١ تِيمُوثَاوُس 5:17 - كِتاب العَهد الجَّديد مِن الكِتاب المُقَدَّس

¹⁷ الشُّيوخ البِقودو كوَيس أحسِبوهُم مُستَحِقّين لِإحتِرام مَرَّتين، و بِالأكتَر البِتعَبو في الكِلمَه و التَعليم.

١ تِيمُوثَاوُس 5:17 Referans Kwoze

عِبرانيين 13:17

طيعو رؤساكُم و كونو تِحِت سُلطَتُم. عَلَشانُم يَحرَسو عَلى نُفوسكُم زي ديل البِدّو حِساب. طيعوهُم عَلَشان شُغلُم بِكون بِفَرَح، مُش بِحُزن. عَشان إذا بِحُزن، ما في فايدَه ليكُم.

غَلَاطِيَّه 6:6

خَلّي أي واحِد البِتعَلَّم الكِلمَه يَدّي جُزو لِمُعَلِّمو مِن كُل الحاجات الكوَيسَه.

لُوقَا 10:7

و أقعُدو في زات البيت، و أُكلو و أشرَبو اليَدّوهو ليكُم، عَشان الشَّغال مُستَحِق أُجرَتو. و ما تَمشو مِن بيت لِبيت.

عِبرانيين 13:7

إتزَكَّرو رؤساكُم الكَلَّموكُم بِكِلمَة الله. فَكِّرو في ثِمار حَياتُم، و خَلّو إيمانكُم يَكون زي إيمانُم.

٢ تِيمُوثَاوُس 2:6

المُزارِع البِتعَب لازِم يَكون الأوَّل لِياخُد جُزو في الثَّمار.

فيلِبّي 2:29

كِدا، أقبَلوهو في الرَّب بِكُلّو فَرَح. و إحتَرِمو ناس زيهو.

رُومِيَه 12:8

إذا هَديَّاتو كَلام الشَّجاعَه، خَليهو يَشَجِّع. البِدّي، خَليهو يَدّي و يَكون كَريم. العِندو سُلطَه، خَليهو يَشتَغِل شَديد. العِندو رَحمَه، خَليهو يَرحَم بِفَرَح.

أعمال الرُّسُل 28:10

و إحتَرمونا بِإحتِرام عَظيم. و لَمّا سافَرنا، قَدَّمو لينا الحاجات المُحتاجين ليها.

٢ كُورِنْثُوس 6:1

و نِحنا نَشتَغِل مَعاهو، و نَطلُب مِنَّكُم أن ما تَقبَلو نِعمَة الله بِدون فايدَه.

رُومِيَه 16:12

سَلِّمو عَلى تَرِيفَيْنَا و وَتَرِيفُوسَا التِّعِبو في الرَّب. سَلِّمو عَلى بَرْسِيس المَحبوبَه التِّعِبَت كَتير في الرَّب.

رُومِيَه 15:27

كان كوَيس في عُيونُم يَعمِلوهو. و بِالحَق كانو مَديونين ليهُم. الأُمَم إشتَرَكو في حاجاتُم الرّوحيَّه. عَلَشان كِدا، الأُمَم لازِم يَخدِموهُم بِالحاجات الجِّسميَّه.

فيلِبّي 4:3

و أسألَك إنتَ كَمان، يا شَريكي المُخلِص، ساعِد النِّسوان ديل، عَلَشان هُم إشتَغَلو سَوا مَعاي في الإنجيل مَعَ أَكْلِيمَنْدُس و باقي العامِلين مَعاي. و أساميهُم في كِتاب الحَياة.

١ كُورِنْثُوس 16:16

تَطيعو ناس زي ديل و كُل البِعمِلو مَعاهُم و بِتعَبو.

أعمال الرُّسُل 11:30

و عَمَلو كِدا، و رَسَّلَوهو لِلشُّيوخ بِإيدين بَرْنَابَا و شَاوُل.

٢ تِيمُوثَاوُس 4:2

بَشِّر بِالكِلمَه، و كون جاهِز في وَكتو و مُش في وَكتو، صَلِّح، و وَبِّخ، و شَجِّع بِكُلّو صَبر و تَعليم.

١ تِيمُوثَاوُس 4:16

شوف نَفسَك كوَيس و التَعليم. إستَمِر في الحاجات ديل، عَلَشان إذا عَمَلتَ كِدا، بِتَخلَص نَفسَك و البِسمَعو ليك كَمان.

١ تِيمُوثَاوُس 3:5

عَلَشان إذا واحِد ما بِيَعرِف كيف يَرَتِّب بيتو كيف بِقدَر يَهتَم بِكَنيسَة الله؟

فيلِبّي 2:16

مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

مَتَّى 24:25

شوفو! قُلتَ ليكُم قُبّال ما حَصَل.

عِبرانيين 13:24

سَلِّمو عَلى كُلّو رؤساكُم و عَلى كُل القِدِّسين. و هُم المِن إيطاليَا يَسَلِّمو عَليكُم.

١ تِيمُوثَاوُس 4:10

و عَشان دا نَتعَب و نَشتَغِل شَديد، عَلَشان خَتّينا رَجاءنا في الله الحَي، مُخَلِّص كُل النّاس، خُصوصاً المؤمِنين.

١ كُورِنْثُوس 15:10

لَكِن بِنِعمَة الله أنا زي ما أنا، و نِعمَتو الأدّاها لَي ما كانَت بِدون فايدَه. لَكِن أنا تِعِبتَ أكتَر مِنَّهُم كُلُّهُم. و لَكِن مُش أنا، لَكِن نِعمَة الله المَعاي.

أعمال الرُّسُل 20:35

و وَرّيتكُم في كُلّو حاجَه كيف لازِم نَتعَب لِنَساعِد الضَّعيفين، و نِزَكَّر كِلمات الرَّب يَسُوع القال: ’هو البِدّي بِكون مُبارَك أكتَر مِن البِقبَل.“

يُوحَنَّا 4:38

أنا رَسَّلتَكُم عَشان تَلِمّو الما تِعِبتو فيهو. ناس تانيين تِعِبو، و إنتو دَخَلتو في تَعبُم.“

لُوقَا 12:42

و يَسُوع قال ليهو: ”مِنو هو الوَكيل الأمين و العاقِل، السيدو بيَعمِلو مَسؤول عَن خَدّامينو؟ و هو المَسؤول عَشان يَدّيهو الأكل في وَكتو.

١ تِيمُوثَاوُس 5:3

إحتَرِم الأرامِل الهُم أرامِل بِالحَق.

١ تِيمُوثَاوُس 4:6

إذا تَزَكِّر الأخوان بِالحاجات دي، بِتكون خَدّام طَيب لِلمَسيح يَسُوع، و تَدّي أكِل لِنَفسَك بِكَلام الإيمان و بِالتَعليم الكَويس الأنتَ تِبِعتو.

١ كُورِنْثُوس 3:9

عَشان نِحنا عامِلين مَعَ الله، و إنتو زِراعَة الله، بُنا الله.

١ تِيمُوثَاوُس 4:14

ما تَكون كَسلان بِهَديتَك الأدّوها ليك بِالنُّبوَّه لَمّا الشُّيوخ خَتّو إيدينُم عَليك.

١ تِيمُوثَاوُس 5:19

ما تَقبَل شَكوى عَلى الشيخ إلّا بِشَهادَة إتنين ولّا تلاتَه مِن النّاس.