١ تَسَالُونِيكِي 1:5 - كِتاب العَهد الجَّديد مِن الكِتاب المُقَدَّس

⁵ عَشان إنجيلنا ما جا ليكُم بِالكَلام بَس، و لَكِن بِالقُوَّه كَمان، و بِالرّوح القُدُس و بِتأكيد شَديد. بِتَعرِفو كيف مَشينا بينكُم فِشانكُم.

١ تَسَالُونِيكِي 1:5 Referans Kwoze

مَرْقُس 16:20

و لَكِن هُم مَرَقو، و بِشَّرو في كُلّو مَكان. و الرَّب كان يَشتَغِل مَعاهُم و يَثَبِّت الكِلمَه بِالعَلامات الكانَت تَمشي مَعاها.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

٢ تَسَالُونِيكِي 2:14

و هو ناداكُم لِدا بِإنجيلنا، عَشان تَقبَلو مَجد رَبَّنا يَسُوع المَسيح.

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

١ كُورِنْثُوس 4:20

عَلَشان مَلَكوت الله مُش بِالكَلام، لَكِن بِالقُوَّه.

أفَسُس 3:20

و لِلبِقدَر يَعمِل فوق كُلّو حاجَه زِيادَه جِدّاً مِن كُلّو شي النَطلُب ولّا نَفتَكِر، بِحَسَب القُوَّه التَّشتَغِل فينا،

رُومِيَه 1:16

أنا ما خَجلان مِن الإنجيل، عَشان هو قُوَّة الله عَشان يَخَلِّص كُل البِآمِنو، لِليَهود في الأوَّل، و بَعدين لِناس إغريقيين.

أعمال الرُّسُل 11:21

و إيد الرَّب كانَت مَعاهُم. و عَدَد كَبير مِن النّاس آمَنو و رَجَعو لِلرَّب.

٢ تِيمُوثَاوُس 2:10

عَلَشان كِدا، أنا أصبُر عَلى كُلّو حاجَه فِشان المُختارين، عَشان هُم كَمان يِلقو الخَلاص الفي المَسيح يَسُوع مَعَ المَجد الأبَدي.

٢ تِيمُوثَاوُس 2:8

إتزَكَّر يَسُوع المَسيح القام مِن بين المَيِّتين، مِن أهل دَاوُد، حَسَب إنجيلي.

فيلِبّي 4:9

الإنتو إتعَلَّمتو، و قِبِلتو، و سِمِعتو مِنّي، و شُفتو فِيني، أعمِلو بِدا. و إلَه السَّلام بِكون مَعاكُم.

٢ بُطْرُس 1:10

و عَلَشان كِدا، يا أخوان، جَرِّبو زِيادَه أن تَثَبِّتو إختياركُم و إنتِخابكُم المِن الله. عَشان إذا بِتَعمِلو الحاجات دي، إنتو ما تَقَعو أبَداً.

١ بُطْرُس 1:3

مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

عِبرانيين 6:11

و نِحنا عاوِزين كُلّو واحِد مِنَّكُم يَوَرّي نَفس النَّشاط لِلنِّهايَه عَشان يَعرِف كَمال الرَّجاء.

فيلِبّي 2:13

فِشان الله هو العامِل فيكُم الإرادَه و العَمَل عَشان تَعمِلو الحاجات التَّدّيهو فَرَح.

أفَسُس 2:10

عَلَشان نِحنا شُغل الله، و هو خَلَقنا في المَسيح يَسُوع عَشان نَعمِل أعمال كوَيسَه، الجَّهَّزا الله مِن قُبّال عَشان نَعمِلا.

غَلَاطِيَّه 5:5

عَشان نِحنا بِالرّوح، بِالإيمان، نِستَنّا رَجاء البِر.

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

٢ كُورِنْثُوس 3:6

و هو أدّانا قُوَّه عَشان نَكون خَدّامين إتِّفاق جَديد. و دا مُش بِالقانون المَكتوب، لَكِن بِالرّوح. عَشان القانون المَكتوب بِجيب الموت، لَكِن الرّوح بِدّي حَياة.

١ كُورِنْثُوس 10:33

زي ما أنا كَمان أبسِط كُل النّاس في كُلّو شي. و ما بَطلُب البِكون لِفايدَة نَفسي، لَكِن البِكون لِفايدَة كَتيرين عَشان يَخلَصو.

١ كُورِنْثُوس 3:16

ما بِتَعرِفو إنتو هيكَل الله، و روح الله يَسكُن فيكُم؟

١ كُورِنْثُوس 3:6

أنا زَرَعتَ، و أَبُلُّوس أدّاها مويَه، لَكِن الله، هو الكان بِزيدو.

١ كُورِنْثُوس 1:24

لَكِن لِلمُختارين، يَهود و ناس إغريقيين، المَسيح هو قُوَّة الله و حِكمَة الله.

رُومِيَه 2:16

في اليوم داك، الله يَدين عَلى أسرار النّاس بِحَسَب إنجيلي بِيَسُوع المَسيح.

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

٢ بُطْرُس 1:19

و عِندَنا كِلمَة النُّبوَّه المِتأكِّدَه أكتَر. و إنتو تَعمِلو كوَيس إذا تَخَلّو بالكُم ليها. كلمَتُم زي فانوس بِنَوِّر في مَحَل الضُّلُمَّه لِغايَة ما النَّهار بِظهَر و نَجمَة الصَّباح تَطلَع في قُلوبكُم.

١ بُطْرُس 5:3

و ما زي أسياد عَلى النّاس الهُم مَسؤوليتكُم، لَكِن كونو مَثَل لِلمُراح.

عِبرانيين 10:22

عَلَشان كِدا، خَلّونا نَقَرِّب بِقَلِب أمين و في كُلّو تأكيد الإيمان، و قُلوبنا مَرشوشَه عَشان يَنَضِّفنا مِن ضَمير بَطّال و أجسامنا مَغسولين بِمويَه نَضيفَه.

لُوقَا 1:1

ناس كُتار اَخَدو عَلى نُفوسُم أن يَكتِبو عَن الحاجات التَّمَّت بينَنا.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

١ كُورِنْثُوس 9:14

و كِدا كَمان، الرَّب أمَر أن ديل اليَنادو بِالإنجيل يَعِيشو مِن الإنجيل.