُم لِدا، لِتورَسو البَرَكَه.

٢ تَسَالُونِيكِي 2:14

و هو ناداكُم لِدا بِإنجيلنا، عَشان تَقبَلو مَجد رَبَّنا يَسُوع المَسيح.

٢ كُورِنْثُوس 9:13

و عَلَشان إنتو بِيَّنتو نُفوسكُم بِالخِدمَه دي، ناس كُتار بِشكُرو الله عَلَشان طاعَتكُم و شَهادَتكُم لِإنجيل المَسيح، و عَلَشان الهَدِيَّه الكَبيرَه القَسَّمتوها ليهُم و لِلكُل.

عِبرانيين 13:23

و أنا عاوِزكُم تَعرِفو، أخونا تِيمُوثَاوُس إتفَكّا مِن السِّجِن، و بِنشوفكُم سَوا إذا هو بِجي في وَكِت قَريب.

٢ كُورِنْثُوس 6:7

بِكَلام الحَق، بِقوَّة الله، بِأسلِحَة البِر عَن اليَمين و عَن الشِّمال.

فيلِبّي 1:30

و ليكُم نَفس التَّعب الإنتو شُفتوني فيهو، و هَسَّع تَسمَعو إنّي فيهو.

١ تِيمُوثَاوُس 1:19

و تَمسِك بِالإيمان و الضَّمير الطَّيب. بَعض مِن النّاس رَفَضو ديل، و مُركَب إيمانُم إنكَسَرَت.

١ تِيمُوثَاوُس 4:14

ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

يَهُوذَا 1:3

يا مَحبوبين، كُنتَ بَجَرِّب بِكُلّو نَشاط أن أكتِب ليكُم بِخُصوص خَلاصنا العِندَنا سَوا. لَكِن شُفتَ لازِم أكتِب ليكُم عَشان أطلُب مِنَّكُم تَحارِبو عَشان خاطِر الإيمان المُسَلَّم مَرَّه واحدَه لِلقِدِّسين.