١ تَسَالُونِيكِي 5:10 - كِتاب العَهد الجَّديد مِن الكِتاب المُقَدَّس

¹⁰ هو مات فِشانّا عَشان إذا نحرِس ولّا نَنوم، نَقدَر نَعيش مَعاهو.

١ تَسَالُونِيكِي 5:10 Referans Kwoze

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.

١ تَسَالُونِيكِي 4:17

بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

٢ كُورِنْثُوس 5:15

و هو مات عَن كُل النّاس، عَشان الحَيين ما بِعيشو بَعَد دا لِنُفوسُم، لَكِن ليهو المات عَنُّم و قام.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ تِيمُوثَاوُس 2:6

الأدّا نَفسو فِداء عَن كُل النّاس، و دي الشِّهادَه في وَكتو الموافِق.

١ تَسَالُونِيكِي 4:13

لَكِن ما عاوِزينكُم تَكونو بِدون مَعرِفَه، يا أخوان، عَن الراقِدين، عَلَشان ما تَحزَنو زي التّانيين الما عِندَهُم رَجاء.

١ كُورِنْثُوس 15:3

عَشان سَلَّمتَ ليكُم في الأوَّل القِبِلتو أنا كَمان، إنّو المَسيح مات فِشان خَطايانا بِحَسَب الكُتُب.

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

يُوحَنَّا 10:17

و عَلَشان كِدا الأبو بِحِبّني، عَشان أنا بَدّي حَياتي، و باخُدا مَرَّه تانيَه.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

يُوحَنَّا 10:15

زي ما الأبو بِيَعرِفني، أنا بَعرِف الأبو. و أنا بَدّي حَياتي عَشان الخِرفان.

١ تَسَالُونِيكِي 4:15

و نَقول دا ليكُم بِكِلمَة الرَّب. نِحنا الحَيين، القاعِدين لِغايَة ما الرَّب بِجي، ما نِتقَدَّم عَلى النايمين.

١ تَسَالُونِيكِي 5:6

عَلَشان كِدا، ما نَنوم زي التّانيين، لَكِن خَلّونا نحرِس و نَكون عاقِلين.

٢ تِيمُوثَاوُس 2:11

الكِلمَه دي أمينَه: ”إذا مُتنا مَعاهو، بِنعيش مَعاهو كَمان.