١ تَسَالُونِيكِي 5:13 - كِتاب العَهد الجَّديد مِن الكِتاب المُقَدَّس

¹³ و نَسألكُم أن تَحتَرِموهم كَتير خَلاص في المَحَبَّه عَلَشان عَمَلُم. عيشو بِالسَّلام بَعضَكُم بَعض.

١ تَسَالُونِيكِي 5:13 Referans Kwoze

مَرْقُس 9:50

المِلِح كوَيس. لَكِن إذا المِلِح يَبقى مَسيخ، كيف تَرَجِّعو ليهو ضوقو؟ خَلّي يَكون ليكُم مِلِح في نُفوسكُم، و يَكون في سَلام بينكُم.“

عِبرانيين 12:14

أتبَعو السَّلام مَعَ كُل النّاس و القَداسَه، عَلَشان ما في واحِد بِشوف الله بِدون القَداسَه.

يَعْقُوب 3:18

البيَعمِلو السَّلام بِزرَعو تيراب السَّلام، و هُم بِلِمّو ثِمار البِر.

أفَسُس 4:3

و جَرِّبو تَكونو واحِد في الرّوح دايماً، مَربوطين سَوا بِرِباط السَّلام.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

يُوحَنَّا 15:17

دا أمري، أن تَحِبّو بَعضَكُم بَعض.

٢ تِيمُوثَاوُس 2:22

أجري مِن الشَّهوات بِتاعَت الشَّباب، و أمشي وَرا البِر و الإيمان و المَحَبَّه و السَّلام مَعَ النّاس البِنادو بِالرَّب مِن قَلِب نَضيف.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

غَلَاطِيَّه 6:6

خَلّي أي واحِد البِتعَلَّم الكِلمَه يَدّي جُزو لِمُعَلِّمو مِن كُل الحاجات الكوَيسَه.

غَلَاطِيَّه 4:14

و ما إنّو مَرَضي كان تَجرِبَه ليكُم، ما كُنتو مِتكَبِّرين عَلي ولّا كِرِهتوني، لَكِن قِبِلتوني زي مَلاك مِن الله، زي المَسيح يَسُوع نَفسو.

مَتَّى 10:40

البِقبَلكُم بِقبَلني، و البِقبَلني بِقبَل الرَّسَّلني.

١ تَسَالُونِيكِي 5:14

و نَطلُب ليكُم، يا أخوان، حَزِّرو النّاس الكَسلانين، و شَدِّدو الخايفين، ساعِدو الضَّعيفين، و أصبُرو عَلى الكُل.