١ تَسَالُونِيكِي 2:15 - كِتاب العَهد الجَّديد مِن الكِتاب المُقَدَّس

¹⁵ الكَتَلو الرَّب يَسُوع و الأنبياء كَمان، و طَرَدونا نِحنا. و هُم ما يَبسِطو الله، و يَقاوِمو كُل النّاس.

١ تَسَالُونِيكِي 2:15 Referans Kwoze

مَتَّى 5:12

أفرَحو و كونو مَبسوطين، عَشان أُجرَتكُم كَبيرَه في السَّما. عَشان النّاس كِدا طَرَدو الأنبياء الكانو قُبّالكُم.

أعمال الرُّسُل 7:52

ياتو نَبي مِن الأنبياء، أبَهاتكُم ما طَرَدوهو؟ و هُم كَتَلو النّاس الإتنَبّو مِن قُبّال بِالبار الجّاي. و هَسَّع إنتو نَكَرتوهو و كَتَلتوهو.

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

لُوقَا 24:20

و كيف القُسُس الكُبار و السَّلاطين بِتوعنا سَلَّموهو لِحُكم الموت، و صَلَبوهو.

مَتَّى 27:25

و كُل النّاس قالو: ”دَمّو عَلينا و عَلى أولادنا!“

مَتَّى 23:37

يا أُورُشَلِيم، يا أُورُشَلِيم، البِتَكتُل الأنبياء و البِتَرمي حِجارَه فوق النّاس المُرَسَّلين ليكُم. كَم مَرَّه كُنتَ عاوِز ألِم أولادِك، زي ما الجِّدادَه تَلِم الجَّنى بِتِاعا تِحِت جِنحيها. و لَكِن إنتو أبيتو.

١ كُورِنْثُوس 10:5

لَكِن الله ما كان مَبسوط بِأكتَرُم، عَشان أتفَرتَقو في الخَلا.

أعمال الرُّسُل 12:3

و لَمّا شاف دا بَسَط اليَهود، هو رَجَع و قَبَض عَلى بُطْرُس كَمان. و دا حَصَل في أيام عيد الفَطير.

أعمال الرُّسُل 5:30

إله أبَهاتنا قَوَّم يَسُوع مِن بين المَيِّتين، الإنتو كَتَلتوهو لَمّا عَلَّقتوهو عَلى الخَشَب.

أعمال الرُّسُل 4:10

خَلّي دا يَكون مَعروف لِكُلُّكُم و كُلّو ناس إِسْرَائِيل. بِإسم يَسُوع المَسيح النّاصِري، الإنتو صَلَبتوهو، لَكِن الله قَوَّمو مِن بين المَيِّتين، بيهو الرّاجِل دا واقِف قِدّامكُم بِعافيَه تَمام.

٢ كُورِنْثُوس 11:26

سافَرتَ مَرّات كَتيرَه. كُنتَ في خَطَر مِن البَحَر، في خَطَر مِن حَراميَّه، في خَطَر مِن ناس بَلَدي، في خَطَر مِن الأُمَم، في خَطَر في المَدينَه، في خَطَر في الخَلا، في خَطَر في البَحَر، في خَطَر مِن أخوان كَضّابين.