١ تَسَالُونِيكِي 5:6 - كِتاب العَهد الجَّديد مِن الكِتاب المُقَدَّس

⁶ عَلَشان كِدا، ما نَنوم زي التّانيين، لَكِن خَلّونا نحرِس و نَكون عاقِلين.

١ تَسَالُونِيكِي 5:6 Referans Kwoze

١ بُطْرُس 1:13

عَلَشان كِدا، جَهِّز عُقولكُم لِلعَمَل، أمسِكو نُفوسكُم، و خُتّو رَجاكُم بِالتَّمام في النِّعمَه البِجيبوها ليكُم عِند ظُهور يَسُوع المَسيح.

مَتَّى 24:42

عَلَشان كِدا، خَلّو بالكُم، عَشان إنتو ما عارفين اليوم الرَّب بِتاعكُم بِجي.

لُوقَا 22:46

و هو قال ليهُم: ”إنتو نايمين لِشِنو؟ قُومو و صَلّو، عَشان ما تَدخُلو في تَجرِبَه.“

١ بُطْرُس 5:8

أمسِكو بِنُفوسكُم و أحرِسو عَشان إبْلِيس عَدوكُم زي أسَد بِكورِك، يَدَوِّر و يَفَتِّش عَن واحِد عَشان يَبلَعو.

رؤيا 16:15

”شوف! أنا بَجي زي الحَرامي! مُبارَك هو البِحرَس و بِحفَظ هِدومو عَلَشان ما يَمشي عَريان و يَوَرّي عيبو.“

تِيطُس 2:12

و تَعَلِّمنا أن نَنكُر الأفكار الضِّد الله و الشَّهوات المِن الدُّنيا، و نَعيش في الدُّنيا الحاضِرَه بِالفَهم و البِر و خوف الله.

أفَسُس 5:14

عَلَشان كِدا هو بِقول: ”أفتَح عُيونَك، إنتَ البِتنوم، و قوم مِن بين المَيِّتين، و المَسيح بِدّيك نور.“

رؤيا 3:2

أحرِس و شَدِّد الحاجات البِستَنّو القَرَّبو يَموتو، عَشان أنا ما لِقيت أعمالَك كَامِلَه قِدّام إلَهي.

١ بُطْرُس 4:7

نِهايَة كُلّو حاجَه قَرَّبَت. عَلَشان كِدا، كونو عاقلين و أحرِسو لِلصَّلَوات.

١ كُورِنْثُوس 16:13

أحرِسو، كونو ثابِتين في الإيمان، كونو رُجال و إتشَدَّدو.

١ تِيمُوثَاوُس 2:9

و زي دا بَدور النِّسوان يَلبَسو بِتَرتيب موافِق، بِأدَب و عَقل، مُش بِشَعر مُضَفَّر و الدَّهَب ولّا لولي ولّا هِدوم غالي.

تِيطُس 2:6

و كِدا كَمان أَدِّي نَصيحَه لِلشَّباب أن يَمسِكو النَفس.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

كُولُوسِّي 4:2

إستَمِرّو في الصَّلاه، و أحرِسو فيها بِالشُّكر.

أفَسُس 6:18

صَلّو دايماً بِكُلّو صَلاه و طَلَب في الرّوح. و خَلّو بالكُم لِدا و أحرِسو و صَلّو كُلّو وَكِت بِطَلَب عَشان كُل القِدِّسين.

لُوقَا 21:36

لَكِن أحرِسو و صَلّو في كُلّو وَكِت، عَشان تَقدَرو تَهرَبو مِن كُل الحاجات دي البِتَحصُل، و تَقيفو قِدّام إبن الإنسان.“

لُوقَا 12:39

و لَكِن أفهَمو، إذا سيد البيت عِرِف السّاعَه اليَجي فيها الحَرامي، ما كان خَلّى الحَرامي يَسرِق بيتو.

مَتَّى 25:13

عَشان دا، خَلّو بالكُم، عَشان إنتو ما عارفين اليوم ولّا السّاعَه.

مَتَّى 25:5

و العَريس إتأخَّر، و كُلَّهُم بِقو تَعبانات و نامو.

مَتَّى 13:25

و لَكِن وَكِت ما النّاس نايمين، عَدوهو جا و زَرَع قَش في وَسط الدُّرَه، و مَشى.

٢ تِيمُوثَاوُس 4:5

لَكِن إنتَ، كون عاقِل في كُلّو شي، و إتحَمَّل التَّعب بِالصَّبر، و أعمِل عَمَل المُبَشِّر، وكَمِّل خِدمَتَك.

١ تِيمُوثَاوُس 3:11

و زي دا كَمان، خَلّي نَسوانُم يَكونو مُحتَرمات، ما بِشتِمو، يَمسِكو نُفوسُم، و أمينات في كُلّو حاجَه.

١ تَسَالُونِيكِي 5:8

لَكِن عَشان نِحنا مِن النَّهار، خَلّونا نَكون عاقِلين، و نَلبَس دِرِع الإيمان و المَحَبَّه، و بَرنيطَة، الهي رَجاء الخَلاص.

فيلِبّي 4:5

خَلّو كُل النّاس يَعرِفو صَبِركُم. الرَّب قَريب!

١ كُورِنْثُوس 15:34

أرجَعو لِنُفوسكُم زي الواجِب، و ما تَعمِلو خَطيَّه. عَشان بَعض مِن النّاس ما عِندَهُم مَعرِفَه بِالله. بَقول داك عَشان أخَجِّلكُم.

أعمال الرُّسُل 20:31

عَلَشان كِدا، أحرِسو و إتزَكَّرو أنا مُدَّة تلاتَه سِنين ما وَقَّفتَ ليل و نَهار أهَظِّر كُلّو واحِد مِنَّكُم بِالدِّموع.

لُوقَا 12:37

مُبارَكين الخَدّامين ديل إذا سيدُم يَجي و يَلقاهُم حارِسين. بِالحَق أقول ليكُم، هو بِربُط حِزامو، و يَقَعِدُم في الطَّرَبيزَه و يَقَدِّم ليهُم أكِل.

مَرْقُس 13:37

و الأنا بَقولو ليكُم، بَقولو لِلكُل: أحرِسو.“

مَتَّى 26:38

بَعدين قال ليهو: ”نَفسي حَزينَه جِدّاً حَتّى الموت. إستَنّو هِنا و أحرِسو مَعاي.“

١ تِيمُوثَاوُس 2:15

لَكِن هي بِتَخلَص بِوِلادَة الأولاد إذا تِستَمِر في الإيمان و المَحَبَّه و القَداسَه مَعَ مَسِك النَّفس.

أفَسُس 2:3

و كُلُّنا عِشنا بِينُم في الزَّمَن الفات في شَهوات جِسِمنا. و كُنّا بِنَعمِل إرادَة الجِّسم و الأفكار. و كُنّا بِالطَّبيعَه أولاد الغَضَب زي النّاس التّانيين كَمان.

١ تَسَالُونِيكِي 4:13

لَكِن ما عاوِزينكُم تَكونو بِدون مَعرِفَه، يا أخوان، عَن الراقِدين، عَلَشان ما تَحزَنو زي التّانيين الما عِندَهُم رَجاء.

١ تَسَالُونِيكِي 5:10

هو مات فِشانّا عَشان إذا نحرِس ولّا نَنوم، نَقدَر نَعيش مَعاهو.