١ تِيمُوثَاوُس 4:3 - كِتاب العَهد الجَّديد مِن الكِتاب المُقَدَّس

³ هُم يَمنَعو النّاس مِن العِرِس. و يأمُروم ما ياكلو بَعَض الأكِل. لَكِن الله خَلَقو عَشان المؤمِنين و اليَعرِفو الحَق يَقبَلوهو بِالشُّكر.

١ تِيمُوثَاوُس 4:3 Referans Kwoze

١ تِيمُوثَاوُس 4:4

عَشان كُل الخَلَقو الله كوَيس، و ما لازِم نابا أي شي إذا ناخُدو بِالشُّكر.

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

رُومِيَه 14:6

البِفتَكِر في يوم مَخصوص، يَعمِلو كِدا لِلرَّب. و البياكُل، لِلرَّب بياكُل، عَشان هو يَشكُر الله. و الما بياكُل، لِلرَّب ما بياكُل، و يَشكُر الله.

كُولُوسِّي 2:16

عَلَشان كِدا، ما تَخَلّو أي واحِد يَحكُم عَليكُم في الأكِل ولّا الشُّرُب، ولّا عَن عيد ولّا شَهَر جَديد ولّا سَبِت.

١ كُورِنْثُوس 8:8

لَكِن الأكل ما بِقَرِّبنا لِلَّه. إذا ما أكَلنا ما نَكون ناقصين، و إذا أكَلنا ما نَزيد حاجَه.

كُولُوسِّي 3:17

و كُل البِتَعمِلو، إذا بِكِلمَه ولّا عَمَل، أعمِلو الكُل بِإسم الرَّب يَسُوع، شاكِرين الله الأبو بيهو.

١ كُورِنْثُوس 7:28

لَكِن إن كان تِتزَوَّج، إنتَ ما تَعمِل خَطيَّه، و إن كان العَذرَاء إتزَوَّجَت، هي ما تَعمِل خَطيَّه. لَكِن المِتزَوِّجين يَكون ليهُم تَعب في الجِّسِم. و أنا عاوِز أحفَظكُم مِن تَعب زي دا.

رُومِيَه 14:3

الزّول البياكُل كُلّو حاجَه ما يَحتَقِر الما بياكُل. و الزّول الما بياكُل كُلّو حاجَه ما يَحكُم عَلى البياكُل، عَشان الله قِبلو.

عِبرانيين 13:9

ما تَخَلّو تَعاليم مُختَلِفَه و غَريبَه تَسوقكُم مِن الحَق. عَشان دا كوَيس إذا القَلِب يَكون ثابِت بِالنِّعمَه، مُش بِأكِل مَخصوص. و النّاس الأكَلوهو ما لِقو مِنّو فايدَه.

١ تِيمُوثَاوُس 2:4

و هو عاوِز كُل النّاس يَكونو مُخَلَّصين و يَجو لِمَعرِفَة الحَق.

١ كُورِنْثُوس 6:13

”الأكل لِلبَطُن و البَطُن لِلأكل،“ و الله بِخرَبُم الإتنين. الجِّسم مُش لِلزِّنا لَكِن لِلرَّب، و الرَّب لِلجِّسم.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

مَتَّى 15:36

و أخَد السَّبعَه رَغِفان و السَّمَك. و بَعَد ما شَكَر الله، كَسَّرَه، و أدّاها لِلتَّلاميذ. و التَّلاميذ أدّوهُم لِلنّاس.

مَتَّى 14:19

و أمَر النّاس يَقعُدو عَلى القَش. بَعدين أخَد الخَمسَه رَغِفان و السَّمَكتين، و عايَن لِلسَّما و بارَك، و كَسَّر الرَّغِفان و أدّاها لِلتَّلاميذ، و التَّلاميذ أدّوها لِلنّاس.

أعمال الرُّسُل 27:35

و لَمّا قال دا، أخَد عيش، و شَكَر الله قِدّام كُلُّهُم، و كَسَّر، و إبتَدا ياكُل.

يُوحَنَّا 6:23

بَعدين جو مَراكِب تانيَه مِن تَبَريَّه قَريب لِلمَكان الأكَلو فيهو الأكِل بَعَد ما الرَّب شَكَر.

لُوقَا 24:30

و لَمّا قَعَد مَعاهُم في الطَّرَبيزَه، أخَد الرَغيف و بارَك، و كَسَّر، و أدّاهو ليهُم.

مَتَّى 15:11

البِدخُل الخَشم ما بِنَجِّس الزّول، لَكِن البِطلَع مِن الخَشم، دا بِنَجِّس الزّول.“

١ تِيمُوثَاوُس 5:14

عَلَشان كِدا، أنا عاوِز الأرامِل الصُّغار يِتزَوَّجو و يَجيبو الأولاد، و يَرَتِّبو البُيوت، و ما يَدّو العَدو فُرصَه لِلشَّتيمَه.