١ تَسَالُونِيكِي 2:4 - كِتاب العَهد الجَّديد مِن الكِتاب المُقَدَّس

⁴ و لَكِن زي ما الله كان مَبسوط مِنَّنا، و أدانا مسؤليَة الإنجيل، كِدا نِتكَلَّم. و بِنَعمِل دا، ما عَشان نَبسِط النّاس، لَكِن عَشان نَبسِط الله اليَجَرِّب قُلوبنا.

١ تَسَالُونِيكِي 2:4 Referans Kwoze

غَلَاطِيَّه 1:10

هَسَّع بَطلُب أكون مَقبول قِدّام النّاس، ولّا قِدّام الله؟ ولّا بَطلُب أن أبسِط النّاس؟ إذا أنا لِسَّع أبسِط النّاس، ما بَكون خَدّام لِلمَسيح.

رُومِيَه 8:27

و البِفَتِّش القُلوب بِيَعرِف فِكر الرّوح هو شِنو، عَلَشان الرّوح يَطلُب فِشان القِدِّسين بِحَسَب إرادَة الله.

غَلَاطِيَّه 2:7

بِالعَكس، هُم شافو الله أدّاني خِدمَة بِشارات الإنجيل لِلما مُطَهَّر، زي ما هو أدّا بُطْرُس خِدمَة بِشارات الإنجيل لِلمُطَهَّر.

٢ تِيمُوثَاوُس 1:14

أحفَظ الحاجَه الطَّيبَه السَّلَّموها ليك بِالرّوح القُدُس السّاكِن فينا.

أفَسُس 6:6

ما تَخدِموهُم لَمّا هُم يَعاينو ليكُم بَس عَشان تَعمِلوهُم مَبسوطين مِنَّكُم. لَكِن زي خَدّامين المَسيح، أعمِلو إرادَة الله مِن القَلب.

تِيطُس 1:3

لَكِن هو وَرّا كلمَتو في وَكتا. و هو إتَّكَل عَلي أن أبَشِّر بِحَسَب أمر مُخَلِّصنا الله.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

٢ كُورِنْثُوس 4:2

لَكِن نِحنا أبينا نَعمِل أي حاجَه بِالسِّر ولّا الفيهو عيب. ما نَغِش ولّا نَغَيِر كِلمَة الله. بِالعَكس نِبَيِّن الحَق، و نَحمِد نُفوسنا قِدّام ضَمير النّاس و قِدّام الله.

١ كُورِنْثُوس 9:17

إذا أعمِل دا مِن إرادَتي، عِندي أُجرَه. و لَكِن إذا دا ما مِن إرادَتي، الله حَسبني وَكيل أمين.

لُوقَا 16:11

إذا ما كُنتو صادقين بِمال الظُّلم، مِنو بِيَعمِلكُم مَسؤلين في الغِنى الحَقيقي؟

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.

عِبرانيين 4:13

ما في أي حاجَه مَدسوسَه مِن الله، لَكِن كُلّو حاجَه عَريانَه و مَفتوحَه قِدّام عُيون الله. و نِحنا لازِم نَدّيهو حِساب.

١ تِيمُوثَاوُس 6:20

يا تِيمُوثَاوُس، أحفَظ الحاجَه السَّلَّموها ليك. كون بَعيد مِن الكَلام الفاضي و الوَسخان و مِن البِعاكِس، البِسَمّوها ”المَعرِفَه“ بِالكِضِب.

كُولُوسِّي 3:22

يا خَدّامين، طيعو أسيادكُم حَسَب الجِّسِم في كُلّو حاجَه. و أعمِلو كِدا مُش لَمّا هُم يَعاينو ليكُم بَس عَشان تَبسِطوهُم. لَكِن إشتَغِلو بِإخلاص القَلِب و مِن خوف لِلرَّب.

٢ كُورِنْثُوس 5:11

و ما دام بِنَعرِف خوف الرَّب، نَجَرِّب أن نَربَح النّاس. و نِحنا بَايِنين لِلَّه، و عِندي رَجاء بِقينا بَايِنين في ضَميركُم كَمان.

٢ تِيمُوثَاوُس 2:2

و الحاجات السِّمِعتَ مِنّي قِدّام شاهِدين كُتار، سَلِّما لِرُجال أُمَنا البِقدَرو يَعَلِّمو التّانيين كَمان.

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.

١ كُورِنْثُوس 7:25

هَسَّع عَن العَذارى، ما عِندي أمر مِن الرَّب فيهُم، و لَكِن أَدِّي فِكري زي واحِد، بِرَحمَة الرَّب، أمين.

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

لُوقَا 12:42

و يَسُوع قال ليهو: ”مِنو هو الوَكيل الأمين و العاقِل، السيدو بيَعمِلو مَسؤول عَن خَدّامينو؟ و هو المَسؤول عَشان يَدّيهو الأكل في وَكتو.

٢ كُورِنْثُوس 2:17

و نِحنا ما زي الكَتيرين البِتاجِرو بِكِلمَة الله. و لَكِن نِتكَلَّم قِدّام الله بِإخلاص في المَسيح، زي ناس مُرَسَّلين مِن الله.

١ بُطْرُس 4:11

و إذا كان أي واحِد يتكَلَّم، خَليهو يَعمِلو زي اليتكَلَّم بِكِلمات الله. إذا كان أي واحِد يَخدِم، خَليهو يَخدِم بِالقُوَّه الأدّاها ليهو الله، عَشان يَمَجِّدو الله في كُلّو حاجَه بِيَسُوع المَسيح. ليهو المَجد و السُّلطان لِلأبَد. آمين.