١ تَسَالُونِيكِي 4:6 - كِتاب العَهد الجَّديد مِن الكِتاب المُقَدَّس

⁶ عَشان واحِد ما يَظلِم و يَغِش أخوهو في الحاجَه دي. عَشان الرَّب، هو اليَنتَقِم لِكُل اليَعمِلو دا، زي ما قُلنا ليكُم مِن قَبِل و حَزَّرناكُم.

١ تَسَالُونِيكِي 4:6 Referans Kwoze

عِبرانيين 13:4

خَلّي الزَّواج يَكون مُحتِرَم بِكُل النّاس. و الرّاجِل و المَرَه لازِم يَكونو أُمَنا. عَلَشان الله بِيَحكُم عَلى النّاس البيَعمِلو الزِّنا و الفُجّار.

رُومِيَه 12:19

ما تَنتَقِمو لِنُفوسكُم، يا أخوان، لَكِن أدّو مَكان لِزَعل الله، عَلَشان مَكتوب: ”الإنتِقام لَي. أنا بَدفَع، يَقول الرَّب.“

رُومِيَه 1:18

عَشان الله بِبَيِّن غَضَبو مِن السَّما ضِد كُلّو شَر النّاس، و ذَنبُم، النّاس اليَمنَعو الحَق بِالذَّنب.

يَعْقُوب 5:4

شوفو! ماهيَة الشّغّالين الإشتَغَلو في زِراعاتكُم، الإنتو ما دَفَعتو ليهُم، تَكورِك! و كوراك البِلِمّو الدُّرَه دَخَل إضنين رَب الجُّيوش.

يَعْقُوب 2:6

لَكِن إنتو شَتَمتو المِسكين. الغَنيين ما يَظلُموكُم و يَجُروكُم لِلمَحكَمَه؟

غَلَاطِيَّه 5:21

و الطَّمَع، و السُّكر، و الحَفلات البَطّالَه، و حاجات زي دي. أحَزِّركُم مِنَّها كَمان، زي ما حَزَّرتَكُم قُبّال دا. البِعمِلو حاجات زي دي، ما بِيورَثو مَلَكوت الله.

رُومِيَه 13:4

عَشان هو خَدّام الله البيَعمِل الخير ليك. لَكِن إذا عَمَلتَ الشَّر، خاف، عَلَشانو ما يَشيل السّيف ساكِت. هو خَدّام الله، وَكيل العَدل، البِجيب غَضَب عَلى البيَعمِلو الشَّر.

لُوقَا 12:5

لَكِن بَوَرّيكُم مِن مِنو إنتو لازِم تَخافو. خافو مِن هو البَعَد ما يَكتُل، عِندو قُدرَه يَرمي في جَهَنَّم. أيوَه، أقول ليكُم، خافو مِنّو.

٢ تَسَالُونِيكِي 1:8

هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

أفَسُس 5:6

ما تَخَلّو أي زول يَغِشّكُم بِكِلمات بِدون فايدَه، عَلَشان بِسَبَب الحاجات دي، زَعل الله يَجي عَلى النّاس الما بِطيعُو.

أفَسُس 4:17

و بَقول دا و أشهَد في الرَّب، ما تَعيشو بَعَد دا زي الأُمَم كَمان بِأفكار بِدون فايدَه.

مَرْقُس 10:19

إنتَ تَعرِف الأوامِر: ما تَكتُل، ما تَعمِل الزِّنا، ما تَسرِق، ما تَشهَدو بِالكِضِب، ما تَغِش، إحتَرِم أبوك و أُمَّك.“

أفَسُس 4:28

ما تَخَلّي الكان بِسرِق يَسرِق تاني مَرَّه. لَكِن خَليهو يَشتَغِل بِإيدينو حاجَه طَيبَه، عَشان بِكون عِندو حاجَه عَشان يَدّي لِلزّول العِندو إحتِياج.

لُوقَا 16:28

عَشان عِندي خَمسَة أخوان. خَليهو يَشهَد ليهُم، عَلَشانُم ما بِجو كَمان لِمَحَل العَذاب دا.

٢ كُورِنْثُوس 7:11

و شوفو كيف الحُزن دا زاتو، المِن الله، إشتَغَل فيكُم. و كان عِندَكُم إهتِمام عَشان تَكونو بِدون لوم. و كان عِندَكُم زَعل و خوف و مَحَبَّه و غيرَه و إنتِقام. و وَرّيتو نُفوسكُم بِدون غَلَط في الحاجَه دي كُلُّها.

١ تَسَالُونِيكِي 2:11

عَشان تَعرِفو كيف كُنّا نَعَزّي كُلّو واحِد مِنَّكُم، زي أبو لِأولادو، و كُنّا نَشَجِّعكُم،

عِبرانيين 2:6

لَكِن واحِد شِهِد في مَحَل و قال: ”الإنسان شِنو حَتّى تِتزَكَّرو؟ ولّا وَلَد الإنسان حَتّى تَهتَم بيهو؟