١ بُطْرُس 5:1 - كِتاب العَهد الجَّديد مِن الكِتاب المُقَدَّس

¹ أنا بَطلُب لِلشُّيوخ البينكُم، أنا شيخ زيَكُم. و شاهِد لِأتعاب المَسيح و شَريك كَمان في المَجد الماشي يَظهَر.

١ بُطْرُس 5:1 Referans Kwoze

لُوقَا 24:48

و إنتو شاهِدين لِلحاجات دي.

رؤيا 1:9

أنا، يُوحَنَّا، أخوكُم و شَريككُم في التَّعب و في المَلَكوت و الصَّبر في يَسوع، كُنتَ في الجَّزيرَه الإسِما بَطمُس عَشان خاطِر كِلمَة الله و شَهادة يَسوع.

٢ يُوحَنَّا 1:1

مِن الشّيخ لِلسَّيِّدَه المُختارَه و لِأولادا الأنا بَحِبُّم في الحَق، و ما أنا بَس، لَكِن كُل البِعرِفو الحَق كَمان.

١ بُطْرُس 5:4

و لَمّا يَظهَر رَئيس الرُّعاه، بِتاخدو تاج المَجد الما بِفوت.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

١ بُطْرُس 1:7

و داك يَكون لِبيّنَة إيمانكُم. الدَّهَب، البِخسَر، يَمتَحِن بِالنّار. و كِدا إيمانكُم، الغالي مِن الدَّهَب، لازِم يَمتَحِن كَمان عَلَشان يَكون لِلحَمد و المَجد و الإحتِرام عِند ظُهور يَسُوع المَسيح.

أعمال الرُّسُل 14:23

و بُولُس و بَرْنَابَا إختارو ليهُم شُيوخ في كُلّو كَنيسَه، و بِالصَّلاه و الصّوم قَدَّموهُم لِلرَّب الآمَنو بيهو.

أعمال الرُّسُل 11:30

و عَمَلو كِدا، و رَسَّلَوهو لِلشُّيوخ بِإيدين بَرْنَابَا و شَاوُل.

١ بُطْرُس 1:12

الله وَرّاهُم إنّو شُغلُم كان لِفايدَتكُم و ما لِفايدَة نُفوسُم. و هُم الخَبَروكُم عَن الحاجات السِّمِعتو هَسَّع مِن البَشَّروكُم بِالإنجيل بِالرّوح القُدُس المُرسَل مِن السَّما. المَلائكَه كَمان عاوِزين بِشِدَّه يَعرِفو عَن الحاجات ديل.

فِلِيمُون 1:9

لَكِن فِشان المَحَبَّه، بَطلُب بِالأكتَر، أنا، بُولُس الشّيخ و هَسَّع مَحبوس المَسيح كَمان.

تِيطُس 1:5

أنا سيبتَك في كَريت لِلسَّبَب دا، عَلَشان تَرَتِّب الحاجات النّاقصَه، و تَختار شُيوخ في كُلّو مَدينَه زي ما أمَرتَك.

٢ تِيمُوثَاوُس 4:8

و مِن هَسَّع مَحفوظ لَي تاج البِر. و الرَّب، القاضي العادِل، بِدّيهو لَي في اليوم داك، و مُش لَي بَس، لَكِن لِكُلُّهُم البِحِبّو ظُهورو كَمان.

١ تِيمُوثَاوُس 5:19

ما تَقبَل شَكوى عَلى الشيخ إلّا بِشَهادَة إتنين ولّا تلاتَه مِن النّاس.

١ تِيمُوثَاوُس 5:1

ما تَوَبِّخ الشّيخ لَكِن أدّيهو نَصيحَه زي أبو، الشَّباب زي أخوان،

فيلِبّي 1:19

عَلَشان أنا عارِف نِهايَة الحَصَل لَي بِكون لِخَلاصي، عَلَشان صَلاتكُم و مُساعَدَة روح يَسُوع المَسيح.

٢ كُورِنْثُوس 5:1

عَشان بِنَعرِف إذا بيت خيمَتنا المِن الأرض يَخسَر، عِندَنا بُنا مِن الله، بيت أبَدي في السَّما، ما مَعمول بِإيد.

أعمال الرُّسُل 21:18

و اليوم التّاني، بُولُس دَخَل مَعانا لِيَعْقُوب. و كُل الشُّيوخ كانو في.

أعمال الرُّسُل 20:28

أحرِسو نُفوسكُم و كُل المُراح، العَمَلكُم الرّوح القُدُس فيهو وكَلاء، عَشان تَكونو رُعاه كَنيسَة الله الإشتَراها بِدَمّو.

أعمال الرُّسُل 20:17

و مِن مِيلِيتُس بُولُس رَسَّل، و نادى شُيوخ الكَنيسَه.

أعمال الرُّسُل 15:6

و الرُّسُل و الشُّيوخ إتلَمّو عَشان يَشوفو الحاجَه دي.

أعمال الرُّسُل 15:4

و لَمَّن وِصلو لِأُورُشَلِيم، الكَنيسَه و الرُّسُل و الشُّيوخ قابَلَتُم. و خَبَّروهُم بِكُل العَمَلو الله مَعاهُم.

أعمال الرُّسُل 2:32

و الله قَوَّم يَسُوع دا، و نِحنا كُلُّنا شاهِدين بِالحَقيقَه دي.

أعمال الرُّسُل 1:22

مِن مَعموديَّة يُوحَنَّا لِليوم الفيهو أخَدوهو مِنَّنا. عَلَشان واحِد مِنَّهُم لازِم بِكون شاهِد مَعانا بِقِيامتو.“

أعمال الرُّسُل 1:8

لَكِن إنتو بِتَقبَلو قُوَّه لَمّا الرّوح القُدُس بِجي عَليكُم. و بِتكونو شاهِدين لَي في أُورُشَلِيم و في كُل اليَهُودِيَّه و السَّامِرَه لِغايَة آخِر الدُّنيا.“

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

عِبرانيين 12:1

و عَلَشان في حَوَلينا سِحابَه كَبيرَه زي دي مِن الشّاهِدين، خَلّونا نَرمي مِنَّنا كُلّو حِمِل و الخَطيَّه البِتضَيقنا بِالسُّرعَه. و خَلّونا نَجري بِالصَّبر السَّبَق المَختوت قِدّامنا.

١ بُطْرُس 4:13

لَكِن أفرَحو، عَشان تَشتَرِكو في أتعاب المَسيح، حَتّى تَفرَحو في ظُهور مَجدو.

٣ يُوحَنَّا 1:1

مِن الشّيخ لِغَايُوس الحَبيب، البَحِبّو في الحَق.